ປີນີ້ກໍເຊັ່ນດຽວກັນກັບປີຜ່ານມາພໍຕົກເຂົ້າສູ່ລະດູແລ້ງສະພາບອາກາດຈະຮ້ອນອົບເອົ້າເຮັດໃຫ້ຄວາມຕ້ອງການນ້ຳດື່ມ,
ນ້ຳໃຊ້ຂອງປະຊາຊົນເພີ່ມຫຼາຍຂຶ້ນ, ຂະນະທີ່ການສະໜອງນ້ຳປາປາປີນີ້ກໍຍັງມີປະລິມານຈຳກັດ, ຊຶ່ງເຫັນໄດ້ໃນປັດຈຸບັນມີບາງເຂດໃນນະຄອນຫຼວງວຽງຈັນເລີ່ມມີສະພາບນ້ຳປະປາມາບໍ່ເປັນປົກກະຕິ ແລະ ມາໃນປະລິມານໜ້ອຍ, ສົ່ງຜົນກະທົບຕໍ່ການດຳລົງຊີວິດຂອງປະຊາ ຊົນໃນບາງຂົງເຂດເນີນສູງດັ່ງກ່າວ,.
ຂະນະທີ່ນ້ຳປະປານະຄອນຫຼວງວຽງຈັນໃຫ້ເຫດຜົນວ່າປັດຈຸ
ບັນການກໍ່ສ້າງໂຮງງານນ້ຳປະປາດົງໝາກຄາຍແມ່ນສຳເລັດແລ້ວ
100 % , ແຕ່ຍັງຢູ່ໃນຂັ້ນຕອນການທົດລອງຈຶ່ງບໍ່ສາມາດສະໜອງນ້ຳເປັນປົກກະຕິໄດ້ ແລະ ເຊື່ອວ່າຍັງອີກບໍ່ດົນໂຮງງານແຫ່ງນີ້ຈະເປີດນຳໃຫ້ຊເປັນ
ປົກກະຕິ ແລະ ຮອດເວລານັ້ນກໍຈະເຮັດໃຫ້ການສະໜອງນ້ຳໃຊ້ໃນນະຄອນຫຼວງວຽງຈັນມີຄວາມສະດວກດີຂຶ້ນ, ດັ່ງນັ້ນ ຈຶ່ງເຕືອນໃຫ້ປະຊາຊົນກະກຽມພາສະນະບັນຈຸນ້ຳສຳລັບຊົມໃຊ້ໃນຢາມຈຳເປັນຈະເປັນການດີກວ່າ.
ນ້ຳປະປານະຄອນຫຼວງໃຫ້ຮູ້ອີກວ່າ: ໃນປີຜ່ານມາເລີ່ມແຕ່ກາງເດືອນກຸມພາເປັນຕົ້ນມາຄວາມຕ້ອງການຊົມໃຊ້ນ້ຳຂອງນະຄອນຫຼວງວຽງຈັນສູງກວ່າ
320 ພັນແມັດກອນຕໍ່ມື້, ຂະນະທີ່ກຳລັງການຜະລິດຂອງໂຮງງານນ້ຳປະປາທັງ
4 ແຫ່ງໃນເມື່ອກ່ອນມີພຽງ
180 ພັນແມັດກອນຕໍ່ມື້ ແລະ ປີນີ້ກໍເຊັ່ນດຽວກັນ, ແຕ່ກໍຍັງໂຊກດີທີ່ໂຮງງານນ້ຳປະປາດົງໝາກຄາຍໄດ້ກໍ່ສ້າງສຳເລັດຊຶ່ງຈະຊ່ວຍສະໜອງນ້ຳໄດ້ຫຼາຍຂື້ນກ່ວາປີຜ່ານມາ, ແຕ່ເຖິງຢ່າງໃດກໍ ຂໍຮຽກຮ້ອງໃຫ້ພວກເຮົາທຸກຄົນຈົ່ງຊ່ວຍກັນນຳໃຊ້ນ້ຳຢ່າງປະຢັດຈະເປັນການດີທີ່ສຸດ.
No comments:
Post a Comment