ພັດທະນາການສຶກສາກ່ອນໄວຮຽນຢູ່ນະຄອນຫລວງວຽງຈັນ ບາດກ້າວດີຂຶ້ນ

     ​ໃນ​ສົກຮຽນ​ 2012-2013 ​ການ​ພັດທະນາ​ການ​ສຶກສາກ່ອນ​ໄວ​ຮຽນຢູ່ນະຄອນຫລວງວຽງຈັນ ນັບ​ວ່າມ​ີບາດກ້າ​ວຂະ ຫຍາຍຕົວ​ດີ​ເມື່ອທຽບໃສ່ສົກປີກ່ອນ​ຈຳ ນວນ​ນັກຮຽນ​ໄດ້​ເພີ່ມ​ຂຶ້ນ, ອັດຕາ​ການ​ເຂົ້າຮຽນ​ຂອງ​ເດັກ 3-5 ປີ ​​ເພີ່ມ​ຂຶ້ນຕາມ​ລຳ ດັບ. ດັ່ງບົດສະ ຫລຸບ​ການຈັດຕັ້ງປະຕິບັດ​ແຜນ​ພັດທະນາ​ການ​ສຶກສາ​ປະຈຳ​ສົກ​ຮຽນ 2012-2013 ຂອງ​ພະ​ແນ​ກສຶກສາ​ທິການ ​ແລະ ກິລາ​ນະ ຄອນຫລວງ ຊີ້ໃຫ້ເຫັນ​ວ່າ: ອັດ ຕາ​ເຂົ້າຮຽນ​ສຸດທິ ປ.1 ​ເພີ່ມ​ຂຶ້ນ, ອັດຕາ​ປະລະ ປ.1-ປ.5 ​ຢູ່ໃນ ເກນ ປົກກະຕິ, ​ແຕ່​ສິ່ງ​ທີ່​ໜ້າ​ເປັນ​ຫ່ວງຄື​ ອັດຕາ​ປະລະ​ໃນ​ຂັ້ນ ປ.1 ຍັງຫລາຍ ​ເມື່ອ​ທຽບ​ໃສ່​ແຜນ ການວາງໄວ້. ທັງ​ນີ້ກໍ​ຍ້ອນ​ວ່າ​ພໍ່​ແມ່​ນັກຮຽນ​ຈຳນວນ​ໜຶ່ງ​ມີ​ການ​ເຄື່ອນ​ຍ້າຍ ຫລື ​ໄປ​ເຮັດ​ວຽກ​ຢູ່​ຕ່າງປະ​ເທດ​​ແລ້ວ​ເອົາ​ລູກ​ໄປ​ນຳ ແລະ ອີກ​ປະການ​ໜຶ່ງ ການ​ຈົດ​ຊື່​ເຂົ້າຮຽນ​ໃນ​ຂັ້ນ ປ.1 ​ຍັງ​ບໍ່​​ຮັດ ກຸມ​. ສະນັ້ນ ຈຶ່ງ​ເຮັດໃຫ້​ນັກຮຽນ​ ປ.1 ມີການຍົກຍ້າຍ​ໄປ​ຮຽນ​ຢູ່​ໂຮງຮຽນ​ອື່ນ ​ແຕ່​ຖືກ​ຈົດ​ຊື່​ເປັນ​ນັກຮຽນ​ເຂົ້າ​ໃໝ່ ​ແລະ ຢູ່​ໂຮງ ຮຽນ​ເກົ່າ​​ຊ້ຳພັດ​ລາຍ​ງານ​ວ່າ​ຜູ້ກ່ຽວ​ປະລະ​ການ​ຮຽນ. ​ການ​ໄດ້​ເຂົ້າຮຽນ​ຂອງ​ເດັກ​ຍິງ ​ແລະ ​ເດັກ​ຊາຍ​ແມ່ນ​ເທົ່າ​ທຽມ​ກັນ. ​ເຖິງ​ຢ່າງ​ໃດ​ກໍ​ດີ​ເມື່ອ​ທຽບ​ໃສ່​ແຜນ​ປະ ຕິບັດ​ງານ​ການ​ສຶກສາ​ເພື່ອ​ທຸກ​ຄົນ ຫລື EFA (ອັດຕາ​ເຂົ້າຮຽນ​ສຸດທິ​ໃນ​ຊັ້ນປະຖົມ, ອັດຕາ​ການ​ຮູ້​ໜັງສື​ຂອງ​ຜູ້​ໃຫຍ່ 15-24 ປີ, ຄວາມ​ສະ​ເໝີ​ພາບ​ຍິງ-ຊາຍ ​ແລະ ອັດຕາ​ລອດ​ເຫລືອ) ​ເຫັນ​

ວ່າຢູ່​ນະຄອນຫລວງ​ວຽງ​ຈັນ​ສາມາດ​ບັນລຸ​ບັນດາ​ຄາດໝາຍ​ຂອງ​ແຜນ​ງານ​ນີ້​ໄດ້​ເປັນ​ສ່ວນ​ຫລາຍເຊິ່ງ ຍັງ​ພຽງ ອັດຕາ​ລອດ​ເຫລືອ​ຮອດ ປ.5 ​ບັນລຸ​ໄດ້ພຽງ 92,60% ຄາດ ໝາຍ EFA ​ແມ່ນ 95% ​ໃນ​ປີ 2015 ສະ​ແດງ​ວ່າ: ພວກ​ເຮົາ​ຍັງ​ຈະ​ຕ້ອງ​ພະຍາຍາມ​ຫາວ​ິທີ​ສະກັດ​ກັ້ນບໍ່​ໃຫ້​ນັກຮຽນ​ປະລະ​ໃນ​ຊັ້ນ ປະຖົມ. ອຳນາດການປົກຄອງ ແລະ ຜູ້ບໍລິຫານ​ການ​ສຶກສາ​ທຸກ ຂັ້ນ, ຄູ​ສອນ ​ແລະ ນັກຮຽນຕ້ອງ ໄດ້ເປັນເຈົ້າການຮ່ວມກັນ.

    ຖ້າ​ເຮົາ​ເບິ່ງ​ພາບ​ລວມຂອງ​ແຜນ​ງານ​ການ​ຂະຫຍາຍ​ໂອກາດ​ດ້ານ​ການ​ສຶກສາ​ສາຍ​ສາມັນ ເຫັນ​ວ່າ​ຢູ່​ໃນ​ທ່າ​ກ້າວ​ທີ່​ດີ, ​ແຕ່​ການ​ຂະຫຍາຍຕົວ​ດັ່ງກ່າວ​ແມ່ນ​ຍັງ​ບໍ່​ທັນກ້ຳ​ເກິ່ງ ​ລະຫວ່າງ​ຕົວ​ເມືອງ ​ແລະ ຊົນນະບົດ. ການ​ຫັນ​ໂຮງຮຽນ​ມູນ​ລະ​ປະຖົມ​ເປັນ​ປະ ຖົມ​ສົມບູນ​ຍັງ​ບໍ່​ໄດ້​ຕາມ​ຄາດ ໝາຍ ​ແລະ ການ​ປະຕິບັດ​ການ​ເລື່ອນ​ຂັ້ນ​ແບບ​ຕໍ່​ເນື່ອງ​ໄດ້​ຮັບ​ການ​ປັບປຸງ​ໃຫ້​ດີ​ຂຶ້ນ​ເທື່ອ​ລະ​ກ້າວ. ຄຽງ​ຄູ່​ກັບ​ການ​ສຶກສາ​ໃນ​ໂຮງຮຽນ, ການ​ສຶກສານ​ອກ​ໂຮງ ຮຽນ​ກໍ​ໄດ້​ຮັບ​ການ​ເອົາ​ໃຈ​ໃສ່​ເຊັ່ນ: ​ໃນ​ສົກ​ປີ 2012-2013 ​ໄດ້​ຈັດຕັ້ງການ​ຮຽນ​ການ​ສອນ​ບຳ  ລ​ຸງຊັ້ນມັດທະຍົມ​ຕົ້ນ​ໃຫ້​ແກ່​ປະ ຊາຊົນ​ໄດ້ 100 ກວ່າບ້ານ, ມີ​ຈຳ ນວນ​ນັກຮຽນຫລາຍກວ່າ 2.200 ຄົນ, ໃນນັ້ນ ມີຍິງ 1.000 ກວ່າຄົນ ລື່ນຄາດໝາຍ​ແຜນການ​ປີ​ວາງ ໄວ້ 0,04% ​ແລະ ປັດຈຸບັນ ພວມ​ດຳ​ເນີນ​ຢູ່ 96 ບ້ານ, ມີ​ນັກຮຽນ 1.922 ຄົນ, ຍິງ 1.263 ຄົນ ຄາດ ວ່າ​ໃນ​ທ້າຍ​ສົກຮຽນ​ນີ້ ຈະ​ຈັດຕັ້ງພິທີ​ປະກາດ​ຈົບ​ຊັ້ນມັດທະຍົມ​ຕອນ​ຕົ້ນສຳລັບ​ປະຊາຊົນ​ຢູ່​ເມືອງ​ປາກງື່ມ, ​ເມືອງ​ສີ​ໂຄດ​ຕະ ບອງ ​ແລະ ​ເມືອງ​ໄຊ​ເສດ​ຖາໃຫ້ໄດ້.