ເສດຖະກິດລາວຂະຫຍາຍຕົວໃນລະດັບ 7,5%

   ລັດຖະມົນຕີວ່າການກະຊວງແຜນການ ແລະ ການລົງທຶນໃຫ້ຮູ້ໃນກອງປະຊຸມກະກຽມດ້ານເນື້ອໃນໃຫ້ແກ່ກອງປະຊຸມສະ ໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VII ທີ່ດຳເນີນມາແຕ່ວັນທີ 16-17 ມິຖຸນານີ້ວ່າ: ສະພາບການຈັດຕັ້ງປະຕິບັ ດແຜນພັດທະນາເສດຖະກິດ-ສັງຄົມ 6 ເດືອນຕົ້ນສົກປີ 2014-2015 ເຫັນວ່າລວມຍອດຜະລິດຕະພັນພາຍໃນ(GDP) ຂະຫຍາຍຕົວສະເລ່ຍ 7,5%, ສາມາດສ້າງມູນຄ່າເພີ່ມໄດ້ປະມານແສນກວ່າຕື້ກີບ, ລາຍຮັບສະເລ່ຍ1.857 ໂດລາສະຫະລັດ ຫລື ປະມານ 14 ລ້ານກວ່າກີບຕໍ່ຄົນ, ສ່ວນການລົງທຶນຂອງລັດທີ່ສະພາແຫ່ງຊາດອະນຸມັດມີຫລາຍກວ່າ 5.600 ໂຄງ ການ, ມີມູນຄ່າ 7 ພັນຕື້ກວ່າກີບ, ສຳລັບວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກຕິດພັນກັບວຽກ ສາມສ້າງກໍເຫັນວ່າມີຜົນສຳເລັດຫລາຍດ້ານ, ໂດຍສະເພາະ 6 ເດືອນຜ່ານມາສາມາດລຶບລ້າງຄວາມທຸກຍາກໄດ້ 148 ບ້ານ, ມີຫລາຍກວ່າ 7 ພັນຄອບຄົວ, ຍັງເຫລືອ 1.800 ກວ່າບ້ານ ແລະ 84 ພັນກວ່າຄອບຄົວ. ສ່ວນວຽກງານວັດທະ ນະທຳ-ສັງຄົມ, ໂດຍສະເພາະຂະແໜງການສຶກສາ ແລະ ຍຸດທະສາດການປະ ຕິຮູບການສຶກສາແຫ່ງຊາດກໍຍັງແມ່ນ ບັນຫາຄູເຫລືອບໍ່ພໍ, ການຂະຫຍາຍຕາໜ່າງສາທາລະນະສຸກໄປເຂດຫ່າງໄກສອກຫລີກມີຄວາມຫຍຸ້ງ ແລະ ອື່ນໆ.