ພະແນກສືບສວນ-ສອບສວນ ປກສ ນະຄອນຫລວງວຽງຈັນ
ໃຫ້ຮູ້ວ່າ:
ໃນວັນທີ 12
ກັນຍາຜ່ານມານີ້, ເຈົ້າໜ້າທີ່ໄດ້ຮັບແຈ້ງຄວາມຈາກອຳນາດການປົກຄອງບ້ານທ່າງ່ອນ ເມືອງໄຊທານີ ວ່າ: ພົບສົບຍິງຄົນໜຶ່ງຖືກຂ້າຕາຍແລ້ວຍັດໃສ່ກະເປົາລາຍໃຫຍ່ໄປຖີ້ມໄວ້ຢູ່ອ່າງນ້ຳເກົ່າຂອງສວນຄອກມ້າບ້ານເວີນຄຳ, ທີ່ຢູ່ຫ່າງຈາກເຮືອນປະຊາຊົນຜູ້ເຝົ້າສວນຄອກມ້າດັ່ງກ່າວ ປະມານ 7 ແມັດ ແລະ
ເຈົ້າໜ້າທີ່ກໍໄດ້ລົງສັນລະສູດສົບ ແລະ ຮູ້ວ່າຜູ້ຕາຍຊື່ນາງ ຫງວຽນ ທິ
ເຮືອງ (ສັນຊາດຫວຽດນາມ)
ມີອາຍຸ 37 ປີ ອາຊີບຄ້າຂາຍ ເຊິ່ງໄດ້ມາພັກເຊົາຢູ່ບ້ານທ່າງ່ອນເພື່ອເຮັດທຸລະກິດຂາຍເຄື່ອງຜ່ອນ.
ຄົນໄກ້ຊິດຂອງຜູ້ເສຍຊີວິດໃຫ້ຮູ້ວ່າ: ໃນແລງວັນທີ 9 ກັນຍາຜ່ານມາ, ຜູ້ຕາຍໄດ້ອອກໄປເກັບເງິນນຳລູກຄ້າ ແລະ ຈົນຄ່ຳມືດກໍບໍ່ເຫັນຜູ້ກ່ຽວກັບມາເຮືອນ, ໝູ່ຄູ່ ແລະ ຍາດພີ່ນ້ອງໄດ້ໂທລະສັບ ແລະ ອອກຊອກຫາແຕ່ບໍ່ເຫັນ, ຈົນ 3 ມື້ຕໍ່ມາຈິ່ງມີຜູ້ພົບເຫັນສົບດັ່ງກ່າວ.
ເຈົ້າໜ້າທີ່ໃຫ້ຮູ້ວ່າ: ຜ່ານການສືບສວນ-ສອບສວນ ເຈົ້າໜ້າທີ່ສາມາດນຳຈັບຕົວຜູ້ຕ້ອງສົງໃສໄດ້ແລ້ວ ແລະ ພວມດຳເນີນຄະດີສັ່ງຟ້ອງໄອຍະການ ແລະ ສານລົງໂທດຕາມລະບຽບກົດໝາຍ.
No comments:
Post a Comment