ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ
ຮ່ວມກັບອົງການອຸຍແນັສໂກ ໄດ້ຈັດກອງປະຊຸມປຶກສາຫາລືລະ ດັບຊາດກ່ຽວກັບອຸດສາຫະກຳທາງວັດທະນະທຳຢູ່
ສປປ ລາວ ແລະ ຮັບຮອງເອົາບົດລາຍງານການສຶກສາຂໍ້ມູນຂັ້ນພື້ນ ຖານສຳ ລັບປີ
2012 ຂຶ້ນ ແຕ່ວັນທີ 14-15 ມິນາ ຢູ່ຫໍວັດທະນະທຳແຫ່ງຊາດໂດຍການເປັນປະທານຮ່ວມຂອງ
ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ ແລະ
ທ່ອງທ່ຽວ, ທ່ານ ຕິມ ເຄີຕິດ (Tim currtis) ຫົວໜ້າພະແນກວັດທະນະທຳອົງການອຸຍແນັສໂກ
(UNESCO), ມີຫົວໜ້າກົມ ແລະ ຜູ້ຕາງໜ້າຈາກສະຖານທູດປະເທດເພື່ອນມິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ບົວເງິນ ຊາພູວົງ ໄດ້ຍົກໃຫ້ເຫັນຄວາມໝາຍຄວາມສຳ
ຄັນຂອງກອງປະຊຸມເທື່ອນີ້ ເຊິ່ງ ບັນດາຜູ້ເຂົ້າຮ່ວມຈະໄດ້ປຶກສາຫາລື ແລະ ຮັບຟັງບົດສະເໜີການສຶກສາຂໍ້ມູນຂັ້ນພື້ນຖານກ່ຽວກັບອຸດສາຫະກຳທາງວັດທະນະທຳຢູ່
ສປປ ລາວ ປີ 2012, ຮັບຮອງເອົາ ແລະ ຜັນຂະຫຍາຍບົດລາຍງານການສຶກສາຂໍ້ມູນຂັ້ນພື້ນ
ຖານເຊັ່ນ: ບາດກ້າວການເຄື່ອນໄຫວສຳລັບອຸດສາຫະກຳທາງວັດທະນະທຳໃຫ້ມີສະພາບແວດລ້ອມທີ່ເໝາະສົມ
ເຊິ່ງ ສປປ ລາວມີ 49 ຊົນເຜົ່າ, ມີຫລາຍສີສັນ ທາງວັດທະ ນະທຳທີ່ສາມາດກາຍເປັນອຸດສາຫະກຳທາງວັດທະນະທຳໄດ້,
ກອງປະຊຸມເທື່ອນີ້ຍັງເປັນການແລກປ່ຽນບົດຮຽນກ່ຽວກັບການພັດທະນາອຸດສາຫະກຳທາງວັດທະນາທຳລະຫວ່າງຜູ້ຮັບຜິດຊອບວຽກງານດັ່ງກ່າວກັບບັນດາອົງການຈັດຕັ້ງ
ແລະ ປະເທດເພື່ອນມິດເພື່ອສ້າງຄວາມອຸດົມຮັ່ງມີທາງວັດທະນະທຳຢູ່ປະເທດເຮົາໃຫ້ຫລາຍຂຶ້ນກວ່າເກົ່າ.
No comments:
Post a Comment