ລົງນາມບົດ​ບັນທຶກ​ຄວາມ​ເຂົ້າ​ໃຈ​ການສ້າງເຂື່ອນໄຟຟ້າຂະໜາດໃຫຍ່ຢູ່ແຂວງເຊກອງ

            ພິທີລົງນາມບົດບັນທຶກຄວາມເຂົ້າໃຈ (MOU) ກ່ຽວກັບການສຳຫລວດ ແລະ ສຶກສາ ຄວາມເປັນໄປໄດ້ໃນການສ້າງເຂື່ອນໄຟຟ້ານ້ຳຕົກ 4A ຕອນລຸ່ມ ແລະ 4B ຕອນເທິງ ຢູ່ແຂວງເຊກອງ ໄດ້ມີຂຶ້ນໃນວັນທີ 6 ພະຈິກຜ່ານມານີ້, ຢູ່ນະຄອນຫລວງວຽງຈັນລະຫວ່າງລັດຖະບານລາວຕ່າງໜ້າໂດຍທ່ານ ດຣ ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການ ແລະ ການລົງທຶນ ແລະ ທ່ານ ສະຕີເວັນ ຈັນ ປະທານບໍລິສັດລາວເວີນວິສະວະກຳ ແລະ ກໍ່ສ້າງຂົວທາງຈຳກັດ, ໂດຍການໃຫ້ກຽດເຂົ້າຮ່ວມຂອງທ່ານຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

             ໂຄງການເຂື່ອນໄຟຟ້າດັ່ງກ່າວຄາດວ່າຈະເລີ່ມລົງມືກໍ່ສ້າງໃນປີ 2017 ໂດຍໃຊ້ງົບປະມານທັງໝົດປະມານ 1 ຕື້ໂດລາສະຫະລັດ, ປັດຈຸບັນພວມຢູ່ໃນຂັ້ນຕອນການສຳຫລວດ ແລະ ສຶກສາຊອກຫາແຫລ່ງທຶນໃນການກໍ່ສ້າງ.