ກອງປະຊຸມສະໄໝສາມັນຂອງຄະນະປະຈຳສະພາແຫ່ງຊາດ
(ຄປຈສພຊ) ປະຈຳເດືອນສິງຫາ ເພື່ອຮັບຟັງລາຍງານກ່ຽວກັບຮ່າງກົດໝາຍທີ່ໄດ້ກວດກາເນື້ອໃນຮອບດ້ານຈາກສະພາແຫ່ງຊາດ
ເຊິ່ງປະກອບມີ: ກົດໝາຍວ່າດ້ວຍເຕັກໂນໂລຊີການສື່ສານຂໍ້ມູນຂ່າວສານ, ກົດໝາຍວ່າດ້ວຍການຄຸ້ມຄອງເຄມີ, ກົດໝາຍວ່າດ້ວຍທາງຫລວງ
(ສະບັບປັບປຸງ), ຜົນການຕິດຕາມກວດການອອກນິຕິກຳລຸ່ມກົດໝາຍ,
ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ
ແຜນງົບປະມານແຫ່ງລັດໃນສົກປີ 2015-2016 ໂດຍສະເພາະໂຄງການລົງທຶນດ້ານອຸດສາຫະກຳ ແລະ
ກະສິກຳ ທີ່ສົ່ງຜົນກະທົບຕໍ່ສິ່ງແວດລ້ອມ ແລະ ການຈັດຕັ້ງແຜນງົບປະມານແຫ່ງລັດ ແລະ
ຄວາມຄືບໜ້າກ່ຽວກັບການກະກຽມເປັນ
ເຈົ້າພາບຈັດກອງປະຊຸມພົບປະລະຫວ່າງຜູ້ນຳໄອປາ (AIPA)
ແລະ ອາຊຍນ ຢູ່ສປປ ລາວ ແລະ
ຜົນສຳເລັດຂອງການເປັນເຈົ້າພາບກອງປະຊຸມຄະນະປະສານງານໄອປາ ຄັ້ງທີ 8 ແລະ
ການເຄື່ອນໄຫວວຽກງານການຕ່າງປະເທດຈຳນວນໜຶ່ງ. ນອກນີ້
ຍັງໄດ້ພິຈາລະນາແຜນການກະກຽມການດຳເນີນກອງປະຊຸມສະໄໝສາມັນເທື່ອທີ 1
ຂອງສະພາແຫ່ງຊາດຊຸດທີ VIII.
ກອງປະຊຸມຄັ້ງນີ້ ໄດ້ຈັດຂຶ້ນໃນວັນທີ
25-26 ສິງຫາຜ່ານມາ,
ທີ່ຫໍສະພາແຫ່ງຊາດ ພາຍໃຕ້ການເປັນປະທານຂອງທ່ານນາງ ປານີ ຢາທໍ່ຕູ້
ປະທານສະພາແຫ່ງຊາດ.
No comments:
Post a Comment