ພິທີປະກາດແຕ່ງຕັ້ງຮອງປະທານ ແລະ ຜູ້ພິພາກສາສານປະຊາຊົນເຂດ I ນະຄອນຫລວງວຽງຈັນ, ມີຂຶ້ນໃນວັນທີ22 ກັນຍາຜ່ານມານີ້, ໂດຍການເຂົ້າຮ່ວມຂອງທ່ານປະທານສານປະຊາຊົນສູງສຸດຄຳພັນສິດທິດຳພາ. ໂດຍເຫັນດີແຕ່ງຕັ້ງທ່ານນາງ ພັນລິດາ ພໍລະສິມ ຫົວໜ້າຄະນະສານແພ່ງສານປະຊາຊົນເຂດ I ເປັນຮອງປະທານສານປະຊາຊົນເຂດ I ແລະ ແຕ່ງຕັ້ງທ່ານ ຄຳສອນ ພອນປະເສີດ ເປັນຜູ້ພິພາກສາສານປະຊາຊົນເຂດ I.
ໃນໂອກາດນີ້, ທ່ານປະທານສານປະຊາຊົນສູງສຸດ, ໄດ້ໂອ້ລົມວ່າ: ການປະກາດແຕ່ງຕັ້ງໜ້າທີ່ຄັ້ງນີ້, ແມ່ນການປັບປຸງກົງຈັກການຈັດຕັ້ງຂອງສານປະຊາຊົນເຂດ I ໃຫ້ມີຄວາມໜັກແໜ້ນດ້ານກົດໝາຍ, ສາມາດຕອບສະໜອງຄວາມຮຽກຮ້ອງຕ້ອງການຂອງລະບົບສານໃນໄລຍະໃໝ່, ພ້ອມທັງເນັ້ນໃຫ້ຜູ້ທີ່ຖືກແຕ່ງຕັ້ງຄັ້ງນີ້ຈົ່ງເອົາໃຈໃສ່ເຝິກຝົນຫລໍ່ຫລອມຕົນເອງໃນທຸກດ້ານ, ສືບຕໍ່ເພີ່ມທະວີຄວາມຮັບຜິດຊອບຂອງຕົນຕໍ່ວຽກງານພິພາກສາຄະດີກໍຄືການຕັດສິນຄະດີໃຫ້ໂປ່ງໃສ, ມີຈັນຍາບັນ ແລະ ໃຫ້ສອດຄ່ອງກັບລະບຽບກົດໝາຍ.
No comments:
Post a Comment