ກົມອຸຕຸນິຍົມ ແລະ
ອຸທົກກະສາດ
ໃຫ້ຮູ້ວ່າ: ໃນໄລຍະນີ້, ບໍລິເວນຄວາມກົດດັນສູງຂອງອາກາດເຢັນຈະປົກຄຸມຢູ່ທົ່ວທຸກພາກຂອງລາວດ້ວຍກຳລັງປານກາງ ແລະ ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້ອຸນຫະພູມອາກາດໜາວເຢັນລົງ ໂດຍສະເພາະຢູ່ເຂດພາກເໜືອ, ໄຊສົມບູນ ແລະ ເຂດພູພຽງບໍລະເວນ ປາກຊ່ອງ ແລະ ຈະມີຝົນຕົກຟ້າຄະນອງໃນລະດັບຄ່ອຍ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກເໜືອ ແລະ ພາກກາງ. ຈາກນັ້ນ ນັບແຕ່ວັນທີ 17-20 ຕຸລານີ້, ບໍລິເວນຄວາມກົດດັນສູງໄດ້ອ່ອນກຳລັງລົງ, ເຊິ່ງຈະເຮັດໃຫ້ອຸນຫະພູມ ອາກາດອຸ່ນຂຶ້ນ ແລະ
ມີຝົນຕົກຟ້າຄະນອງກະຈາຍໃນລະດັບຄ່ອຍຢູ່ບາງທ້ອງຖິ່ນໃນແຕ່ ລະພາກ, ພ້ອມນີ້ ລົມພະຍຸເຂດຮ້ອນ KOPPU (ກົບປູ)
ຫົວທີ 24 ແລະ ພະຍຸ CHAMPI (ຈຳປີ) ຫົວທີ 25 ຄາດວ່າ ພະຍຸຫົວທີ 24 ຈະເຄື່ອນທີ່ພັດຜ່ານເຂດພາກ ເໜືອຂອງປະເທດຟິລີປີນ ໃນລະຫວ່າງວັນທີ
18-19 ຕຸລານີ້. ເຖິງຢ່າງໃດກໍຕາມ ສຳລັບ ສປປ
ລາວ ອາດຈະໄດ້ຜົນກະທົບເລັກນ້ອຍຈາກພະຍຸດັ່ງກ່າວ, ດັ່ງນັ້ນ
ຈົ່ງພ້ອມກັນລະ ມັດລະວັງ
ເພື່ອຮັບມືກັບພະຍຸດັ່ງກ່າວດ້ວຍ.
ອາທິດຕໍ່ໜ້າສະພາບອຸນຫະພູມອາກາດ ໂດຍທົ່ວໄປອາກາດຍັງເຢັນຫາໜາວເຢັນ ຢູ່ເຂດພາກເໜືອ, ແຂວງໄຊສົມບູນ ແລະ ພູພຽງບໍລະເວນປາກຊ່ອງ, ເຊິ່ງອຸນຫະພູມຕ່ຳ ສຸດຂີດໃນລະຫວ່າງ 12-14 ອົງສາ, ສ່ວນພາກກາງ ຫາ ພາກໃຕ້ອຸນຫະພູມອາກາດສູງ ສຸດໃນລະຫວ່າງ
31-33 ອົງສາ. ໃນລະຫວ່າງວັນທີ 17-20 ຕຸລານີ້, ຈະມີຝົນຕົກຟ້າ ຄະນອງໃນລະດັບຄ່ອຍຢູ່ເຂດພາກເໜືອຫາພາກກາງ ແລະ ຕົກໃນລະດັບປານກາງຢູ່ບາງ ທ້ອງຖິ່ນໃນແຕ່ລະພາກ ພ້ອມຈະມີລົມພັດແຮງເປັນບາງໂອກາດ.
No comments:
Post a Comment