ກອງປະຊຸມຄົບຄະນະບໍລິຫານງານສູນກາງພັກປະຊາຊົນປະຕິວັດລາວອັດດ້ວຍຜົນສຳເລັດອັນຈົບງາມ

         ຄະນະບໍລິຫານງານສູນກາງພັກປະຊາຊົນປະຕິວັດລາວ, ໄດ້ດຳເນີນກອງປະ ຊຸມຄົບ ຄະນະຄັ້ງທີ 6 ສະໄໝທີ IX ຂຶ້ນແຕ່ວັນທີ 6 -16 ພຶດສະພາ 2013 ທີ່ຫ້ອງ ວ່າການສູນກາງພັກ, ພາຍໃຕ້ການເປັນປະທານຂອງ ສະຫາຍ ຈູມ ມາ ລີ ໄຊຍະ ສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ , ໄດ້ສຳເລັດລົງຢ່າງຈົບງາມ ຊຶ່ງກອງປະຊຸມໄດ້ປຶກສາຫາລື, ລົງເລິກຕີລາຄາຢ່າງ ເລິກເຊິງ ແລະ ຮອບດ້ານກ່ຽວກັບການຈັດຕັ້ງປະຕິບັດ ມະຕິກອງ ປະຊຸມໃຫຍ່ຄັ້ງທີ IX ຂອງພັກໃນກາງສະໄໝພ້ອມທັງ ສຳຫລວດກວດກາຄືນການຈັດຕັ້ງປະຕິບັດວຽກງານຮອບດ້ານ ໃນ 1 ປີຜ່ານມາ ແລະ ກຳນົດທິດທາງວຽກງານຕໍ່ໜ້າ. ພ້ອມກັນນີ້, ຄະນະບໍລິຫານງານສູນກາງພັກປະຊາຊົນປະຕິວັດ ລາວ ໄດ້ດຳເນີນຊີວິດພາຍໃນເພື່ອເປັນການສຳຫລວດກວດກ າການຊີ້ນຳ-ນຳພາລວມຂອງຄະນະບໍລິຫານງານສູນກາງພັກກໍຄືຂອງແຕ່ລະສະຫາຍກຳມະການສູນກາງພັກໃນໄລຍະທີ່ຜ່ານມາ.

      ກອງປະຊຸມດັ່ງກ່າວໄດ້ຕີລາ ຄາ ແລະ ໃຫ້ທັດສະນະວ່າ: ສະພາບການສາກົນ ແລະ ພາກພື້ນຍັງສືບຕໍ່ມີການຫັນ ປ່ຽນຢ່າງສະຫລັບຊັບຊ້ອນຊຶ່ງມີທັງກາລະໂອກາດທີ່ເອື້ອອຳນວຍ ແລະ ສິ່ງທົດສອບທ້າທາຍ, ຢູ່ປະເທດຂອງພວກເຮົາ ກໍຍັງມີຂໍ້ຫຍຸ້ງຍາກບໍ່ ໜ້ອຍ ແຕ່ຍ້ອນແນວທາງນະໂຍ ບາຍອັນຖືກຕ້ອງສອດຄ່ອງ ແລະ ພາຍໃຕ້ການນຳພາຂອງພັກ ແລະ ລັດ, ດ້ວຍຄວາມສູ້ຊົນບຸກບືນ, ການເຊີດຊູຄວາມສາມັກຄີເປັນປຶກແຜ່ນຂອງທົ່ວປວງຊົນລາວທັງຊາດ ກໍຄືການ

ສະໜັບສະໜູນຂອງບັນດາປະເທດເພື່ອນມິດ ແລະ ສາກົນນັ້ນ, ສປປ ລາວ ແມ່ນສືບຕໍ່ຮັກສາໄດ້ສະຖຽນລະພາບທາງ ດ້ານການເມືອງໜັກແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດ ມີຄວາມໝັ້ນທ່ຽງ ແລະ ຂະຫຍາຍ ຕົວດ້ວຍຈັ່ງຫວະໄວໃນລະດັບ ສະເລ່ຍ 8,2 %ຕໍ່ປີ,ລາຍໄດ້ສະ ເລ່ຍຕໍ່ຫົວຄົນ ເພີ່ມຂຶ້ນຈາກ 1.217 ໂດລາສະຫະລັດ ໃນສົກປີ 2010 - 2012 ມາເປັນ1.349 ໂດລາສະຫະ ລັດ ໃນສົກປີ 2011-2012 ແລະ ຄາດວ່າຈະບັນລຸ 1.500 ໂດລາສະ ຫະລັດ ໃນສົກປີ 2012-2013, ຊີ ວິດການເປັນຢູ່ຂອງປະຊາຊົນບັນ ດາເຜົ່າໄດ້ຮັບການປັບປຸງດີຂຶ້ນ, ຫລາຍຂົງເຂດວຽກງານລ້ວນແຕ່ມີຫລາຍຂະບວນການທີ່ພົ້ນເດັ່ນ, ວຽກງານການຕ່າງ ປະເທດ ແລະ ການພົວພັນຮ່ວມມືເຊື່ອມໂຍງກັບສາກົນ ໄດ້ສືບຕໍ່ມີການຂະຫຍາຍ ຕົວອັນໄດ້ເຮັດໃຫ້ບົດບາດ ແລະ ອິດທິພົນຂອງ ສປປ ລາວ ຕໍ່ພາກພື້ນ ແລະ ສາກົນສູງເດັ່ນຂຶ້ນ.ໄປຄຽງຄູ່ກັນນັ້ນ, ກອງປະຊຸມຍັງໄດ້ປຶກສາຫາລື ແລະ ລົງເລິກກ່ຽວກັບ ບັນດາຈຸດອ່ອນ, ຂໍ້ຄົງຄ້າງຈຳນວນໜຶ່ງທີ່ຕ້ອງໄດ້ສືບຕໍ່ປັບປຸງ ແລະ ມີວິທີການແກ້ໄຂໃນຕໍ່ ໜ້າເປັນ ຕົ້ນ:ບັນຫາຍູ້ແຮງການຜະລິດທີ່ຕິດພັນກັບການແກ້ໄຂຄວາມທຸກຍາກ, ຄວາມສັກສິດໃນການຄຸ້ມຄອງລັດຄຸ້ມຄອງ ເສດ ຖະກິດ-ສັງຄົມ, ບັນຫາກົນໄກ, ລະບອບລະບຽບການ, ການແກ້ໄຂບັນດາປະກົດການຫຍໍ້ທໍ້ຕ່າງໆ ແລະ ບັນຫາ ອື່ນໆ.

      ບົນຈິດໃຈດັ່ງກ່າວ, ກອງປະຊຸມ ໄດ້ໃຫ້ທິດຊີ້ນຳສຳລັບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IX ຂອງ ພັກ ແລະ ແຜນພັດທະນາເສດຖະກິດ - ສັງຄົມແຫ່ງລັດ 5 ປີ ຄັ້ງທີ 7 ໃນທ້າຍ ສະໄໝໃຫ້ມີຜົນສຳເລັດເປັນຕົ້ນ: ແມ່ນ ສືບຕໍ່ຍູ້ແຮງການເຕີບໂຕທາງດ້ານເສດຖະກິດໃຫ້ຂະຫຍາຍຕົວໃນຈັງຫວະໄວ, ຕໍ່ເນື່ອງ ແລະ ໝັ້ນທ່ຽງໄປຕາມທິດພັດ ທະນາແບບຍືນຍົງ, ຕິດພັນກັບການປະຕິບັດເປົ້າໝາຍສະຫັດສະວັດດ້ານການພັດທະນາ, ສືບຕໍ່ບຸກທະ ລຸເຂົ້າໃສ່ການ ຜະລິດເປັນສິນຄ້າ, ແກ້ໄຂຄວາມທຸກຍາກຂອງປະຊາ ຊົນ ຕິດພັນກັບການຈັດຕັ້ງປະຕິ ບັດວຽກງານ 3 ສ້າງ, ພ້ອມກັນ ນັ້ນ ກໍຕ້ອງແກ້ໄຂໜໍ່ແໜງທີ່ຈະ ພາໃຫ້ເກີດຄວາມບໍ່ມີສະຖຽນລະ ພາບທາງດ້ານເສດຖະກິດມະຫາ ພາກ ແລະ ການ ແກ້ໄຂປາກົດການຫຍໍ້ທໍ້ໃນສັງຄົມ ກໍຄືໃນກົງ ຈັກແຕ່ລະຂັ້ນດ້ວຍຈິດໃຈສືບຕໍ່ ບຸກທະລຸທັງ 4 ດ້ານໃຫ້ເຂັ້ມແຂງ ແລະ ເປັນຮູບປະທຳ, ເຂັ້ມງວດໃນການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ, ເສີມຂະຫຍາຍມູນເຊື້ອສາມັກຄີເປັນ ປຶກແຜ່ນຂອງທົ່ວປວງຊົນລາວທັງຊາດ ແລະ ອື່ນໆ.