ລາວປັບຫລຸດລາຄານໍ້າເຊື້ອໄຟຫລາຍສີບກີບຕໍ່ລິດ

  ກະຊວງອຸດສະກໍາ ແລະ ການຄ້າ, ໄດ້ປັບລາຄານໍ້າມັນເຊື້ອໄຟທຸກປະເພດ ຫລຸດລົງຫລາຍສີບກີບຕໍ່ລິດຄື: ນໍ້າມັນແອັດຊັງທໍາມະ ດາຫລຸດລົງ 150 ກີບ, ແອັດຊັງພິເສດ 90 ກີບ ແລະ ກາຊວນ 170 ກີບຕໍ່ລິດ, ຊຶ່ງຈະເຮັດໃຫ້ນໍ້າມັນເຊື້ອໄຟຢູ່ບັນດາປໍ້າໃນນະຄອນຫລວງວຽງຈັນມີລາຄາຢູ່ທີ່ 7.350 ກີບສໍາລັບແອັດຊັງທໍາມະດາ, ແອັດຊັງພິເສດ 8.350 ກີບ ແລະ ກາຊວນ 6.200 ກີບຕໍ່ລິດ. ສ່ວນຢູ່ແຂວງຊຽງຂວາງລາຄານໍ້າມັນແອັດຊັງທໍາມະດາ 7.540 ກີບ, ກາຊວນ 6.390 ກີບ, ແຂວງສະຫວັນນະເຂດ ແອັດຊັງທໍາມະດາ 7.380 ກີບ, ແອັດຊັງພິເສດ 8.380 ກີບ ແລະ ກາຊວນ 6.230 ກີບ ແລະ ແຂວງຈໍາປາສັກ ແອັດຊັງທໍາມະດາ 7.410 ກີບ, ແອັດຊັງພິເສດ 8.410 ກີບ ແລະ ກາຊວນ 6.260 ກີບຕໍ່ລິດ, ຊຶ່ງມີຜົນຈັດຕັ້ງປະຕິບັດນັບແຕ່ວັນທີ 15 ສິງຫານີ້ເປັນຕົ້ນໄປ.

   ການປັບລາຄາດັ່ງກ່າວ, ແມ່ນອິງໃສ່ການປ່ຽນແປງຂອງລາຄານໍ້າມັນໃນຕະຫລາດໂລກທີ່ມີການເໜັງຕິງຫລຸດລົງເຫລັກໜ້ອຍ ແລະ ເປັນການປັບລາຄານໍ້າມັນເທື່ອທໍາທິດ, ພາຍຫລັງທີ່ລັດຖະ ບານໄດ້ມີຄໍາສັ່ງຢຸດຕິການຍົກເວັ້ນພາສີ-ອາກອນ ນໍາເຂົ້ານໍ້າມັນເຊື້ອໄຟທຸກປະເພດເມື່ອຕົ້ນເດືອນສິງຫານີ້.