ທ້າວ ໂອລິດ ອາຍຸ
33 ປີຢູ່ບ້ານດົງໝາກອຶ ເມືອງອຸທຸມພອນ ແຂວງສະຫວັນນະເຂດ ຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍເມື່ອບໍ່ດົນມານີ້, ພາຍຫລັງລົງມືກໍເຫດຄາດຕະກໍາເດັກຍິງອາຍຸ 10 ປີ ແລະ
ເດັກຊາຍ ອາຍຸ
2 ປີ,
ເຊິ່ງເປັນຫລານຂອງຕົນເສຍຊີວິດຢ່າງໂຫດຫ້ຽມຢູ່ຖຽງນາໃນເຂດບ້ານດັ່ງກ່າວເມື່ອຕອນບ່າຍວັນທີ 11 ຕຸລາຜ່ານມານີ້.
ຜ່ານການສືບສວນ-ສອບສວນຂອງເຈົ້າໜ້າທີ່ທ້າວ ໂອລິດ
ຮັບສາລະພາບວ່າ: ຕົນເປັນຜູ້ຄາດຕະກໍາແທ້, ດ້ວຍການໃຊ້ມີດຍາວຟັນຕາມຮ່າງກາຍຂອງເດັກຫລາຍຈຸດຈົນເສຍຊີວິດຄາທີ່, ຍ້ອນເກີດຄວາມໂມໂຫໃຈຮ້າຍໃຫ້ເດັກຊາຍອາຍຸ 2 ປີທີ່ຮ້ອງໄຫ້ຂະນະທີ່ຕົນກໍາລັງນອນພັກຜ່ອນຢູ່ຖຽງນາ ແລະ ພາຍຫລັງກໍ່ເຫດຕົນໄດ້ເອົາຕົວຫລົບໜີເຂົ້າໄປລີ້ໃນປ່າຫ່າງຈາກບ້ານປະມານ 2 ກິໂລແມັດ, ຈົນຮອດເຊົ້າມື້ຕໍ່ມາຈຶ່ງຖືກເຈົ້າໜ້າທີ່ຈັບຕົວມາດໍາເນີນຄະດີ ແລະ ຮັບສາລະພາບອີກວ່າກ່ອນມື້ກໍ່ເຫດ ຕົນໄດ້ເສບຢາບ້າເປັນຈໍານວນຫລາຍເມັດ.
ຈາກການສອບຖາມຍາດພີ່ນ້ອງຜູ້ເສຍຊີວິດ ໃຫ້ຮູ້ວ່າ: ທ້າວ ໂອລິດ ແລະ
ເມຍມີອາຊີບຮັບຈ້າງກີດຢາງພາລາ ແລະ ມັກເສບຢາບ້າເປັນປະຈໍາ,
ແຕ່ບໍ່ຄິດວ່າຈະເກີດເຫດການສະເທືອນຂວັນຮ້າຍແຮງແບບນີ້.
No comments:
Post a Comment