ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ : ໃນໄລຍະນີ້, ຮ່ອງຄວາມກົດດັນອາກາດຕ່ຳຍັງສືບຕໍ່ພັດ ຜ່ານພາກເໜືອ ຫາພາກກາງຂອງລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ເຮັດໃຫ້ມີຝົນຕົກຟ້າຄະນອງໃນລະດັບຄ່ອຍ ເປັນບໍລິເວນກວ້າງ ແລະ ຕົກປານກາງຢູ່ບາງທ້ອງຖິ່ນ ໃນແຕ່ລະພາກ. ວັນທີ 19-21 ກໍລະກົດ, ຮ່ອງລົມມໍລະສຸມຕາເວັນ ຕົກສ່ຽງໃຕ້ຈະມີກຳລັງແຮງເພີ່ມຂຶ້ນ ພັດປົກຄຸມຢູ່ທົ່ວທຸກພາກຂອງລາວ, ເຮັດໃຫ້ມີຝົນຕົກຟ້າຄະນອງຫລາຍຂຶ້ນຢູ່ແຕ່ລະ ພາກໃນລະດັບ ຄ່ອຍຫາປານກາງ.
ສະພາບອາກາດໃນຊ່ວງນີ້ ຍັງຮ້ອນທຳມະດາ, ໂດຍສະເພາະຢູ່ແຂວງພາກເໜືອດ້ານຕາເວັນຕົກລົງ ຫາພາກກາງ ລະພາກໃຕ້, ຈາກນັ້ນ ອຸນຫະພູມອາກາດໂດຍທົ່ວ ໄປຈະເຢັນລົງເລັກນ້ອຍຢູ່ແຕ່ລະພາກ ໂດຍສະເພາະແຂວງພາກເໜືອ ດ້ານຕາເວັນອອກ, ແຂວງໄຊສົມບູນ ແລະ ພູພຽງບໍລະເວນປາກຊ່ອງ. ນັບແຕ່ວັນທີ 15-17 ກໍລະກົດ, ຍັງຈະມີຝົນຕົກຟ້າ ຄະນອງໃນລະດັບຄ່ອຍ ແລະ ຕົກປານກາງພ້ອມມີ ລົມພັດແຮງຢູ່ບາງ ທ້ອງຖິ່ນຂອງແຂວງພາກກາງຫາພາກໃຕ້, ວັນທີ 18-21 ກໍລະກົດນີ້, ຈະມີຝົນຕົກ ຟ້າຄະນອງກະຈາຍໃນລະດັບຄ່ອຍຫາປານກາງ ແລະ ຕົກໜັກຢູ່ບາງທ້ອງຖິ່ນ ໃນແຕ່ລະພາກນັບທັງນະ ຄອນຫລວງວຽງຈັນ, ຍ້ອນລົມມໍລະສຸມຕາເວັນຕົກສ່ຽງໃຕ້ມີກຳລັງແຮງເພີ່ມຂຶ້ນພັດປົກຄຸມ.
ປກສເມືອງປາກກະດິງຈັບຜູ້ຄ້າຂາຍຢາເສບຕິດ.
ແຫລ່ງຂ່າວຈາກແຂວງບໍລິຄຳໄຊລາຍງານໃຫ້ຮູ້ວ່າ: ເມື່ອບໍ່ດົນມານີ້, ເຈົ້າໜ້າທີ່ ປກສ ເມືອງ ປາກກະດິງ, ໄດ້ຈັບຕົວຜູ້ຄ້າຂາຍຢາເສບຕິດຕົວອັນຕະລາຍໃນເຂດບ້ານໂພນໄຊ ເມືອງ ແລະ ແຂວງດັ່ງ ກ່າວ, ຜູ້ຕ້ອງຫາຊື່ທ້າວດາວອນອາຍຸ 38 ປີ, ຢູ່ບ້ານໂພນສີ ເມືອງປາກກະດິງ ພ້ອມຂອງກາງ ຢາບ້າ
37 ເມັດ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ກ່ຽວຮັບສາລະພາວ່າ: ໄດ້ເລີ່ມພົວພັນຄ້າ ຂາຍຢາເສບຕິດໃຫ້ໄວໜຸ່ມຢູ່ເຂດບ້ານຂອງຕົນ ແລະ ບ້ານໃກ້ຄຽງມາດົນແລ້ວ, ພ້ອມທັງຊັກທອດໄປຫາ ເພື່ອນຮ່ວມຂະບວນການຊື່ ທິດມີ ອາຍຸ 52 ປີ ຢູ່ບ້ານໂພນໄຊ ເມືອງປາກກະດິງ ແລະ ທ້າວ ຊາວວື ອາຍຸ 35 ປີ ຢູ່ບ້ານທົ່ງນາມີ, ເຈົ້າໜ້າທີ່ຈຶ່ງໄດ້ຈັດກໍາລັງລົງຕິດຕາມຈົນສາມາດຈັບຕົວ ມາເຊັ່ນກັນ, ພ້ອມຂອງກາງຢາບ້າ 681 ເມັດ, ຈຶ່ງໄດ້ຍຶດໄວ້ເພື່ອເປັນຫລັກຖານໃນການດໍາເນີນຄະດີ ຕາມລະບຽບກົດໝາຍ.
No comments:
Post a Comment