ປກສ ເມືອງໄຊເສດຖາມ້າງສະຖານມົ້ວສຸມຢາເສບຕິດແຫລ່ງໃຫຍ່ສາມາດກັກຕົວຜູ້ຕ້ອງຫາຫລາຍສີບຄົນ

ຂ່າວ-ພາບ : ຫນັງສືພິມ ປກສ

ພາຍຫລັງ, ເຈົ້າໜ້າທີ່ ປກສ ເມືອງໄຊເສດຖາ ນະຄອນຫລວງວຽງຈັນ ໄດ້ຮັບແຈ້ງຈາກພົນລະເມືອງດີໃນວັນທີ 19 ສິງຫາຜ່ານມານີ້ວ່າ: ໄດ້ມີໄວລຸ້ນຈຳນວນບໍ່ໜ້ອຍພາກັນຊື້ຂາຍ ແລະ ມົ້ວສຸມຢາເສບຕິດໃນເຮືອນຫລັງໜຶ່ງຢູ່ບ້ານທາດຫລວງເໜືອ ຈຶ່ງໄດ້ນຳກຳລັງເຂົ້າປິດລ້ອມເຮືອນເປົ້າໝາຍດັ່ງກ່າວ ຊຶ່ງແມ່ນເຮືອນຂອງນາງ ຄຳພູທອນ ອາຍຸ 48 ປີ ແລະ ສາມາດຈັບຜູ້ມົ້ວສຸມໄດ້ທັງໝົດ 23 ຄົນ, ຍິງ 3 ຄົນ, ພ້ອມອຸປະກອນເສບຢາຈຳນວນໜຶ່ງ, ຈຶ່ງໄດ້ຍຶດໄວ້ເປັນຫລັກຖານໃນການດຳເນີນຄະດີ.ຈາກນັ້ນເຈົ້າໜ້າທີ່ໄດ້ນຳຕົວຜູ້ມົ້ວສຸມທັງໝົດໄປສືບສວນ-ສອບສວນ ເພື່ອຮູ້ແຈ້ງລະຫວ່າງຜູ້ຂາຍຢາເສບຕິດໄປດຳເນີນຄະດີຕາມກົດໝາຍ, ສ່ວນຜູ້ມີພຶດຕິກຳເສບຕິດຢາຮ້າຍແຮງແມ່ນຈະສົ່ງໄປສູນບຳບັດ ແລະ ຈຳນວນໜຶ່ງແມ່ນໄດ້ເຮັດບົດບັນທຶກສຶກສາອົບຮົມກ່ອນມອບໃຫ້ຜູ້ປົກຄອງນຳໄປສຶກສາອົບຮົມຕໍ່.