ທີເຄ ກຣຸບ ນຳສະເໜີເຄື່ອງປັບອາກາດຮຸ້ນໃໝ່

     ໃນຄືນວັນທີ 26 ກັນຍາຜ່ານມານີ້, ບໍລິສັດ ທີເຄ ກຣຸບ ຈຳກັດຜູ້ດຽວ, ໄດ້ຈັດ​ພິທີນຳສະເໜີເຄື່ອງປັບອາກາດຮຸ້ນ​ໃໝ່, ພາຍໃຕ້ເຄື່ອງໝາຍການຄ້າ ຊຸບເປີຄູລ (Supercool), ຂຶ້ນທີ່ໂຮງແຮມດອນຈັນພາເລດ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ສຈ. ດຣ ບໍ່ວຽງຄຳ ວົງດາລາ ລັດຖະມົນຕີວ່າ ການກະຊວງວິທະຍາສາດ ແລະ ເຕັກໂນໂລຊີ ​ແລະ ທ່ານ ທັດນະຄອນ ທຳມະວົງ ປະທານ ດັ່ງກ່າວ, ພ້ອມ​ດ້ວຍ​ມວນ​ຊົນ​ເຂົ້າ​ຮ່ວມ​ເປັນ​ຈຳນວນ​ຫລາຍ.

     ເຄື່ອງປັບອາກາດ (ແອເຢັນ) Supercool, ໂດຍການສັ່ງຜະລິດຈາກໂຮງ ງານໃຫຍ່ ແລະ ທັນສະໄໝ ຢູ່ສປ ຈີນ ຈາກ​ບໍລິສັດ​ດັ່ງກ່າວ​ ທີ່ຮັບປະກັນຄຸນນະພາບດີທີ່ສຸດ, ຊຶ່ງ​ໄດ້ຮັບຮອງມາດຕະຖານຄຸນນະພາບສາກົນ ISO 9001-2008 ມີ​ທັງຊະນິດຕິດຝາ ຂະໜາດ 9.000-35.000 ບີທີຢູ, (BTU) ຊະນິດຕັ້ງ ຂະໜາດ 26 ພັນ-35 ພັນ ວີທີຢູ ແລະ ຮຸ້ນຕິດເພດານ 4 ທິດທາງ ໃນຂະໜາດຕ່າງໆ, ເຊິ່ງທຸກຮຸ້ນ ມີຮູບຊົງສວຍງາມ,

ຫລູຫລາ, ທັນສະໄໝ, ມີລະບົບຟອກອາກາດຂ້າເຊື້ອທັງ 7 ຂັ້ນຕອນ, ພ້ອມທັງມີຟິນຄອຍທອງຄຳເຄືອບດ້ວຍສານໄທເທນຽມປ້ອງກັນໝ້ຽງ ແລະ ພິເສດ ແອເຢັນ ຍີ່​ຫໍ້ນີ້ ຍັງຊ່ວຍປະຢັດໄຟຟ້າ ແລະ ສາມາດສ້ອມແປງງ່າຍ, ເພາະຈະມີໄຟສັນຍານເຕືອນຮຸ່ງຂຶ້ນຢ່າງອັດຕະໂນມັດ, ເມື່ອແອເຢັນຂອງທ່ານມີບັນຫາ.

     ປະທານ ບໍລິສັດ ທີເຄ ກຣຸບ ກ່າວວ່າ: ເມື່ອ 10 ກ່ອນ, ບໍລິສັດ ຂອງຕົນໄດ້ເລີ່ມຕົ້ນດຳເນີນທຸລະກິດໃນຂະແໜງບໍລິການດ້ານໄອທີ ແລະ ເທັກໂນໂລຊີ ພາຍໃຕ້ຊື່ ບໍລິສັດ ທີເຄ ສັບພອດ ​ແລະ ດ້ວຍຄວາມອົດທົນ, ພະຍາຍາມໃນການດຳເນີນທຸລະກິດ ບໍລິສັດ​ໄດ້​ຄ່ອຍໆເຕີບໂຕຂຶ້ນ, ໂດຍການ​ໂຮມເອົາບໍລິສັດຂະ ໜາດນ້ອຍ ຫລາຍກວ່າ 10 ບໍລິສັດເຊັ່ນ: ອອກແບບ, ກໍ່ສ້າງ-ຂົວທາງ, ພະລັງານໄຟ ຟ້າ, ບໍ່ແຮ່, ໄອທີ ແລະ ອື່ນໆ ມາເປັນກຸ່ມບໍລິສັດໃຫຍ່, ເຊິ່ງມີທຶນຈົດທະບຽນທັງ ໝົດ 50 ຕື້ກີບ.