ພັນລະຍາການນຳລົງຢ້ຽມຢາມ ແລະ ມອບຂອງຂວັນໃຫ້ໂຮງຫມໍເສດຖາທິຣາດ ແລະ ໂຮງຫມໍແມ່ ແລະ ເດັກ

      ຄະນະກຳມາທິການເພື່ອແມ່ ແລະ ເດັກແຫ່ງຊາດ ໄດ້ຈັດກິດຈະກຳໃຫ້ ແກ່ ພັນລະຍາການນຳພັກ-ລັດ ເຄື່ອນ ໄຫວຢ້ຽມ ຢາມ ແລະ ມອບຂອງຂວັນ ໃຫ້ແກ່ ບັນດາໂຮງໝໍ,ສູນການແພດ ແລະ ຟື້ນຟູໜ້າທີ່ການ, ສູນປິ່ນປົວ ແລະ ເຝິກວິຊາຊີບ ຜູ້ຕິດຢາເສບຕິດສົມສະຫງ່າ, ໜ່ວຍງານຄົນພິການທາງ ສະໝອງ ແລະ ສະຖານທີ່ ອື່ນໆຈຳນວນໜຶ່ງພາຍໃນນະຄອນຫລວງວຽງຈັນ.        

           ສະເພາະໃນວັນທີ 29 ພຶດສະພານີ້, ຄະນະກຳມາທິການເພື່ອແມ່ ແລະ ເດັກແຫ່ງຊາດ ພ້ອມດ້ວຍພັນລະຍາການນຳ ເຊິ່ງ ນຳໂດຍທ່ານ ນາງ ນາລີ ສີສຸລິດ ພັນລະຍາຂອງ ທ່ານ ດຣ. ທອງ ລຸນ ສີສຸລິດ ກຳມະການກົມການ ເມືອງ ສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ພ້ອມຄະ ນະໄດ້ໄປຢ້ຽມຢາມ ແລະ ມອບຂອງ ຂວັນ ໃຫ້ແກ່ໂຮງໝໍ ເຊດຖະທິຣາດເຊິ່ງປະກອບມີຕູ້ນ້ຳຮ້ອນ-ນ້ຳເຢັນ, ຜ້າຫົ່ມ, ໂມງ, ກາເຟ ແລະ ໝີ່ ໂດຍໄດ້ຮັບການຕ້ອນຮັບ ຂອງທ່ານ ຮສຈ. ດຣ. ຄຳເປ ພົງສະຫວັດ ອຳນວຍການໂຮງໝໍເຊດຖາທິຣາດ ພ້ອມດ້ວຍບັນດາພະນັກງານແພດໝໍເຂົ້າຮ່ວມ. ໃນໂອກາດນີ້, ທ່ານ ອຳນວຍການໂຮງໝໍເຊດຖາທິຣາດ ກໍໄດ້ລາຍ ງານໃຫ້ ຊາ ເຖິງປະຫວັດຄວາມເປັນມາຂອງການສ້າງຕັ້ງ ແລະ ເຕີບໃຫຍ່ຂະຫຍາຍຕົວຂອງໂຮງໝໍແຫ່ງດັ່ງກ່າວ.       

    

          ໃນຕອນບ່າຍວັນດຽວກັນ ທ່ານ ນາງ ຄຳຫລອດ ບຸດຕະນະວົງ ພັນລະຍາຂອງ ທ່ານ ບຸນ ປອນ ບຸດຕະນະວົງ ກຳມະ ການກົມການເມືອງສູນກາງພັກ, ເລ ຂາທິການສູນກາງພັກ, ຫົວໜ້າ ຫ້ອງວ່າການສູນກາງພັກ ພ້ອມ ດ້ວຍ ຄະນະກໍໄດ້ຢ້ຽມ ຢາມ ແລະ ມອບຂອງຂວັນໃຫ້ແກ່ໂຮງໝໍແມ່ ແລະ ເດັກແດງ ໂດຍໄດ້ຮັບການຕ້ອນຮັບຂອງ ທ່ານ ຮສຈ.ດຣ. ບົວວັນ ແສນ ສະຖິດ, ຜູ້ອຳນວຍການໂຮງໝໍແມ່ ແລະ ເດັກແດງ, ມີບັນດາພະນັກງານແພດໝໍພາຍໃນໂຮງໝໍເຂົ້າຮ່ວມ ເຊັ່ນດຽວກັນ.         

          ການເຄ່ືອນໄຫວດັ່ງກ່າວ ຂອງຄະນະກຳມາທິການເພື່ອແມ່ ແລະ ເດັກ ແຫ່ງຊາດ ເພື່ອປຸກລະ ດົມໃຫ້ ສັງຄົມກໍ ຄືບັນ ດາບໍລິສັດ, ຫ້າງຮ້ານ ແລະ ພາກສ່ວນຕ່າງໆທັງພາຍໃນ ແລະ ຕ່າງປະເທດຕັ້ງໜ້າປະກອບສ່ວນທຶນຮອນ ເຂົ້າໃນການສະ ເຫລີມສະຫລອງວັນເດັກສາກົນໃຫ້ມີຄວາມໝາຍ ແລະ ຄວາມສຳຄັນຍິ່ງຂຶ້ນ.