ພະແນກກະສິກຳ ແລະ ປ່າໄມ້ແຂວງຈຳປາສັກ
ໃຫ້ຮູ້ວ່າ: ໃນສົກປີ 2011-2012 ການສົ່ງອອກສິນຄ້າກະສິກຳຂອງແຂວງໄປປະເທດໄທຕາມສັນຍາສອງຝ່າຍມີປະລິມານເພີ່ມຂຶ້ນ,
ຂະນະທີ່ສິນຄ້າທີ່ເປັນທ່າແຮງຂອງແຂວງຍັງແມ່ນໝາກກາເຟ.
ພະແນກດັ່ງກ່າວໃຫ້ຮູ້ວ່າ: ການສົ່ງເສີມປູກພືດເປັນສິນຄ້າພາຍໃນແຂວງມີເນື້ອທີ່ປະມານ
36 ພັນລ້ານເຮັກຕາ, ໄດ້ຜົນຜະ ລິດປະມານ 5 ແສນກວ່າໂຕນ ທຽບໃສ່ປີຜ່ານມາ ເພີ່ມຂຶ້ນ
26%, ໃນນັ້ນ ພືດຕະກຸນຖົ່ວປະມານ 19 ພັນກວ່າໂຕນ, ພືດທາດແປ້ງ 2,5 ແສນໂຕນ, ພືດຜັກກິນຫົວປະ
ມານ 47 ພັນກວ່າໂຕນ, ພືດຜັກກິນໃບ 8 ພັນກວ່າໂຕນ. ສຳລັບການປູກພືດກະສິກຳເປັນສິນຄ້າທີ່ມີສັນຍາສອງສົ້ນກັບປະເທດໄທແມ່ນປະຕິບັດໄດ້
ຄືສົ່ງອອກຖົ່ວເຫລືອງ 345 ໂຕນ, ໝາກຫຸ່ງສາ 298 ໂຕນ, ຖົ່ວດິນ 5 ພັນກວ່າໂຕນ, ມັນດ້າງ
10 ພັນກວ່າໂຕນ, ຜັກກະຫລ່ຳ 24 ພັນກວ່າໂຕນ, ຜັກກາດຫໍ່ 4 ພັນກວ່າໂຕນ, ຂີງດິບ
13 ໂຕນ, ຂີງແຫ້ງ 11 ໂຕນ, ກ້ວຍດິບ 12 ພັນກວ່າໂຕນ, ສາລີແຂງ 960 ກວ່າໂຕນ, ໝາກເຜັດ
2 ພັນກວ່າໂຕນ ແລະ ໝາກສະເວີ 6 ພັນກວ່າໂຕນ.
ສຳລັບກາເຟຍັງແມ່ນທ່າແຮງຕົ້ນຕໍໃນຂະແໜງກະສິກຳ,
ມີເນື້ອ ທີ່ປູກກາເຟປະມານ 47 ພັນກວ່າເຮັກຕາ ໃຫ້ໝາກ 35 ພັນກວ່າເຮັກຕາ, ສະມັດຖະພາບສະເລ່ຍ
1,5 ໂຕນຕໍ່ເຮັກຕາ, ຜົນຜະລິດ 53 ພັນກວ່າໂຕນ ທຽບໃສ່ປີຜ່ານມາເພີ່ມຂຶ້ນ 62%.
ສຳລັບການສົ່ງອອກກາເຟໃນປີ 2012 ປະມານ 19 ພັນກວ່າໂຕນ, ໃນນັ້ນ ກາເຟໃຫຍ່
637 ໂຕນ, ກາເຟກາງ 8 ພັນກວ່າໂຕນ ແລະ ກາເຟນ້ອຍ 10 ພັນກວ່າໂຕນ ເຊິ່ງສ້າງລາຍຮັບໄດ້ຫລາຍສິບລ້ານໂດລາສະຫະລັດ.
No comments:
Post a Comment