ແມ່ຍິງປຽບດັ່ງທູດວັດທະນະທຳ

           ວັນທີ 6 ມີນານີ້, ທ່ານນາງ ລຳພອຍ ສີອັກຄະຈັນ ປະທານສະຫະພັນ ແມ່ຍິງ ນະຄອນຫຼວງວຽງ ຈັນ ໄດ້ກ່າວຕໍ່ນັກ ຂ່າວໜັງສືພິມລາວ ພັດທະນາພວກ ເຮົາວ່າ:ແມ່ ຍິງແມ່ນມີບົດບາດສຳຄັນຫຼາຍ ໃນການສົ່ງເສືມວັດທະນະທຳຂອງຊາດເຊິ່ງ ມັນປຽບ ເໝືອນທູດວັດທະນະທຳຜູ້ໜຶ່ງໃນການສະແດງອອກຂອງຂະນົບທຳນຽມ ການນຸ່ງຖື ແລະ ການແຕ່ງກາຍຕ່າງໆຂອງເຂົາເຈົ້າດັ່ງນັ້ນເນື່ອງໃນວັນແມ່ຍິງສາກົນທີ່ໝູນວຽນມາເຖິງ ອີກເທື່ອໜຶ່ງ, ອົງການຈັດຕັ້ງສະຫະພັນແມ່ຍິງນະຄອນຫຼວງ ກໍໄດ້ ເອົາໃຈໃສ່ສຶກສາອົບຮົບ ການເມືອງແນວຄິດໃຫ້ເອື້ອຍນ້ອງແມ່ຍິງໂດຍສະເພາະເນື້ອ ໃນຂໍ້ແຂ່ງຂັນ 3 ດີໃຫ້ແກ່ສະ ມາຊິກ ແມ່ຍິງ ໃນທົ່ວນະຄອນຫຼວງວຽງຈັນ, ໄດ້ຮັບຮູ້ ແລະ ເຂົ້າໃຈພ້ອມດຽວກັນນັ້ນໄດ້ ເອົາໃຈໃສ່ຊຸກຍູ້ອົງການຈັດຕັ້ງແມ່ຍິງແຕ່ລະຂັ້ນ ໃຫ້ເປັນເຈົ້າການໃນການປະຕິບັດ ຂໍ້ແຂ່ງ ຂັນ 3 ດີທີ່ອົງການຈັດຕັ້ງສະຫະພັນແມ່ຍິງວາງອອກ, ໃນນັ້ນໄດ້ເອົາໃຈໃສ່ການຍົກສູງ ບົດບາດຍິງຊາຍ ເຊິ່ງໄດ້ເລັ່ງໃສ່ສ້າງ ຄວາມເຂົ້າໃຈໃຫ້ສັງຄົມກ່ຽວກັບບົດບາດຄວາມສະເໝີພາບສະຫວ່າງຍິງ-ຊາຍໂດຍການ ເອົາໃຈໃສ່ສຶກສາອົບຮົມສ້າງສະ ຕິທາງກົດໝາຍໃຫ້ແກ່ແມ່ຍິງ, ປຸກລະດົມແມ່ຍິງໃຫ້ເອົາໃຈໃສ່ເປັນເຈົ້າການໃນການພັດທະ ນາຕົນເອງຮຽນຮູ້ແລະເຂົ້າ

ໃຈຕໍ່ແນວທາງນະໂຍບາຍຂອງພັກ, ກົດໝາຍຂອງລັດແລະຍົກລະດັບຄວາມຮູ້ທາງວັດທະນະທຳ ຂອງຕົນເອງໃຫ້ສູງຂຶ້ນໃນ ທຸກດ້ານໃຫ້ສົມກັບພັກແລະລັດຊິ່ງຍາມໃດກໍໄດ້ເອົາໃຈໃສ່ສົ່ງເສີມຄວາມກ້າວໜ້າຂອງແມ່ຍິງ, ຖ້າ ແມ່ຍິງບໍ່ມີຄວາມຮູ້ທາງກົດໝາຍກໍ່ຈະເຮັດໃຫ້ແມ່ຍິງມີຄວາມເສຍປຽບໃນການເຄື່ອນໄຫວຢູ່ໃນສັງຄົມແລະຖ້າແມ່ຍິງບໍ່ມີຄວາມຮູ້ທາງດ້ານວິຊາສະເພາະກໍຈະບໍ່ສາມາດຮັບໃຊ້ໜ້າທີ່ການເມືອງທີ່ພັກ ແລະ ລັດ ມອບໝາຍໃຫ້ບັນລຸຜົນສຳເລັດໄດ້. ດັ່ງນັ້ນ ເພື່ອຢາກຍົກສູງຖານະບົດບາດຂອງແມ່ຍິງໃຫ້ທຽບເທົ່າກັບເພດຊາຍນັ້ນ, ແມ່ຍິງຈະຕ້ອງໄດ້ເອົາໃຈໃສ່ພັດທະນາຕົນເອງ, ຊອກ ຮູ້ຮ່ຳຮຽນ. ຍົກລະດັບຄວາມຮູ້ຄວາມສາມາດ ຂອງຕົນເອງໃຫ້ສູງຂຶ້ນເທື່ອລະກ້າວແລຕ້ອງເປັນເຈົ້າການໃນການປຸກລະດົມ ຂົນຂວາຍ ແລະ ເປັນແບບຢ່າງໃຫ້ແກ່ລູກຫຼານ, ຊາວໜຸ່ມເສີມຂະຫຍາຍມູນເຊື້ອວັດທະນະທຳແລະເອກະລັກອັນ ດີງາມຂອງ ຊາດໂດຍສະເພາະການອະນຸລັກຮັກສາຮີດຄອງປະເພນີອັນດີງານຂອງແມ່ຍິງລາວ ແລະ ເປັນແບບຢ່າງໃນການນຸ່ງຖືໃຫ້ຖືກ ຕາມກາລະເທສະ,ແຕ່ງກາຍສຸພາບປາກເວົ້ານິມນວນອ່ອນຫວານເພື່ອເປັນການໂຄສະນາເຜີຍແຜ່ວັດທະນະທຳອັນດີງານຂອງ ຊາດໃຫ້ແຂກຕ່າງດ້າວທ້າວຕ່າງແດນໄດ້ຮັບຮູ້, ໂດຍສະເພາະແມ່ຍິງທີ່ເປັນໄວໜຸ່ມຈະຕ້ອງເປັນສື່ໃນການໂຄ ສະນາວັດທະນະ ທຳອັນດີງານຂອງລາວເຮົາບໍ່ຄວນແລ່ນຕາມວັດທະນະທຳທີ່ບໍ່ເປັນຂອງຕົນຂອງຕົນດັ່ງນັ້ນໃນໂອກາດວັນແມ່ຍິງສາກົນນີ້ຈຶ່ງຂໍ ຮຽກຮ້ອງມາຍັງເອື້ອຍນ້ອງແມ່ຍິງທຸກຄົນຈະຕ້ອງຊ່ວຍກັນເປັນແບບຢ່າງນຳໜ້າໃນການສົ່ງເສີມວັດທະນະທຳ ແລະ ປະເພນີ ຂອງຕົນໂດຍສະເພາະແມ່ນການນຸ່ງຖື, ແຕ່ງການສຸພາບແລະບໍ່ຄວນແລ່ນນຳວັດທະນະທຳຂອງຜູ້ອື່ນເຊັ່ນການນຸ່ງເສື້ອສາຍ ດ່ຽວທີ່ບໍ່ສຸພາບ, ບໍ່ເໝາະສົມ ແລະ ບໍ່ຖືກກັບຮີດຄອງປະເພນີວັດທະນະທຳ ແລະ ເອກະລັກຂອງແມ່ຍິງລາວຂອງ ພວກເຮົາ,ໃຫ້ສົມກັບຄຳທີ່ເພິ່ນເວົ້າວ່າແມ່ຍິງລາວນຸ່ງສິ້ນ, ເກົ້າຜົມໃສ່ແພບ່ຽງອັນນີ້ແມ່ນເອກະລັກທີຖິກຕ້ອງ ຂອງແມ່ຍິງລາວ. ປະທານສະຫະພັນແມ່ຍິງນະຄອນຫຼວງກໍຢ້ຳວ່າ: ໃນວັນປະຫວັດສາດສຳຄັນດັ່ງກ່າວແມ່ນໂອກາດໜຶ່ງເພື່ອປຸກລະດົມໃຫ້ ເອື້ອຍນ້ອງແມ່ຍິງເຂົ້າຮ່ວມໃນການຈັດຕັ້ງປະຕິບັດ 6.ສ ຂອງນະຄອນຫຼວງວຽງຈັນໂດຍສະເພາະກໍແມ່ນ ສ.ສະຫງົບ, ສ.ສະ ອາດ, ສ. ສີຂຽວ ແລະ ສ.ສະເໜ່ນັ້ນ, ແມ່ຍິງຕ້ອງໄດ້ເປັນເຈົ້າການໃນການຈັດຕັ້ງປະຕິບັດຊຶ່ງວ່າການນຸ່ງຖື ແລະ ການຮັກສາ ຮີດຄອງປະເພນີວັດທະນະທຳອັນດີງານຂອງແມ່ຍິງລາວ. ນີ້ກໍເປັນເອກະລັກໜຶ່ງທີ່ດຶງດູດໃຫ້ແຂກຕ່າງປະເທດຮັບຮູ້ ແລະເ ຫັນເຖິງວັດທະນະທຳອັນດີງານຂອງລາວເຮົາ, ຖ້າຫາກແມ່ຍິງໜົດທຸກຄົນຈັດຕັ້ງປະຕິບັດໄດ້ກໍຈະເປັນສະເໜ່ໜຶ່ງຂອງ ນະ ຄອນຫຼວງວຽງຈັນ. ພ້ອມນັ້ນ ແມ່ຍິງຈະຕ້ອງໄດ້ເປັນເຈົ້າການໃນການຮັກສາອະນະໄມເຮັດໃຫ້ນະຄອນຫຼວງເປັນຕົວເມືອງ ແຫ່ງສຸຂະພາບ, ມີຄວາມສະອາດສວຍງາມປາດສະຈາກຂີ້ເຫຍື້ອຢູ່ຕາມຖະໜົນຫົນທາງ ແລະ ສະຖານທີ່ສະທາລະນະຕ່າງໆ ເພື່ອໃຫ້ ສ. ສະອາດຂອງນະຄອນຫຼວງວຽງຈັນປາກົດຜົນເປັນຈິງ.