ຍົກລະດັບທັກສະການນໍາສະເໜີຂ່າວເຫດການສໍາຄັນໃຫ້ສື່ມວນຊົນລາວ

ສື່ມວນຊົນລາວຈໍານວນບໍ່ໜ້ອຍຈາກໜັງສືພິມ, ວິທະຍຸ, ໂທລະພາບ, ໄດ້ເຂົ້າຮ່ວມຍົກລະດັບທັກສະຄວາມຮູ້ກ່ຽວກັບການນໍາສະເໜີຂ່າວເຫດການສໍາຄັນ, ທີ່ກະຊວງຖະແຫລ່ງຂ່າວ, ວັດທະນະທໍາ ແລະ ທ່ອງທ່ຽວຂອງລາວຮ່ວມກັບກະຊວງຖະແຫລງຂ່າວ ແລະ ການສື່ສານຂອງຫວຽດນາມໄດ້ຈັດຂຶ້ນໃນລະຫວ່າງວັນທີ 16-20 ພະຈິກນີ້, ທີ່ສະຖາບັນສື່ມວນຊົນ, ວັດທະນະທໍາ ແລະ ທ່ອງທ່ຽວ, ທີ່ນະຄອນ ຫລວງວຽງຈັນ, ໂດຍແມ່ນຊ່ຽວຊານດ້ານຂ່າວຈາກ ສສ ຫວຽດນາມ ໄດ້ມາຖ່າຍທອດຄວາມຮູ້ ແລະ ແລກປ່ຽນບົດຮຽນໃນຊຸດສໍາມະນາທີ່ສໍາຄັນຄັ້ງນີ້.

ຫົວໜ້າສະຖາບັນສື່ມວນຊົນ, ວັດທະນະທໍາ ແລະ ທ່ອງທ່ຽວ ວິໄລທອງ ສີຊານົນ ໄດ້ຂຶ້ນມີຄໍາເຫັນກ່າວເປີດຊຸດອົບຮົມວ່າ: ການຝຶກອົບຮົມໃນຫົວຂໍ້ດັ່ງກ່າວໃຫ້ສື່ມວນຊົນລາວຄັ້ງນີ້ແມ່ນມີຄວາມສໍາຄັນ

ຫລາຍເພາະວ່າເປັນການກະກຽມຄວາມພ້ອມໃຫ້ແກ່ການໂຄສະນາບັນດາເຫດການປະຫວັດ ສາດສໍາຄັນຂອງຊາດເປັນຕົ້ນ: ການສະເຫລີມສະຫລອງວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ, ກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ, ການເປັນເຈົ້າພາບກອງປະຊຸມ ແລະ ປະທານອາຊຽນຂອງ ສປປ ລາວ ໃນປີ 2016 ດັ່ງນີ້ເປັນຕົ້ນ, ເພື່ອໃຫ້ຮັບປະກັນໃນການເກັບກໍາຂໍ້ມູນມີຄວາມຊັດເຈນ, ວ່ອງໄວ, ທັນການ ແລະສາມາດເຜີຍແຜ່ໃຫ້ສັງຄົມໄດ້ຮັບຮູ້ເຂົ້າໃຈຢ່າງກວ້າງຂວາງເລິກເຊິ່ງ.