ເຈົ້າໜ້າທີ່ພວມເລັ່ງສືບສວນເຫດໄຟໄໝ້ສາງເກັບມ້ຽມເຄື່ອງຢູ່ບ້ານດົງນາໂຊກເໜືອເກີດ

          ຮອງຫົວໜ້າພະແນກສະກັດກັ້ນ ແລະ ຕ້ານອັກຄີໄຟນະຄອນ ຫຼວງວຽງຈັນໄດ້ອອກມາເປີດ ເຜີຍຕື່ມຕໍ່ກັບເຫດການໄຟໄໝ້ສາງເກັບມ້ຽນເຄື່ອງຂອງບໍລິສັດຂົນສົ່ງດາວໃຈບ້ານດົງນາໂຊກເໜືອ,ເມືອງສີໂຄດຕະບອງ, ນະຄອນຫຼວງວຽງຈັນ, ເມື່ອຕົ້ນເດືອນສິງຫານີ້ວ່າ: ສາເຫດຂອງການເກີດໄຟ ໄໝ້ສາງດັ່ງກ່າວແມ່ນເນື່ອງມາຈາກໄຟຟ້າຊ໋ອດ (ໄຟຟ້າລັດວົງຈອນ), ຊຶ່ງພົບຫຼັກຖານໄຟຟ້າຊ໋ອດຢູ່ຫ້ອງບັນຊີການເງິນຂອງສາງດັ່ງກ່າວ, ແຕ່ຍັງບໍ່ສາມາດສະຫຼຸບໄດ້ວ່າມູນຄ່າຄວາມເສຍຫາຍຈາກເຫດໄຟໄໝ້ຄັ້ງນີ້ມີໜ້ອຍຫຼາຍປານໃດ, ເນື່ອງຈາກຕ້ອງໄດ້ໃຊ້ເວລາ ແລະ ຄວາມອະອຽດໃນການຄິດໄລ່ຫາມູນຄ່າຄວາມ

ເສຍຫາຍຕົວຈິງ, ເພາະສາງ ດ່ັງກ່າວເປັນສາງເກັບມ້ຽນເຄື່ອງທົ່ວໄປ, ມີສີຄ້າຫຼາກຫຼາຍ ແລະ ເຈົ້າຂອງເຄື່ອງສິນຄ້າຕ່າງໆນັ້ນກໍມີຫຼາຍຄົນຈຶ່ງເຮັດໃຫ້ການສືບສວນຫາຄວາມຈິງນັ້ນມີຄວາມຫຍຸ້ງຍາກ, ແຕ່ເຖິງຢ່າງໃດກໍຕາມປັດຈຸບັນເຈົ້າໜ້າທີ່ພວມເລັ່ງສືບສວນຫາຄວາມເປັນຈິງຢູ່ ແລະ ຄາດວ່າຈະສາມາດສະຫຼຸບມູນຄ່າຄວາມເສຍຫາຍຕົວຈິງໄດ້ໃນຕົ້ນອາທິດໜ້ານີ້.