ກອງປະຊຸມລັດຖະມົນຕີແຮງງານອາຊຽນ ຄັ້ງທີ
24 ໄດ້ໄຂຂຶ້ນໃນວັນທີ 15 ພຶດສະພານີ້ຢູ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີບັນດາລັດຖະມົນຕີແຮງງານຈາກ 10 ປະເທດອາຊຽນເຂົ້າຮ່ວມ.ກອງປະຊຸມໄດ້ຮັບຮອງຮ່າງຖະແຫລງການວຽງຈັນວ່າດ້ວຍການຫັນປ່ຽນຈາກການຈ້າງງານນອກລະບົບໄປສູ່ການຈ້າງງານໃນລະບົບ ເພື່ອກ້າວໄປສູ່ການສົ່ງເສີມວຽກທີ່ມີຄຸນຄ່າ ແລະ ເປັນທຳໃນອາຊຽນ.
ທ່ານ
ຄຳແພງ ໄຊສົມແພງ ໃຫ້ຮູ້ວ່າ: ກອງປະຊຸມຄັ້ງນີ້ ໄດ້ຮັບຟັງການລາຍງານຫຍໍ້ກ່ຽວກັບເນື້ອໃນ
ແລະ ບັນຫາສຳຄັນຕ່າງໆຂອງກອງປະຊຸມສຸດຍອດອາຊຽນ, ກອງປະຊຸມສະພາວັດທະນະ ທຳ-ສັງຄົມ ອາຊຽນ ແລະ ກອງປະຊຸມອາຊຽນ ທີ່ກ່ຽວຂ້ອງອື່ນໆ ໂດຍສະເພາະການຮັບຮອງວິໄສທັດອາຊຽນ 2025, ແຜນແມ່ບົດວັດທະນະທຳ-ສັງຄົມອາຊຽນ, ຖະແຫລງການກົວລາລຳເປີ ວ່າດ້ວຍຜູ້ອາຍຸສູງ, ການສ້າງຄວາມເຂັ້ມແຂງໃຫ້ແກ່ຜູ້ອາຍຸສູງ, ຂອບວຽກພາກພື້ນ ແລະ
ແຜນປະຕິບັດງານ ເພື່ອຈັດຕັ້ງປະຕິບັດຖະແຫລງການອາຊຽນ ວ່າດ້ວຍການສ້າງຄວາມເຂັ້ມແຂງໃນການປົກປ້ອງສັງຄົມ ແລະ ສົນທິສັນຍາອາຊຽນ ວ່າດ້ວຍການຕ້ານການຄ້າມະນຸດ ໂດຍສະເພາະແມ່ຍິງ ແລະ ເດັກນ້ອຍ.
ກອງປະຊຸມ ຍັງໄດ້ພິຈາລະນາ-ຮັບຮອງບົດລາຍງານ ກອງປະຊຸມເຈົ້າໜ້າທີ່ອາວຸໂສແຮງງານ ອາ ຊຽນ ຄັ້ງທີ
11 ແລະ 12 ທີ່ຈັດຂຶ້ນຢູ່ປະເທດຟີລິບປິນ ໂດຍສະເພາະແມ່ນບົດແນະນຳອາຊຽນ ກ່ຽວກັບຫລັກການການຮັບປະກັນຄຸນນະພາບ
ແລະ ຮັບຮູ້ລະບົບການຢັ້ງຢືນມາດຕະຖານ ສືມືແຮງງານ, ບົດແນະນຳສຳລັບຄວາມຮັບຜິດຊອບຂອງບໍລິສັດ ຕໍ່ສັງຄົມກ່ຽວກັບແຮງານ, ໂຄງປະກອບ ແລະ ການບໍລິ ການຂອງວຸດທິການສຶກສາອາຊຽນ; ພ້ອມນີ້ ໄດ້ຮັບຮອງແຜນງານລັດ ຖະມົນຕີແຮງງານອາຊຽນ, ແຜນງານຂອງຄະນະກຳມະການຈັດຕັ້ງປະຕິບັດ ຖະແຫລງການອາຊຽນ ວ່າດ້ວຍການປົກປ້ອງ ແລະ ຄຸ້ມຄອງສິດທິຂອງແຮງງານເຄື່ອນຍ້າຍ ແລະ ແຜນປະຕິບັດງານສຸຂະ ພາບ ແລະ ຄວາມປອດໄພອາຊຽນ 2016-2020, ພ້ອມທັງໄດ້ຮັບຊາບບາງຫລັກການຂອງຮ່າງນິຕິກຳກ່ຽວຂ້ອງ ທີ່ກອງປະຊຸມເຈົ້າໜ້າທີ່ອາວຸໂສແຮງງານອາຊຽນ ໄດ້ຕັ້ງຂຶ້ນ.
ທ່ານ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ກໍຄືປະທານລັດຖະມົນຕີແຮງງານອາຊຽນ ໄດ້ສະແດງຄວາມເຊື່ອໝັ້ນວ່າ: ການຫັນປ່ຽນຈາກການຈ້າງງານນອກລະບົບ ໄປສູ່ການຈ້າງງານໃນລະບົບ ເພື່ອກ້າວໄປສູ່ການສົ່ງເສີມວຽກທີ່ມີຄຸນຄ່າ ແລະ ເປັນທຳໃນອາຊຽນ. ຈະປະກອບສ່ວນສຳຄັນ
ໃນການຈັດຕັ້ງຜັນຂະຫຍາຍວິໄສທັດອາຊຽນຮອດປີ 2025 ແລະ ເປົ້າໝາຍການພັດທະນາແບບຍືນຍົງ ຫລັງປີ
2015 ຂອງອົງການສະຫະປະຊາຊາດ ກ່ຽວກັບການສົ່ງເສີມການເຕີບໂຕຂອງເສດຖະກິດທຸກດ້ານທີ່ຍືນຍົງ ແລະ ການຈ້າງງານ, ນັບທັງຜະລິດຕະພາບແຮງງານຢ່າງເຕັມສ່ວນ ແລະ ການເຮັດວຽກທີ່ມີຄຸນຄ່າ-ເປັນທຳ ສຳລັບທຸກຄົນ ໃຫ້ມີປະສິດທິຜົນຢ່າງແທ້ຈິງ.
No comments:
Post a Comment