ອຸທົກກະໄພເດືອນຜ່ານມາສົ່ງຜົນໃຫ້ເນື້ອທີ່ກະສິກຳ ແລະ ສັດລ້ຽງ ເສຍຫາຍເປັນຈຳນວນບໍ່ໜ້ອຍ

ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ໃນເດືອນຫນຶ່ງຜ່ານມາເນື່ອງຈາກສະພາບຝົນ ຕົກຕໍ່ເນື່ອງຫຼາຍວັເຮັດໃຫ້ເກີດນ້ຳຖ້ວມຢູ່ຫຼາຍແຂວງເຊັ່ນ: ແຂວງບໍລິຄຳໄຊ, ຫົວພັນ, ຫຼວງນ້ຳທາ, ໄຊສົມບູນ, ຄຳມ່ວນ ແລະ ແຂວງອື່ນໆ, ສົ່ງຜົນໃຫ້ເນື້ອທີ່ການຜະລິດ ແລະ ສັດລ້ຽງຈຳນວນຫລາຍໄດ້ຮັບຜົນກະທົບ ແລະ ເສຍຫາຍ, ຢູ່ແຂວງຫຼວງນ້ຳທາມີ 15 ບ້ານໃນ 5 ເມືອງ,  ຖືກນ້ຳຖ້ວມ, ເຮັດໃຫ້ເນື້ອທີ່ກະສິກຳເສຍຫາຍຫລາຍກວ່າ 1.000 ເຮັກຕາ, ສັດລ້ຽງປະເພດຕ່າງໆສູນຫາຍນັບຫລາຍພັນໂຕ, ໜອງປາຖືກຜົນກະທົບ 68 ໜອງ, ຊົນລະປະທານເປ່ເພ 62 ແຫ່ງ ແລະ ເຊິ່ງຕີລາຄາແລ້ວອາດມີມູນຄ່າການເສຍຫາຍຫຼາຍກວ່າ 14 ຕື້ກີບ. ແຂວງໄຊສົມບູນມີ 29 ບ້ານ 5 ເມືອງ, ຖືກນ້ຳຖ້ວມເຮັດໃຫ້ເນື້ອທີ່ກະສິກຳເສຍຫຼາຍ

354,75 ເຮັກຕາ, ເນື້ອທີ່ດິນເຈື່ອນ 5,47 ເຮັກຕາ, ໜອງປາຖືກຜົນກະທົບ 6 ໜອງ, ສັດລຽງສູນຫາຍ 21 ໂຕ, ຊົນລະປະທານ ແລະ ເຫມືອງຝາຍເປ່ເພ 14 ແຫ່ງ, ແຂວງຫົວພັນ ມີ 3 ເມືອງທີ່ຖືກນ້ຳຖ້ວມສົ່ງຜົນໃຫ້ເນື້ອທີ່ກະສິກຳເສຍຫາຍ 616 ເຮັກຕາ, ຊົນລະປະທານເປ່ເພ 23 ແຫ່ງ, ລວມມູນຄ່າຄວມເສຍຫາຍຫຼາຍກວ່າ 12 ຕື້ກີບ, ບໍລິຄຳໄຊມີ 5 ເມືອງທີ່ຖືກນ້ຳຖ້ວມ, ມີເນື້ອທີ່ກະສິກຳເສຍຫາຍ 5.968 ເຮັກຕາ, ຊົນລະປະທານເປເພ່ 2 ແຫ່ງ, ຮ້າຍແຮງທີ່ສຸດແມ່ນເມືອງບໍລິຄັນມີສອງ ບ້ານຈົມຢູ່ໃຕ້ນ້ຳ, ສ່ວນແຂວງຄຳມ່ວນມີ 5 ເມືອງທີ່ຖືກນ້ຳຖ້ວມ, ມີເນື້ອທີ່ກະສິກຳເສຍຫາຍ 5.906 ເຮັກຕາ, ສ່ວນແຂວງອື່ນໆກໍໄດ້ຮັບຜົນກະທົບເຊັ່ນດຽວກັນຕໍ່ສະພາບ ດັ່ງ ກ່າວທາງຂະແໜງກະຊິກຳ ແລະ ປ່າໄມ້ກໍໄດ້ລົງສົມທົບກັບອຳນາດການປົກຄອງທ້ອງ ຖິ່ນເຂດທີ່ໄດ້ຜົນກະທົບເພື່ອຊ່ວຍເຫຼືອເກັບກູ້ ແລະ ຟື້ນຟູການຜະລິດໃຫ້ກັບຄືນສູ່ສະພາບປົກກະຕິໂດຍໄວ.