ຕາມການລາຍງານຂອງຜູ້ຮັບຜິດຊອບວຽກງານເສດຖະກິດແຂວງຫົວພັນ
ໃຫ້ຮູ້ວ່າ: ໃນປີ ຜ່ານມາ ເຖິງວ່າບັນຍາກາດການລົງທຶນຂອງພາກເອກະຊົນທັງພາຍໃນ
ແລະ ຕ່າງປະເທດ ໄດ້ມີການຂະຫຍາຍຕົວສົມຄວນ ເມື່ອທຽບໃສ່ຜ່ານມາ ແລະ ການພົວ
ພັນຮ່ວມມືດ້ານຕ່າງໆກໍມີປະສິດ ທິຜົນສູງຂຶ້ນ ອັນໄດ້ຊ່ວຍເຮັດໃຫ້ພື້ນຖານໂຄງລ່າງຂອງແຂວງຫລາຍອັນໄດ້ຮັບການປົວແປງ
ແລະ ພັດທະນາດີຂຶ້ນ ໂດຍສະເພາະລະບົບເສັ້ນທາງຄົມມະ ນາຄົມ ມາຮອດປັດຈຸບັນມີຫລາຍບ້ານຢູ່ເຂດຊົນນະບົດບ່ອນຫ່າງໄກສອກຫລີກໄດ້ມີເສັ້ນທາງໄປຮອດ
ແລະ ສາມາດຕອບສະ ໜອງການລຳລຽງຂົນສົ່ງສິນ ຄ້າ-ໂດຍສານໄດ້ໂດຍພື້ນຖານ ເຮັດໃຫ້ຈໍລະຈອນແຈກຢາຍສິນ
ຄ້າ ແລະ ການບໍລິການຢູ່ພື້ນຖານໄດ້ຂະຫຍາຍຕົວກວ້າງຂວາງ. ແຕ່ຄຽງຄູ່ກັບຜົນສຳເລັດດັ່ງກ່າວ
ກໍມີຫລາຍອັນທີ່ຈະຕ້ອງໄດ້ປັບ ປຸງແກ້ໄຂ ໂດຍສະເພາະການລົງ ທຶນຍັງກະແຈກກະຈາຍ
ແລະ ບໍ່ທັນສົມດູນລະຫວ່າງການລົງທຶນໃນຂົງເຂດວັດທະນະທຳ-ສັງຄົມ ແລະ ຂົງເຂດການຜະລິດ
ຍັງບໍ່ທັນມີການຄັດເລືອກຕາມບູລິມະສິດ
ແລະ ທ່າແຮງຂອງແຂວງມີຢູ່. ພ້ອມນັ້ນ
ການຄຸ້ມຄອງໂຄງ ການລົງທຶນຂອງລັດມີບາງໂຄງ ການບໍ່ປະຕິບັດໄປຕາມລະບຽບກົດໝາຍວ່າດ້ວຍການລົງທຶນຢ່າງເຂັ້ມງວດ
ເຊິ່ງສະແດງອອກບາງໂຄງການບໍ່ໄດ້ຜ່ານຂັ້ນຕອນການຕີລາຄາທາບທາມ ຫລື ການປະມູນ.
ດັ່ງນັ້ນ ຈຶ່ງກໍ່ໃຫ້ເກີດມູນຄ່າໂຄງການສູງກວ່າຄວາມເປັນຈິງ ແລະ ກໍ່ໃຫ້ເກີດມີໜີ້ສິນຄຸມເຄືອ,
ການລົງທຶນຂອງພາກເອ ກະຊົນທັງພາຍໃນ ແລະ ຕ່າງປະເທດມີບາງໂຄງການບໍ່ປະຕິບັດໄປຕາມກົດໝາຍ
ໂດຍສະເພາະບັນດາໂຄງການຂຸດຄົ້ນແຮ່ທາດຕ່າງໆ.
ແຕ່ເຖິງຢ່າງໃດກໍດີ, ສະເພາະສົກປີໃໝ່ນີ້
ແຂວງຫົວພັນມີແຜນດຶງດູດການລົງທຶນຂອງພາກເອ ກະຊົນຈາກພາຍໃນ ແລະ ຕ່າງ ປະເທດໃຫ້ໄດ້ຕື່ມອີກ
37 ໂຄງ ການ ໃນມູນຄ່າຫລາຍກວ່າ 19 ລ້ານໂດລາສະຫະລັດ ໂດຍຈະເພີ່ມຂຶ້ນຈາກປີເກົ່າ
24,05%, ໃນນັ້ນ ການລົງທຶນພາຍໃນຈະມີ 11 ໂຄງການ ມູນຄ່າ 4,77 ລ້ານໂດລາ, ການລົງທຶນຕ່າງປະເທດ
16 ໂຄງການ ມູນຄ່າ 12,84 ລ້ານໂດລາ ແລະ ການລົງ ທຶນຮ່ວມມື 10 ໂຄງການ ມູນຄ່າເກືອບ
2 ລ້ານໂດລາສະຫະລັດ. ສ່ວນການປະຕິ ບັດທຶນຊ່ວຍເຫລືອລ້າ ແລະ ທຶນກູ້ຢືມເພື່ອການພັດທະນາ
(ODA) ໃຫ້ໄດ້ 37 ໂຄງການ ມູນຄ່າ 27,13 ລ້ານໂດລາ, ໃນນັ້ນ ມີ 20 ໂຄງການແມ່ນຂັ້ນແຂວງເປັນຜູ້ຄຸ້ມຄອງ.
No comments:
Post a Comment