ສະພາບໍລິຫານທະນາຄານແຫ່ງ ສປປ ລາວ ປຶກສາຫາລືບັນຫາສຳຄັນປະຈຳປີ 2013

         ວັນທີ 29 ພຶດສະພານີ້ຢູ່ຫ້ອງປະຊຸມຂອງທະນາຄານແຫ່ງ ສປປ ລາວ ທີ່ນະ ຄອນຫຼວງວຽງຈັນ, ຄະນະບໍລິຫານງານສະພາບໍລິຫານທະນາຄານ ດັ່ງກ່າວ ໄດ້ຈັດ ກອງປະ ຊຸມສະສາມັນປະຈຳປີຂອງຕົນຂື້ນ ເພື່ອປຶກສາຫາລື ແລະ ຖອດຖອນບົດ ຮຽນຄືນກ່ຽວກັບການເຄື່ອນໄຫວວຽກງານ ໃນປີ 2012ທີ່ຜ່ານມາ ແລະ ວາງທິດ ທາງແຜນການປະຈຳ ປີ 2013 ໃນຂົງເຂດວຽກງານຂອງຕົນໂດຍການເປັນປະທານ ຂອງ ທ່ານ ສົມສະຫວາດ ເລັ່ງສະຫວັດ ຮອງນາຍຍົກລັດຖະມົນຕີ, ທັງເປັນປະ ທານສະພາບໍລິຫານຂອງທະນາຄານແຫ່ງສປປລາວ, ພ້ອມສະມາຊິກ. ຄະນະບໍລິຫານງານຂອງສະພາທະນາຄານເຂົ້າຮ່ວມ ຢ່າງພ້ອມພຽງ. .     

           ໃນໂອກາດດັ່ງກ່າວ ທ່ານ ຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ໄດ້ຕີລາຄາສູງຕໍ່ການດຳເນີນກອງ ປະຊຸມ ຄັ້ງນີ້ເປັນຄັ້ງທຳອິດທີສະພາຄະນະບໍລິຫານທະນາຄານໄດ້ຈັດຂຶ້ນ, ພາຍຫຼັງໄດ້ມີການປັບປຸງຄະນະບໍລິຫານງານຊຸດ ໃໝ່ຂອງຕົນຕາມການຕົກລົງຂອງທ່ານນາຍົກລັດຖະມົນຕີແລະໄດ້ກ່າວຕ້ອນຮັບສະມາຊິກໃໝ່ຂອງສະພາບໍລິຫານພ້ອມ ຍ້ອງຍໍຕໍ່ຄວາມພະຍາຍາມບຸກບືນຂອງພະນັກງານລັດຖະກອນທົ່ວຂະແໜງການທະນາຄານ, ທີ່ໄດ້ເອົາໃຈໃສ່ຍົກສູງ ຄວາມ

ຮັບຜິດຊອບຈັດຕັ້ງປະຕິບັດວຽກງານຂອງຕົນ ແລະ ສາມາດເຮັດລ້ອນໜ້າທີ່ການ ເມືອງຂອງພັກ ແລະ ລັດມອບໝາຍໃຫ້ ເຊິ່ງມັນສະແດງອອກໃນປີທີ່ຜ່ານມາສະພາບເສດຖະກິດໂດຍລວມຂອງປະເທດເຮົາໂດຍລວມແລ້ວ ແມ່ນມີສະຖຽນລະ ພາບແລະສາມາດປະກອບສ່ວນອັນສຳຄັນເຂົ້າໃນການພັດທະນາເສດຖະກິດສັງຄົມຂອງຊາດເຕີບໃຫຍ່ເຂັ້ມແຂງ, ຍ້ອນການ ຊີ້ນຳນຳພາຂອງຄະນະພັກ, ຜູ້ວ່າການທະນະຄານ, ໄດ້ຈັດຕັ້ງປະຕິບັດນະໂຍບາຍຮັກສາສະ ຖຽນລະພາບເງິນຕາແຫ່ງຊາດ ແລະ ວຽກງານອື່ນໆຕາມການ ຕົກລົງຂອງສະພາບໍລິຫານດ້ວຍຄວາມເປັນເຈົ້າການ ແລະ ຮັບຜິດຊອບສູງເຊິ່ງ ໄດ້ນຳໄປສູ່ ຜົນສຳເລັດຫຼາຍປະການແລະອັນພົ້ນເດັ່ນທີ່ສຸດແມ່ນສາມາດຮັກສາສະຖຽນລະພາບເງິນຕາແຫ່ງຊາດໄວ້ໄດ້ຢ່າງໝັ້ນທ່ຽງ, ອັດ ຕາເງິນ ເຟີ້ມີທ່າອ່ຽງຫຼຸດລົງຢູ່ໃນລະດັບ ຕ່ຳກ່ວາອັດຕາການຂະຫຍາຍ ໂຕ ຂອງເສດຖະກິດ,ອັດຕາການແລກປ່ຽນເງິນມີ ຄວາມສະຫງົບໂດຍພື້ນຖານ, ລະບົບທະນາຄານທຸລະກິດໄດ້ມີການພັດທະນາກວ້າງຂວາງກ່ວາເກົ່າ ເຊິ່ງທັງໝົດນັ້ນໄດ້ປະ ກອບສ່ວນເຂົ້າໃນການພັດທະນາເສດຖະກິດ-ສັງຄົມ ຕາມນະໂຍບາຍທີ່ພັກ ແລະ ລັດໄດ້ກຳນົດໄວ້.     

           ຕະຫຼອດວາລະກອງປະ ຊຸມບັນດາສະມາຊິກຄະນະບໍລິ ຫານງານຂອງສະພາດັ່ງກ່າວໄດ້ຮັບຟັງຄົ້ນຄ້ວາ, ພິຈາລະ ນາ ແລະ ປະກອບຄຳຄິດເຫັນ 3 ບັນຫາ ໃຫຍ່ທີ່ສຳຄັນຄື:ໄດ້ຮັບຟັງ ແລະ ພິຈາລະນາລາຍງານການເຄື່ອນໄຫວຂອງທະນາ ຄານ ປະຈຳປີ 2012 ແລະ ສະເໜີວຽກ ງານໃນຕໍ່ໜ້າ, ຟັງການສະຫຼຸບການຈັດຕັ້ງປະຕິບັດລາຍຮັບ -ລາຍຈ່າຍຂອງທະນາຄານ ແຫ່ງ ສປປ ລາວ ປະຈຳປີ 2012 ແລະ  ຜ່ານບົດສະຫຼຸບການຈັດຕັ້ງປະຕິບັນການກໍສ້າງພື້ນຖານ, ປະກອບວັດຖຸເຕັກນິກ ໃນປີ 2012.