ລາວປະດັບຫລຽນກາມິດຕະພາບໃຫ້ອົງການພັດທະນາເດັກນ້ອຍລາວ-ຍີ່ປຸ່ນ

        ພິທີປະດັບຫລຽນກາ ມິດຕະ ພາບໃຫ້ແກ່ອົງການພັດທະນາ ເດັກ ນ້ອຍລາວ- ຍີ່ປຸ່ນ (SVA) ໄດ້ ຈັດຂຶ້ນ ໃນວັນທີ 29 ພຶດສະພາ 2013 ທີ່ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ໂດຍແມ່ນ ສຈ.ດຣ ບໍ່  ແສງຄຳ ວົງດາລາ ລັດຖະ ມົນຕີວ່າການ ກະຊວງຖະແຫລງຂ່າວ ວັດທະ ນະທຳ ແລະ ທ່ອງທ່ຽວຕາງໜ້າ ໃຫ້ ລັດຖະບານ ແຫ່ງ ສປປ. ລາວ ເປັນຜູ້ປະດັບໃຫ້ແກ່ ທ່ານ ອີຈີກາ ວະ ຮິໂຕຊິ ຫົວ ໜ້າອົງການດັ່ງ ກ່າວປະຈຳໂຕກຽວ, ໂອກາດນີ້ ຍັງໄດ້ມອບໃບຍ້ອງຍໍລັດຖະ ບານໃຫ້ ທ່ານນາງ ອີໂຕ ໂຕກິ ໂກະ ຜູ້ອຳນວຍການອົງການພັດ ທະນາ ເດັກ ນ້ອຍລາວ- ຍີ່ປຸ່ນ.                 

            ອົງການພັດທະນາ ເດັກ ນ້ອຍລາວ-ຍີ່ປຸ່ນ ເປັນອົງການ ອາສາສະໝັກທີ່ ຊ່ວຍເຫລືອດ້ານ ການພັດທະນາ ແລະ ສົ່ງ ເສີມການອ່ານສຳລັບເດັກນ້ອຍ ລາວ ເລີ່ມມາແຕ່ປີ 1992 ເຊິ່ງໄລຍະທຳ ອິດແມ່ນ ຊ່ວຍເຫລືອໃນດ້ານສົ່ງ ເສີມການອ່ານ, ພັດ ທະນາປຶ້ມ ອ່ານສຳລັບເດັກນ້ອຍທ້ອງຖິ່ນ ໂດຍກວມເອົາ 9 ແຂວງ. ແຕ່ຍ້ອນ ເຫັນວ່າ ຢູ່ທ້ອງຖິ່ນຂອງ ສປປ. ລາວ ຍັງບໍ່ມີຫໍ ສະໝຸດ ສະນັ້ນ ຮອດປີ 1996 ເຊິ່ງມີໂຄງການ ຊວຍເຫລືອກໍ່ສ້າງຫໍສະໝຸດຢູ່ ທ້ອງຖິ່ນໂດຍສົມທົບກັບທຶນລັດຖະບານ. ມາຮອດປະຈຸບັນອົງ ການໄດ້ປຸກລະດົມຂົນຂວາຍເອົາທຶນຊ່ວຍເຫລືອຈາກ

ປະຊາຊົນ ຍີ່ປຸນມາຊ່ວຍສົມທົບ ທຶນກໍ່ ສ້າງ ແລະ ພັດທະນາຫໍສະໝຸດຢູ່ທ້ອງ ຖິ່ນຈຳນວນ 6 ແຫ່ງເຊັ່ນ: ຫໍສະ ໜຸດນະ ຄອນຫລວງ, ແຂວງວຽງ ຈັນ, ໄຊຍະບູລີ, ອຸດົມໄຊ, ຫົວພັນ ແລະ ສະຫວັນນະເຂດ ລວມມູນ ຄ່າທັງໝົດ 7.336  ລ້ານກີບ. ດັ່ງ ນັ້ນ ລັດຖະບານຈຶ່ງໄດ້ມອບຫລຽນກາມິດຕະ ພາບໃຫ້ແກ່ອົງການດັ່ງກ່າວ ເພື່ອຈາລຶກຄຸນງາມຄວາມດີ ແລະ ຜົນງານອັນດີເດັ່ນ ດັ່ງກ່າວ.