ລັດຖະມົນຕີກະຊວງ ຖວທ ເນັ້ນເອົາໃຈໃສ່ວຽກງານກວດກາໃຫ້ເຂັ້ມງວດ

ລັດຖະມົນຕີວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ສາດສະດາຈານ ດຣ ບໍ່ແສງຄຳ ວົງດາລາ ໄດ້ໂອ້ລົມໃຫ້ທິດຊີ້ນຳຕໍ່ກອງປະຊຸມວຽກງານ ກວດກາທົ່ວຂະແໜງການ ຖວທ ທີ່ໄດ້ຈັດຂຶ້ນໃນວັນທີ 16 -17 ມິຖຸນານີ້ທີ່ຫໍວັດທະ ນະທຳແຫ່ງຊາດ, ນະຄອນຫລວງວຽງຈັນວ່າ: ວຽກງານກວດກາ, ແມ່ນໜຶ່ງໃນພາລະ ບົບບາດການນຳພາຂອງພັກ, ສະນັ້ນບ່ອນໃດມີກົງຈັກການຈັດຕັ້ງຂອງຄະນະກວດ ກາທີ່ເຂັ້ມແຂງ, ມີບຸກຄະລະກອນມີຄວາມຮູ້ຄວາມສາມາດໃນລະດັບແນ່ນອນການ ກວດກາຢູ່ບ່ອນນັ້ນກໍມີປະສິດທິຜົນດີ ແລະ ເພື່ອເຮັດໃຫ້ວຽກງານກວດກາເປັນ ເຄື່ອງມືຕ້ານປາກົດການທີ່ບໍ່ດີເຊັ່ນບັນ ຫາການສໍ້ລາດບັງຫລວງໃນຂະແໜງ ຖວທ ພວກເຮົາມີປະສິດທິຜົນດີຂຶ້ນກວ່າເກົ່ານັ້ນ, ກ່ອນອື່ນແມ່ນຕ້ອງເພີ່ມທະວີບົດບາດການຊີ້ນຳ-ນຳພາວຽກງານກວດ ກາໃນແຕ່ ລະຂັ້ນໃຫ້ເລິກເຊິ່ງເປັນປົກກະຕິໄປຄຽງຄູ່ກັບການກວດກາແຕ່ຫົວທີໃນການຈັດຕັ້ງປະຕິບັດໂຄງການຕ່າງໆເພື່ອສະກັດກັ້ນ ແລະ ຕ້ານບັນດາແນວຄິດທີ່ບໍ່ດີຂອງສະມາຊິກພັກ ແລະ ພະນັກງານ, ດັ່ງນັ້ນ ຈຶ່ງມີຄວາມຈຳເປັນທີ່ຈະຕ້ອງໄດ້ເພີ່ມທະ ວີການສຶກສາອົບຮົມການເມືອງແນວຄິດ ແລະ ຄວາມຮູ້ວິຊາສະເພາະໃຫ້ຖັນແຖວພະນັກງານຜູ້ເຮັດວຽກກວດກາມີ ຄວາມໜັກແໜ້ນ, ມີປະສິດທິຜົນ ແລະ ຄວາມຮັບຜິດຊອບສູງກວ່າເກົ່າ.