ວັນທີ 9 ມິຖຸນານີ້, ສະຖານທູດສະຫະລັດອາເມຣິກາ ປະຈຳລາວ
ໄດ້ຈັດສຳມະນາແລກປ່ຽນບົດຮຽນການນຳໃຊ້ຮູບພາບໃນສື່ທີ່ຖືກຕ້ອງ, ໂດຍມີວິທະຍາກອນຈາກສະຖານທູດດັ່ງກ່າວ, ພ້ອມດ້ວຍສື່ມວນຊົນຈາກພາກສ່ວນຕ່າງໆ ແລະ ອາຈານ,ນັກສືກສາສາຍສື່ມວນຊົນມະຫາວິທະຍາໄລແຫ່ງຊາດເຂົ້າຮ່ວມເປັນຈຳນວນຫຼາຍ.
ງານສຳມະນາດັ່ງກ່າວແມ່ນຄັ້ງທຳອິດ, ເພື່ອເປັນການປຶກສາຫາລື, ແລກປ່ຽນບົດຮຽນ, ປະສົບການໃນຂົງເຂດວຽກງານສື່ມ່ວນຊົນດ້ວຍກັນ, ກ່ຽວກັບການນຳໃຊ້ຮູບພາບໃນສື່ໃຫ້ເໝາະສົມ ແລະ ຖືກ ຕ້ອງ, ໂດຍສະເພາະແມ່ນຮູບພາບທີ່ຈະໃຊ້ອອກຂ່າວຜ່ານສື່ອອນລາຍຕ່າງໆຕ້ອງຄຳນຶງເຖິງຄວາມເໜາະສົມ
ແລະ ຄວາມເຂົ້າໃຈຂອງຜູ້ບໍລິໂພກສື່ໃຫ້ດີ,ກ່ອນທີ່ຈະເຜີຍແຜ່ໃຫ້ສັງຄົມໄດ້ຮັບຮູ້ ແລະ ເຫັນຮູບພາບເຫຼົ່ານັ້ນ,ນອກນີ້ພາຍໃນງານຍັງຈັດໃຫ້ມີການຖາມ-ຕອບບັນຫາຕ່າງໆກ່ຽວກັບຮູບພາບທີ່ເໝາະສົມ
ແລະ ບໍ່ເໝາະສົມໃນການອອກສື່ ແລະ
ມາດຕະການຕ່າງໆກ່ຽວກັບການນຳໃຊ້ຮູບພາບທີ່ບໍ່ເໝາະສົມໃນສື່ຢ່າງກົງໄປກົງມາ ແລະ
ເຫັນວ່າໄດ້ມີຄວາມເຂົ້າໃຈເລິກເຊິ່ງກ່ຽວກັບການນຳໃຊ້ຮູບໃນສື່ເປັນຢ່າງດີ.
No comments:
Post a Comment