ໃນວັນທີ 10 ມີຖຸນານີ້, ມວນຊົນຫລາຍພັນຄົນເຂົ້າຮ່ວມບໍລິຈາກເລືອດຊ່ວຍເຫລືອສັງຄົມໃນໂອກາດສະ
ເຫລີມສະຫລອງວັນຜູ້ບໍລິຈາກເລືອດໂລກ14 ມີຖຸນາ 2004
- 14 ມີຖຸນາ 2016
ໃນນະຄອນຫລວງວຽງ,
ຂະນະທີ່ພາກສ່ວນກ່ຽວຂ້ອງເປີດເຜີຍວ່າ:
ແຕ່ລະປີຈຳນວນຜູ້ບໍລິຈາກເລືອດແບບສະໝັກໃຈ ໄດ້ເພີ່ມຂຶ້ນຢ່າງຕໍ່ເນື່ອງກວມປະມານ 90% ຂອງຈຳນວນຜູ້ບໍລິຈາກເລືອດທັງໝົດ.
ງານບໍລິຈາກເລືອດຄັ້ງນີ້, ໂດຍອົງການກາແດງລາວເປັນຜູ້ຈັດ, ພາຍໃຕ້ຄຳຂວັນ”ເລືອດເຊື່ອມຕໍ່ເຮົາໝົດທຸກຄົນ Blood connects us all” ເພື່ອສະແດງເຖິງຄວາມຮູ້ບຸນຄຸນຂອງຜູ້ປະກອບສ່ວນ
ບໍລິຈາກເລືອດ
ຢ່າງຕໍ່ເນື່ອງໃນໄລຍະຜ່ານມາ,
ເພື່ອໃຫ້ສັງຄົມ ແລະ ຜູ້ບໍລິຈາກເລືອດ ທັງຫລາຍເຫັນໄດ້ຄວາມສຳຄັນ
ແລະ ຄວາມຈຳເປັນ ໃນການມີສ່ວນຮ່ວມໃນການບໍລິຈາກເລືອດ
ເຊິ່ງຕ້ອງໄດ້ອາໄສຫລາຍໆພາກສ່ວນມີສ່ວນຮ່ວມຢ່າງກວ້າງຂວງ ແລະ ເອົາໃຈໃສ່
ປັດຈຸບັນຍັງມີຄົນເຈັບ ຜູ້ທີ່ຕ້ອງການເລືອດຢ່າງຫລວງຫລາຍ ໂດຍສະເພາະ ແມ່ນແມ່ ແລະ
ເດັກນ້ອຍ ຍ້ອນວ່າຈໍານວນໜຶ່ງຍັງບໍ່ທັນເຂົ້າເຖິງການບໍລິການເລືອດພຽງພໍ ແລະ ທັນເວລາ
ການບໍລິຈາກເລືອດ ແມ່ນໄດ້ຊ່ວຍຊີວິດຄົນຫລາຍໆລ້ານຄົນ ແລະ ສ້າງຮອຍຍິ້ມໃຫ້ກັບຜູ້ປ່ວຍ
ການສົ່ງເລືອດໄດ້ຊ່ວຍໃຫ້ສຸຂະພາບຂອງຄົນເຈັບດີຂຶ້ນຫາຍຈາກຄວາມທໍລະມານ
ເຮັດໃຫ້ເຂົ້າເຈົ້າມີຊີວິດຍືນຍາວ ແລະ ມີສຸຂະພາບທີ່ດີ. ປັດຈຸບັນ ສປປ ລາວ
ມີສູນຮັບບໍລິຈາກເລືອດທັງໝົດ 17 ແຫ່ງ ແລະ
ໂຮງໝໍກອງທັບ 6 ແຫ່ງ ເຊິ່ງກວມເອົາທຸກແຂວງໃນທົ່ວປະເທດ ແລະ
ຍັງຈະສືບຕໍ່ຂະຫຍາຍຕື່ມອີກ.
ເຂົ້າຮ່ວມງານດັ່ງກ່າວມີທ່ານ
ຄຳລາວັນ ຈັນທະລາວັນ ຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ທ່ານ ສິງ ເມໂນລາດ ຮອງປະທານ ອົງການກາແດງລາວ, ຮອງປະທານຄະນະກຳມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ ແລະ ກະຊວງ, ກົມກອງຕ່າງໆ ບໍລິສັດຫ່າງຮ້ານ ຕະຫລອດຮອດ ປະຊາຊົນເຂົ້າຮ່ວມ.
No comments:
Post a Comment