ເມື່ອບໍ່ດົນມານີ້, ໄວຕາມິວ ໄດ້ຈັດການແຂ່ງຂັນສະແດງຄວາມສາມາດຂອງເດັກນ້ອຍ
(Talent Kids Contest) ຂຶ້ນທີ່ຫໍວັດທະ ນະທຳແຫ່ງຊາດ ນະຄອນຫລວງວຽງຈັນ, ຊຶ່ງເປັນໂຮງ
ຮຽນປະຖົມສົມບູນ ປາດຖະໜາ ຍາດໄດ້ລາງວັນຊະນະເລີດໄປຄອງ
ພ້ອມທັງຮັບທຶນການສຶກສາ 16 ລ້ານກີບ, ລາງວັນທີ 2 ແມ່ນໂຮງຮຽນ ຫງວຽນຢູ
ໄດ້ຮັບທຶນການສຶກສາ 10 ລ້ານກີບ, ລາງວັນທີ 3 ແມ່ນໂຮງຮຽນ ແສງດາລາ
ໄດ້ຮັບທຶນການສຶກສາ 6 ລ້ານກີບ ແລະ ໂຮງຮຽນ ຫ້ອມສະຫວັນ, ຊ້າງນ້ອຍ ແລະ
ນິຣະດາ ໄດ້ຮັບລາງວັນຊົມເຊີຍ ໂຮງຮຽນລະ 1 ລ້ານກີບ. ນອກຈາກນີ້,
ຍັງໄດ້ປະກາດຜົນການແຂ່ງຂັນຮູບແຕ້ມ, ເຊິ່ງຜູ້ຊະນະເລີດແມ່ນ ນາງ
ທິດາສະຫວັນ ມາຈາກໂຮງຮຽນຊ້າງນ້ອຍ, ລາງວັນທີ 2 ແມ່ນທ້າວ ທັນວາ
ຈາກໂຮງຮຽນຫ້ອມສະຫວັນ
ແລະ ອີກ 5 ນ້ອງໄດ້ຮັບລາງວັນຊົມເຊີຍ ແມ່ນທ້າວ ປາຖະໜາ ໂຮງຮຽນຈອມເພັດ, ນາງ
ແສງມະນີ ໂຮງຮຽນ ເອັສໂອເອັສ, ທ້າວ ອະພິສິດ, ນາງ ສຸພາລັກ ແລະ ນາງ ພັດສະລາພອນ
ຈາກໂຮງຮຽນຊ້າງນ້ອຍ.
ກິດຈະກຳດັ່ງກ່າວ ຈັດຂຶ້ນເພື່ອເປັນເວທີໃຫ້ນ້ອງນັກຮຽນໃນນະຄອນຫລວງວຽງຈັນ,
ໄດ້ສະແດງ ອອກເຖິງຄວາມສາມາດ, ພອນສະຫວັນທີ່ມີໃນຕົວຂອງເຂົາເຈົ້າ
ເພື່ອໃຊ້ເວລາຫວ່າງໃຫ້ເກີດປະໂຫຍດ.
No comments:
Post a Comment