ປີນີ້ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ ເປັນເຈົ້າພາບຈັດກິດຈະກຳສະເຫລີມສະຫລອງວັນເດັກສາກົນ

         ເນື່ອງໃນໂອກາດ ສະເຫລີມ ສະຫລອງວັນເດັກສາກົນ ໃນປີ 2013 ນີ້, ຄະ ນະກຳມາທິການເພື່ອ ແມ່ ແລະ ເດັກແຫ່ງ ຊາດກໍຄື ຄະ ນະກຳມະການເພື່ອແມ່ ແລະ ເດັກ ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ (ຖວທ) ໄດ້ມີ ການກະກຽມ ແລະ ຈັດກິດ ຈະກຳການເຄື່ອນໄຫວຕ່າງໆ ໂດຍສະເພາະແມ່ນກຽມ ຄວາມ ພ້ອມໃນການສະເຫລີມສະຫລອງ ໃຫຍ່ ໃນວັນທີ 1 ມິຖຸນາ 2013 ທີ່ຫໍວັດ ທະນະທຳແຫ່ງຊາດ.

        ໃນວັນທີ 30 ພຶດສະພາ 2013 ນີ້, ທ່ານ ສະຫວັນຄອນ ຣາຊມຸນ ຕຣີ ລັດຖະມົນຕີຊ່ວຍວ່າການກະ ຊວງຖະແຫລງ ຂ່າວ, ວັດທະນະ ທຳ ແລະ ທ່ອງທ່ຽວ, ປະທານຄະ ນະກຳມະການເພື່ອແມ່ ແລະ ເດັກ ກະຊວງຖະແຫລຂ່າວ, ວັດທະນະ ທຳ ແລະ ທ່ອງທ່ຽວ ໄດ້ໃຫ້ສຳ ພາດຕໍ່ນັກຂ່າວ ຂ່າວສານປະເທດ ລາວກ່ຽວ ກັບການ ກະກຽມ ແລະ ດຳເນີນການສະເຫລີມ ສະຫລອງ ວັນເດັກສາກົນ ປີ 2013 ເຊິ່ງທ່ານ ໄດ້ໃຫ້ຮູ້ວ່າ: ໂດຍໄດ້ຮັບການ ມອບໝາຍ ຈາກຄະນະກຳມາທິ ການ ເພື່ອແມ່ ແລະ ເດັກແຫ່ງ ຊາດ ໃຫ້ຄະນະກຳມະການເພື່ອ ແມ ່ແລະ ເດັກກະຊວງ ຖວທ ເປັນ ຜູ້ຈັດຕັ້ງປະຕິບັດກິດຈະກຳ ຕ່າງໆ ໃນການສະເຫລີມສະ ຫລອງວັນ ເດັກສາກົນ ໂດຍໄດ້ ມີການກະກຽມການສະ ແດງຂອງ ເດັກ, ເຍົາວະຊົນ, ມີການຊ້ອມສິ ລະປະການສະແດງ ຫລາຍລາຍ ການເພື່ອກຽມພ້ອມທີ່ຈະສະແດງ ໃນ ວັນທີ 1 ມິຖຸນານີ້ ເຊິ່ງພາຍ ໃນງານນອກຈາກຈະມີ ການສະແດງສິລະປະວັນນະຄະດີແລ້ວ ຍັງມີກິດຈະກຳການວາງສະແດງຜົນ ງານການເຄື່ອນໄຫວ ກ່ຽວກັບເດັກ, ການສະແດງ ລະຄອນ, ຖາມ-ຕອບກ່ຽວກັບສິດທິ ເດັກ, ກວດສຸຂະພາບ, ແຕ້ມຮູບ ລະບາຍສີ, ການເລົ່ານິທານ ແລະ ກິດຈະກຳອື່ນໆ.

       ທ່ານ ສະຫວັນຄອນ ຣາຊມຸນ ຕຣີ ຍັງໃຫ້ຮູ້ອີກວ່າ: ເລີ່ມແຕ່ວັນ ທີ 28 ພຶດສະພາ 2013 ມາຮອດ ປັດຈຸບັນ, ຄະນະກຳ ມາທິການ ເພື່ອແມ່ ແລະ ເດັກແຫ່ງຊາດ ໄດ້ ຈັດກິດຈະກຳ ໃຫ້ບັນດາພັນລະ ຍາການນຳເຄື່ອນໄຫວຢ້ຽມຢາມ ແລະ ມອບ ຂອງຂວັນ ໃຫ້ແກ່ບັນ ດາໂຮງໝໍ, ສູນການແພດຟື້ນຟູ ໜ້າທີ່ການ, ໜ່ວຍງານຄົນພິການ ທາງສະໝອງ ແລະ ສະຖານທີ່ ອື່ນໆ ຈຳນວນໜຶ່ງ ພາຍໃນນະ ຄອນຫລວງວຽງຈັນ. ພ້ອມກັນນີ້, ທ່ານ ອາຊາງ ລາວລີ ຮອງນາ ຍົກລັດຖະມົນຕີ,ຜູ້ຊີ້ນຳວຽກງານ ວັດທະນະທຳ- ສັງຄົມ ກໍໄດ້ເຄືອນ ໄຫວຢ້ຽມຢາມ, ພົບປະໂອ້ລົມການນຳ ແລະ ມອບເຄື່ອງຊ່ວຍເຫລືອຈຳນວນໜຶ່ງໃຫ້ ສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດບ້ານສົມສະຫງ່າ ເມືອງໄຊເສດຖາ ນະຄອນຫລວງວຽງຈັນ.