ບໍລິສັດລາວຊຳຊຸງ ເອເລັກໂທຣນິກຈຳກັດ ໄດ້ມອບເງິນ 17.300 ໂດລາສະຫະລັດຫລືປະມານ 145 ລ້ານກີບໃຫ້ອົງການຫວ່ງໃຍຮ່ວມໃຈພັດທະນາ (world Renew Laos) ເພື່ອພັດທະນາການສຶກສາໃນແຂວງພາກເໜືອຂອງລາວ ເຊິ່ງພິທີມອບ-ຮັບໄດ້ຈັດຂຶ້ນໃນວັນທີ 13 ຕຸລານີ້ທີ່ນະຄອນຫລວງວຽງຈັນ, ໂດຍທ່ານ ຊຶງໂຮ ຊອຍ,
ຜູ້ຈັດການໃຫຍ່ບໍລິສັດ ລາວຊຳຊຸງ ເອເລັກໂຕນິກ ຈຳກັດຜູ້ດຽວ.
ທ່ານ ຊຶງໂຮ ຊອຍ ກ່າວວ່າ: ພວກເຮົາມີຄວາມມຸ້ງໝັ້ນໃນການສົ່ງເສີມການພັດທະນາແບບຢືນຢົງ ລວມເຖິງການປ່ຽນແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ໂດຍການສະໜັບສະໜູນດ້ານການ
ສຶກສາ, ສຸຂະອະນາໄມ,
ການຈ້າງງານ ແລະ ພັດທະນາຊຸມຊົນ ດ້ວຍຫລາກຫລາຍວິທີ, ເພື່ອນັກຮຽນຫລາຍຄົນ ບໍ່ສາມາດເຂົ້າເຖິງການສຶກສາທີ່ມີຄຸນນະພາບ ຍ້ອນຫລາຍປັດໄຈ.
ດັ່ງບໍລິສັດ ລາວຊຳຊຸງຈິ່ງມອບເງິນ ຈຳນວນ ດັ່ງກ່າວເພື່ອປະກອບສ່ວນເຂົ້າໃນໂຄງການພັດທະນາຂອງອົງການ world Renew
Laos ພ້ອມທັງເຊື່ອໝັ້ນວ່າ ຊຸມຊົນໃນແຂວງຜົ້ງສາລີ ແລະ ຊຽງຂວາງ ຈະໄດ້ຮັບຜົນປະໂຫຍດສູງໃນການຈັດຕັ້ງປະຕິບັດຂອງໂຄງການນີ້.
ອົງການຫ່ວງໃຍຮ່ວມໃຈພັດທະນາ (world Renew Laos) ໄດ້ເລີ່ມຈັດຕັ້ງປະຕິບັດການຊ່ວຍ ເຫລືອ ສປປ
ລາວ ນັບແຕ່ປີ 1997 ເປັນຕົ້ນມາເພື່ອເຮັດວຽກຮ່ວມກັບປະຊາຊົນໃນຊຸມຊົນຢູ່ 2 ແຂວງພາກເໜືອຂອງລາວຄື:
ແຂວງຜົ້ງສາລີເລີ່ມແຕ່ຕົ້ນປີ 2013 ຫາທ້າຍປີ 2018, ແຂວງຊຽງຂວາງ ແຕ່ກາງປີ 2014 ຫາກາງປີ 2019, ເພື່ອປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນດ້ວຍການສ້າງລາຍຮັບ ແລະ ຄ້ຳປະກັນສະບຽງອາຫານ, ຫລຸດຜ່ອນການເກີດພະຍາດ, ສົ່ງເສີມການສຶກສາ ແລະ ຍົກລະດັບຄວາມອາດສາມາດຂອງອຳນາດການປົກຄອງບ້ານອີກດ້ວຍ.
No comments:
Post a Comment