ວັນທີ
11 ມີນານີ້, ທ່ານ ດຣ. ໄຊມົກຄຳ ຮອງປະທານາທິບໍດີ ແຫ່ງສາທາລະນະ ລັດສະຫະພາບມຽນມາພ້ອມດ້ວຍຄະນະໄດ້ເຄື່ອນໄຫວຢ້ຽມຊົມເມືອງຫລວງ ພະ ບາງເມືອງມໍລະດົກໂລກ ກ່ອນເດີນທາງເຂົ້າຮ່ວມກອງປະຊຸມສຸດຍອດ
CLMV ຄັ້ງ ທີ 6 ແລະ ກອງປະຊຸມສຸດຍອດແອັກແມັກ ຄັ້ງທີ 5 ໃນລະຫວ່າງວັນທີ 12-13 ມີນານີ້
ເຊິ່ງຈັດຂຶ້ນຢູ່ນະຄອນ ຫລວງວຽງຈັນ ໂດຍການຕ້ອນຮັບຂອງ ທ່ານ ດຣ. ຄຳແພງ ໄຊສົມແພງ ເຈົ້າແຂວງຫລວງພະບາງ
ພ້ອມດ້ວຍຄະນະ.
ທ່ານ ດຣ. ຄຳແພງ ໄຊສົມ ແພງ ໄດ້ລາຍງານແຜນພັດທະ
ນາເສດຖະກິດ-ສັງຄົມພາຍໃນແຂວງຫລວງພະບາງໃຫ້ທ່ານ ດຣ. ໄຊມົກຄຳ ໄດ້ຮັບຊາບເຊິ່ງແຂວງດັ່ງກ່າວກາຍເປັນໃຈກາງທາງຜ່ານຂອງການລຳລຽງຂົນສົ່ງສິນຄ້າອອກສູ່ຕ່າງແຂວງ
ຫລື ຕ່າງປະເທດໃນພາກພື້ນທາງ ພາກເໜືອຂອງປະເທດລາວ.
ທ່ານ ດຣ. ໄຊມົກຄຳ ກໍໄດ້ສະແດງຄວາມຍ້ອງຍໍຊົມເຊີຍແຂວງຫລວງພະບາງທີ່ສາມາດພັດທະນາແຂວງຂອງຕົນໃຫ້ກາຍ
ເປັນ ແຂວງທີ່ມີແຜນຍຸດທະສາດໃນ ການພັດທະນາເສດຖະກິດ-ສັງຄົມ.
ໂອກາດດັ່ງກ່າວ, ຮອງປະທານາທິບໍດີພ້ອມດ້ວຍຄະນະຍັງໄດ້ເຂົ້າຊົມແຫລ່ງທ່ອງທ່ຽວທາງວັດທະນະທຳອັນເກົ່າແກ່
ພາຍໃນເມືອງຫລວງພະບາງ ແລະ ຫັດຖະກຳທີ່ເຮັດຈາກສີໄມ້ລາຍມືຂອງປະຊາຊົນບັນດາເຜົ່າພາຍໃນເມືອງດັ່ງກ່າວຕື່ມອີກ.
No comments:
Post a Comment