ຕາມການລາຍງານຂອງສູນຕ້ານເອສ ແລະ
ພະຍາດຕິດຕໍ່ທາງເພດສໍາພັນ ໃຫ້ຮູ້ວ່າ: ປັດຈຸບັນ
ລາວ ມີຈຳນວນຜູ້ຕິດເຊື້ອເອສ(ເຮສໄອວີ)
ເພີ່ມຂຶ້ນຈາກ 830 ກວ່າຄົນ ໃນປີ
2014 ມາເປັນ 1 ພັນກວ່າຄົນ ໃນປີ
2015 ໃນນີ້ ເພດຊາຍ ກວມເອົາ 53,6%, ຍິງ 46,4%, ເຊັ່ນດຽວກັນ ຈຳນວນຜູ້ເສຍຊີວິດ ໄດ້ເພີ່ມຈາກ 107 ຄົນ ໃນປີ
2014 ມາເປັນ 130 ກວ່າຄົນ ໃນປີ
2015, ສຳລັບອັດຕາສ່ວນການຕິດເຊື້ອເຮສໄອວີ ຫລາຍກວ່າໝູ່ແມ່ນຊາຍຮ່ວມເພດດຽວກັນ ກວມເອົາ 6,4%.
ທ່ານ
ດຣ ພູນທອນ
ສຸດທາລັກ ຮອງຫົວໜ້າສູນຕ້ານເອດ ແລະ ພຕພ
ກະຊວງສາທາລະນະສຸກ ກ່າວຕໍ່ກອງປະຊຸມ ສ້າງຄວາມເຂົ້າໃຈໃຫ້ການນຳ ແລະ ສື່ມວນຊົນໃນວຽກງານຕ້ານເອດ ໃນວັນທີ 13
ພຶດສະພາ ນີ້ ຢູ່ນະຄອນຫລວງວຽງຈັນ ວ່າ: ເພື່ອຢຸດຕິການແຜ່ລະບາດຂອງເຊື້ອພະຍາດເຮສໄອວີ
ແລະ ຫລຸດຜ່ອນຜົນກະທົບຈາກເຊື້ອເຮສໄອວີ
ແລະ ເອສໃນ ສປປ ລາວ
ຕ້ອງໄດ້ເອົາໃຈໃສ່ການປ້ອງກັນໃນກຸ່ມທີ່ມີຄວາມສ່ຽງ ໂດຍເຊື່ອມສານເຂົ້າໃນລະບົບສາທາ ລະນະສຸກ, ພັດທະນາກອບວຽກ - ເຊື່ອມສານເຂົ້າໃນວຽກງານຂອງຂະແໜງການຕ່າງໆ ຮັບປະກັນໃຫ້ຊາວໜຸ່ມມີທັກສະພື້ນຖານ, ໃຫ້ຂໍ້ມູນຂ່າວສານກ່ຽວກັບການປ້ອງກັນເຊື້ອເຮສໄອວີ
- ປ້ອງກັນທີ່ຖືກ ຕ້ອງເໝາະສົມ (ໃສ່ຖົງຢາງອານາໄມທຸກຄັ້ງໃນເວລາມີເພດສຳພັນ ທີ່ບໍ່ແມ່ນຄູ່ຜົວ-ເມຍຕົນເອງ) ໃຫ້ຂໍ້ມູນຂ່າວສານດ້ານເພດສຳພັນແກ່ຊາວໜຸ່ມ ໂດຍອີງໃສ່ຂໍ້ມູນຕົວຈິງພາຍໃນປະເທດ, ຮັບປະກັນໃຫ້ມີຂໍ້ມູນຂ່າວສານກ່ຽວກັບການຕິດເຊື້ອພະຍາດດັ່ງກ່າວ ແລະ ການປ້ອງກັນຢູ່ສູນສຸຂະພາບ, ສູນໄວໜຸ່ມ ເຊິ່ງໃຊ້ພາ ສາທີ່ເໝາະສົມກັບຊາວໜຸ່ມ ກໍຄື ການປິ່ນປົວດ້ວຍຢາ
ARV ແລະ
ພະຍາດແຊກຊ້ອນ ( OI ) ໂດຍການຂະຫຍາຍການສະໜອງຢາປິ່ນປົວ ARV ແລະ ຢາ
OI ໄປທຸກແຂວງໃນທົ່ວປະເທດ, ໄປຄ່ຽງຄູ່ກັບການປັບປຸງລະບົບປະສານງານ ລະຫວ່າງສູນປິ່ນປົວດ້ວຍຢາ
ARV, ສະຖານທີ່ໃຫ້ຄຳປຶກສາ - ກວດເລືອດ ແລະ ຄູ່ຮ່ວມງານ ເພື່ອຫລຸດຜ່ອນການຕົກເຮ່ຍຕ່າງໆ.
ເຊື້ອພະຍາດເອດ (AIDS) ແມ່ນກຸ່ມອາການພູມຕ້ານທານເຊື່ອມ ໝາຍເຖິງເຊື້ອເຮສໄອວີ (HIV) ໄດ້ທຳລາຍພູມຕ້ານທານຂອງຮ່າງກາຍ ແລ້ວເກີດມີການຕິດເຊື້ອພະຍາດແຊກຊ້ອນຕ່າງໆເຊັ່ນ: ພະຍາດວັນນະໂລກ, ຖອກທ້ອງ, ຕຸ່ມເປື່ອຍ ແລະ ອື່ນໆ ອາດເຖິງຂັ້ນເສຍຊີວິດໄດ້.
No comments:
Post a Comment