ພັນລະຍາການນຳສືບຕໍ່ຢ້ຽມຢາມ ແລະ ມອບຂອງຂວັນໃຫ້ສູນການແພດຟື້ນຟູໜ້າທີ່ການ

           ໃນວັນທີ 30 ພຶດສະພານີ້  ທ່ານ ດຣ. ນາງ ແກ້ວສາຍ ໃຈ ໄຊຍະສອນ ພັນລະຍາ ທ່ານ ຈູມ ມາລີ ໄຊຍະສອນ ປະ ທານປະເທດແຫ່ງ ສປປ. ລາວ ພ້ອມ ດ້ວຍ ບັນດາພັນລະຍາການນຳ, ສູນ ກາງສະຫະພັນແມ່ຍິງລາວ ແລະ ບັນດານັກ ທຸລະກິດຍິງ ໄດ້ສືບຕໍ່ ເຄື່ອນໄຫວຢ້ຽມຢາມ ແລະ ມອບ  ຂອງ ຂວັນ ໃຫ້ແກ່ສູນ ການແພດ ຟື້ນຟູໜ້າທີ່ ການ ແລະ ບັນດານັກ ຮຽນພິການ.

         ທ່ານ ດຣ. ຄຳເພັດ ມະນີວົງ ຫົວໜ້າສູນການແພດຟື້ນຟູໜ້າທີ່ ການ ໄດ້ກ່າວສະແດງຄວາມຍິນ ດີຕ້ອນຮັບ ແລະ ພາກພູມໃຈເປັນ ຢ່າງຍິ່ງ ທີ່ບັນດັນ ພັນລະຍາການນຳ ແລະ ຄະນະກຳມາທິການເພື່ອ ແມ່ ແລະ ເດັກແຫ່ງຊາດ ໄດ້ມາ ຢ້ຽມຢາມ ແລະ ມອບຂອງຂວັນໃນໂອ ກາດສະເຫລີມສະຫລອງວັນເດັກສາກົນໃນຄັ້ງນີ້. ໃນໄລຍະຜ່ານມາຄະນະກຳມາ ທິການ ເພື່ອແມ່ ແລະ ເດັກແຫ່ງ ຊາດ ກໍໄດ້ໃຫ້ການຊ່ວຍເຫລືອ ສູນການແພດຟື້ນຟູໜ້າທີ່ການ ກໍຄື ຊ່ວຍເຫລືອໃຫ້ແກ່ເດັກ ພິການທີ່ ໄດ້ອາໄສ ແລະ ສຶກສາຮ່ຳຮ ຽນ ຢູ່ສູນ ດັ່ງກ່າວ ຊຶ່ງສະແດງໃຫ້ ເຫັນວ່າ ການນຳພັກ-ລັດ ຍາມໃດກໍໃຫ້ຄວາມເປັນ ຫ່ວງເປັນໄຍຕໍ່ຊີວິດການເປັນຢູ່ ແລະ ການສຶກສາ ຂອງເດັກພິການເພື່ອແກ້ໄຂ ຫລື ຕື່ມເຕັມຄວາມຂາດເຂີນ ເຮັດໃຫ້ເຂົາເຈົ້າ ໄດ້ມີເງື່ອນໄຂ ແລະ ໄດ້ຮັບຄວາມສະ ດວກໃນການຮ່ຳຮຽນ ກໍຄືການດຳລົງຊີວິດໃຫ້ ດີ ຂຶ້ນ. ພ້ອມກັນນີ້ ທ່ານຍັງໄດ້ລາຍ ງານໃຫ້ຊາບກ່ຽວກັບຄວາມເປັນມາ ແລະ ການເຄື່ອນໄຫວຈັດຕັ້ງປະຕິບັດວຽກງານຂອງສູນການ ແພດຟື້ນຟູໜ້າທີ່ການ.

      ໃນໂອກາດນີ້ ທ່ານ ດຣ. ນາງ ແກ້ວສາຍໃຈ ໄຊຍະສອນ ໄດ້ ຕາງໜ້າໃຫ້ແກ່ບັນດາພັນລະ ຍາ ການນຳ ມອບຂອງຂວັນ ໃຫ້ແກ່ ສູນການແພດຟື້ນຟູໜ້າທີ່ ການ ແລະ ນັກຮຽນພິການ, ໃນນັ້ນປະ ກອບມີ ໂມງ 2 ໜ່ວຍ, ກາເຟ, ເສື້ອ 125 ໂຕ, ຕູ້ເຢັນ 2 ໜ່ວຍ, ເງິນສົດ 10 ລ້ານກີບ. ພ້ອມທັງ ໄດ້ລ້ຽງອາຫານແກ່ເດັກພິການ ລວມມູນ ຄ່າເກືອບ 80 ລ້ານກີບ. ໃນໂອ ກາດດຽວກັນນີ້ ບັນດາພັນລະຍາການນຳ, ນັກທຸລະກິດຍິງ ແລະ ພາກສ່ວນ ກ່ຽວຂ້ອງທີ່ເຂົ້າຮ່ວມຍັງໄດ້ມອບເງິນສົມທົບ ອີກ 21 ລ້ານກ່ວາກີບ ແລະ 100 ໂດລາສະຫະລັດ.