ຊຳຊຸງນຳສະເໜີໂທລະພາບຮຸ່ນໃໝ່ Samsung SUHD TV

ວັນທີ 17 ມິຖຸນານີ້, ບໍລິສັດ ໄທຊຳຊຸງ ເອເລັກໂຕຣນິກ ຈຳກັດໄດ້ຈັດພິທີນຳສະ ເໜີໂທລະພາບຮຸ່ນໃໝ່ຂອງຕົນ Samsung SUHD TV ໃນລາວທີ່ຮ້ານຈຳ ໜ່າຍຊຳຊຸງ p&p  ບ້ານ ໂພນສະອາດ ເມືອງໄຊເສດຖາ ນະຄອນຫຼວງ ວຽງຈັນ ມີຫົວໜ້າພະແນກເຄື່ອງໃຊ້ໄຟຟ້າ, ພ້ອມຕົວແທນຈຳໜ່າຍ, ລູກຄ້າ ແລະ ສື່ມວນ ຊົນຈາກພາກສ່ວນຕ່າງໆເຂົ້າ ຮ່ວມເປັນຈຳນວຍຫຼາຍ.

ຫົວໜ້າພະແນກເຄື່ອງໃຊ້ໄຟຟ້າບໍລິສັດດັ່ງກ່າວກ່າວວ່າ: Samsung SUHD TV ເປັນນະວັດຕະກຳໃໝ່, ເປັນໂທລະພາບທີ່ທັນສະໄໝທີ່ສຸດໃນປັດຈຸບັນ, ສາມາດປັບຄວາມແຈ້ງໄດ້ຫຼາຍກວ່າ ໂທລະພາບ UHD TV  ໄດ້ເຖິງ 2,5 ເທົ່າ ແລະ ຍັງມີເຕັກໂນໂລຊີສະເພາະຂອງຊຳຊຸງເຮັບໃຫ້ຮູບພາບມີຄວາມ ລະອຽດ

ສົມຈິງ, ໂທລະພາບຮຸ່ນນີ້ຖືກ ອອກແບບມາໃຫ້ມີຮູບຊົງສວຍງາມ,ໂດຍສະເພາະແມ່ນທາງດ້ານຫຼັງຈະມີຄວາມໂດດ ເດັ່ນທຸກມຸມມອງ, ພ້ອມກັບລະ ບົບປະຕິບັດການທີ່ສາມາດເຊື່ອມຕໍ່ທຸກລາຍການຈາກໂທລະພາບ ແລະ ຍັງສາມາດເຊື່ອມຕໍ່ ກັບລະບົບຕ່າງໆຜ່ານ ບຣູທູດໄດ້ໂດຍອັດຕະໂນມັດ, ໂທລະພາບຮຸ່ນນີ້ມີສອງຂະໜາດ ຄື 55 ນິ້ວ ແລະ 18 ນິ້ວ, ສ່ວນລາ ຄາເລີ່ມຕົ້ນ 25.265.000 ກີບ.

ຫົວໜ້າພະແນກເຄື່ອງໃຊ້ໄຟຟ້າບໍລິສັດດັ່ງກ່າວກ່າວວ່າ: ນອກຈາກຄວາມສວຍງາມລ້ຳຍຸກແລ້ວໂທລະພາບ ຮຸ່ນນີ້, ຍັງສາມາດສະແດງພາບສີໃນທຳມະຊາດໄດ້ເຖິງ 64 ເທົ່າ, ເຮັດໃຫ້ມີຄວາມສຸກໃນການຮັບຊົມ, ພິເສດໂທ     ລະພາບຮຸ່ນນີ້ຍັງຖືກອອກແບບມາໃຫ້ປະຢັດໄຟເປັນພິເສດໂດຍທ່ານບໍ່ຕ້ອງກັງວົນກັບຂະໜາດ.