ໃນການສະເຫຼີມສະຫຼອງວັນໄຂ້ຍຸງລາຍອາຊຽນປີນີ້ກະຊວງສາ ທາໄດ້ ຈັດຫຼາຍກິດຈະກຳເພື່ອປຸກລະດົມປວງຊົນໃຫ້ມີສະຕິຕ້ານພະຍາດ ໄຂ້ເລືອດອອກ ແລະ ໜຶ່ງໃນນັ້ນກະຊວງ ສາທາໄດ້ນຳພາຜູ້ຕ່າງໜ້າ ຈາກປະເທດອາຊຽນລົງຢ້ຽມ ຢາມບ້ານຕາດທອງ, ຊຶ່ງເປັນບ້ານຕົວ ແບບຕ້ານໄຂ້ຍຸງລາຍ ແລະ
ທັງເປັນຕົວແບບໃນການການ ລ້ຽງປາ ຫາງນົກຍຸງເພື່ອກິນ ໜອນນ້ຳຍຸງລາຍ,
ໂອກາດນີ້ນາຍບ້ານຕາດ ທອງໄດ້ລາຍງານກ່ຽວກັບຜົນສຳເລັດທີ່ບ້ານຂອງຕົນທີ່ໄດ້ຮັບນາມມະຍົດເປັນບ້ານຕົວ ແບບໃນການ ຕ້ານໄຂ້ຍຸງລາຍວ່າ: ໃນເມື່ອກ່ອນບ້ານຕາດທອງມີຄວາມຮົກເຮື້ອ, ມີນ້ຳອັ່ງຂັງອັນເປັນເງື່ອນໄຂໃຫ້ຍຸງລາຍຕົວນຳເຊື້ອພະຍາດໄຂ້ເລືອດອອກຂະຫຍາຍຕົວຢ່າງຮ້າຍແຮງເຮັດໃຫ້ປະຊາຊົນ ແລະ
ພະສົງພາຍ ໃນບ້ານຕິດເຊື້ອພະຍາດດັ່ງກ່າວເປັນຈຳນວນຫຼາຍ, ແຕ່ດ້ວຍນ້ຳໃຈ ແລະ ຄວາມຮັບຜິດຊອບໃນການປະຕິບັດທິດຊີ້ນຳຂອງກະຊວງສາທາລະນະສຸກ, ກໍຄືອຳນາດການປົກຄອງເມືອງວ່າດ້ວຍ ການເອົາໃຈໃສ່ ສະກັດກັ້ນການລະບາດຂອງພະຍາດໄຂ້ເລືອດອອກ ແລະ
ໄດ້ຫັນເອົາທິດຊີ້ນຳດັ່ງກ່າວ ມາຜັນຂະຫຍາຍດ້ວຍການປຸກລະດົມໃຫ້ປະຊາຊົນມີສ່ວນຮ່ວມ ແລະ ເອົາໃຈໃສ່ປະຕິບັດຄຳຂວັນ 5 ປ ຄື: ປິດ, ປ່ຽນ, ປ່ອຍ, ປັບປຸງ ແລະ ປະຕິບັດ, ຊຶ່ງເບື້ອງຕົ້ນພວກເຮົາໄດ້ແຕ່ງຕັ້ງຄະນະກຳມະການຂັ້ນບ້ານ, ສ້າງໜ່ວຍງານຮັບ ຜິດຊອບໂດຍກົງຄື: ສະຫະພັນແມ່ຍິງ, ຄູ-ອາຈານ, ຫ້ອງການສາທາເມືອງເພື່ອເຮັດໜ້າທີ່ລົງຊ່ວຍອະທິ ບາຍໃຫ້ປະຊາຊົນຮູ້ກ່ຽວກັບຄວາມອັນຕະລາຍ, ຮ້າຍແຮງຂອງພະຍາດໄຂ້ຍຸງລາຍ, ຮຽນຮູ້ວີທີການປ້ອງກັນ , ທຳລາຍແຫລ່ງເພາະພັນຂອງຍຸງລາຍ, ແລະ ໃນທຸກໆທ້າຍອາທິດໄດ້ປຸກລະ ດົມໃຫ້ປະຊາຊົນອອກແຮງງານເຮັດອະນາໄມສິ່ງແວດລ້ອມ, ທຳລາຍແຫຼ່ງເພາະຂອງຍຸງລາຍ ແລະ ເນັ້ນໃຫ້ປະຊາຊົນເປັນເຈົ້າການເຮັດອະນາໄມເຮືອນຊານຂອງຕົນເປັນປະຈຳ, ແລະ ຈັດຕັ້ງໜ່ວຍງານລົງກວດໜອນນ້ຳ, ພ້ອມທັງ ສົງເສີມໃຫ້ປະຊາຊົນລ້ຽງປາຫາງນົກຍຸງໄປປ່ອຍໃສ່ອຸ, ແອ່ງ ບ່ອນທີ່ມີຄວາມສ່ຽງ ແລະ ກວດກາສິ່ງແວດລ້ອມຕ່າງໆ, ຊຶ່ງຜ່ານການຈັດຕັ້ງປະຕິບັດເຫັນໄດ້ວ່າບໍ່ມີພະຍາດໄຂ້ເລືອດອອກລະບາດອີກນັບແຕ່ປີ 2013 ເປັນຕົ້ນມາ, ເຮັດໃຫ້ປະຊາຊົນມີສຸຂະພາບແຂງແຮງມີໂອກາດສ້າງເສດຖະກິດຄອບຄົວດີຂຶ້ນ.
ນາຍບ້ານໃຫ້ຮູ້ອີກວ່າ: ສິ່ງໜຶ່ງທີ່ເຮັດໃຫ້ການຕ້ານໄຂ້ຍຸງລາຍຂອງບ້ານຕາດທອງມີປະສິດທິຜົນແມ່ນການຈັດ
ຕັ້ງປະຕິບັດຄຳສັ່ງແນະນຳວ່າດ້ວຍການປັບໃໝ ແລະ ການສຳຫລວດໜອນນ້ຳຍຸງລາຍເຊັ່ນ: ຖ້າກວດພົບໜອນນ້ຳຍຸງລາຍຢູ່ເຮືອນປະຊາຊົນ ຄັ້ງທີ 1 ແມ່ນດຳເນີນການສຶກສາ ອົບຮົມກ່າວເຕືອນເຮັດບົດບັນທຶກໄວ້, ຄັ້ງທີ 2 ສຶກສາອົບ
ຮົມປັບໃໝ
30.000 ກີບ, ຄັ້ງທີ 3
ສຶກສາອົບຮົມປັບໃໝ່ 60.000 ກີບ
ແລະ ຄັ້ງທີ 4 ສະເໜີຂັ້ນເທິງພິຈາລະນາ, ດຳເນີນມາດຕະການຕໍ່ຜູ້ລະເມີດ, ທັງນີ້ກໍ່ເພື່ອກະຕຸກຊູ້ຍູ້ໃຫ້ປະຊາຊົນເອົາໃຈໃສ່ປະຕິບັດພາລະບົດບາດ ແລະ ໜ້າທີ່ຂອງຕົນດ້ວຍຄວາມຈິງໃຈ ແລະ ສະໝັກໃຈ, ໂດຍບໍ່ມີຄ່າຕອບ ແທນໃດໆ, ຍ້ອນຜົນສຳເລັດທີ່ກ່າວມາຂ້າງເທິງນີ້, ບ້ານຕາດທອງ ຈຶ່ງໄດ້ຮັບກຽດ ຕ້ອນຮັບແຂກທີ່ມາຈາກບັນດາປະເທດອາຊຽນໃນຄັ້ງນີ້ ແລະ
ກໍເປັນ ໂອກາດເພື່ອແລກປ່ຽນບົດຮຽນໃນການຕ້ານໄຂ້ຍຸງລາຍຂອງອາຊຽນເຮົາໃຫ້ມີປະສິດທິຜົນ.
ບ້ານຕາດທອງເປັນບ້ານໜຶ່ງທີ່ນອນຢູ່ໃນ 60 ບ້ານຂອງເມືອງສີໂຄດຕະບອງ ນະຄອນຫຼວງວຽງຈັນ ມີພົນ ລະເມືອງທັງໝົດ 3144 ຄົນ, ມີ 631 ຫຼັງຄາເຮືອນ
ໄດ້ກາຍເປັນບ້ານແບບຢ່າງໃນການຕ້ານໄຂ້ຍຸງລາຍ,
ທັງເປັນຕົ້ວແບບໃນການລ້ຽງປາຫາງນົກຍຸງ.
No comments:
Post a Comment