ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ໃນລະຫວ່າງວັນທີ 1-17
ສິງຫານີ້, ຢູ່ນະຄອນຫລວງວຽງຈັນ ມີອຸປະຕິເຫດຕາມທ້ອງຖະໜົນ ເກີດ 59 ກໍລະນີ, ສົ່ງຜົນໃຫ້ມີຜູ້ເສຍຊີວິດ 9 ຄົນ, ທຽບໃສ່ໄລຍະດຽວກັນຂອງເດືອນຜ່ານມາ, ເຫັນວ່າ ມີຈຳນວນຜູ້ເສຍຊີວິດເພີ້ມຂຶ້ນ.
ໃນອາທິດຜ່ານມາ, ໄດ້ເກີດຂຶ້ນ 33 ກໍລະນີ,
ມີຜູ້ເສຍຊີວິດ 2 ຄົນຄື: ໃນຕອນຄ່ຳຂອງວັນທີ 11 ສິງຫາ, ຢູ່ເຂດບ້ານນາສ້ຽວ, ເມືອງນາຊາຍທອງ, ນະຄອນຫລວງວຽງຈັນ ລົດໃຫຍ່ຕຳທ້າຍລົດຈັກ ເຮັດໃຫ້ຜູ້ຂັບຂີ່ລົດຈັກຄື: ຕູ້ບົວສວຍ ອາຍຸ 75
ປີ ຢູ່ບ້ານດັ່ງກ່າວ
ເສຍຊີວິດຄາທີ່ ແລະ ໃນຕອນດຶຶກຂອງວັນຕໍ່ມາ ຢູ່ເຂດບ້ານດອນໜູນ, ເມືອງໄຊທານີ, ນະຄອນຫລວງວຽງຈັນ, ລົດຕູ້ຕຳກັບລົດຈັກຢ່າງແຮງ ເຮັດໃຫ້ຜູ້ຂັບຂີ່ລົດຈັກຄື: ທ້າວ ທັກສິນ ອາຍຸ
26 ປີ ຢູ່ບ້ານສີວິໄລ ເມືອງໄຊທານີ ເສຍຊີວິດຄາທີ່.
ເຈົ້າໜ້າທີ່
ຈະລາຈອນ
ນະຄອນຫລວງວຽງຈັນ ໃຫ້ຮູ້ວ່າ: ປັດຈຸບັນເຖິງວ່າຈຳນວນອຸປະຕິເຫດມີອັດຕາສ່ວນຫລຸດລົງ ເນື່ອງຈາກຜູ້ຂັບຂີ່ສ່ວນໃຫຍ່
ໄດ້ເອົາໃຈໃສ່ປະຕິບັດກົດລະບຽບຈາລະຈອນເຂັ້ມງວດ. ແຕ່ເຖິງແນວໃດກໍຂໍຮຽກຮ້ອງໃຫ້ຜູ້ໃຊ້ລົດ,
ໃຊ້ຖະໜົນເອົາໃຈໃສ່ປະຕິບັດລະບຽບຈາລະຈອນ, ໂດຍສະເພາະ
ໃນໄລຍະລະດູຝົນນີ້ ອາດມີຫລາຍສິ່ງພາໃຫ້ເກີດອຸປະຕິເຫດໄດ້ງ່າຍ.
No comments:
Post a Comment