ທະນາຄານໂລກໃຫ້ການຊ່ວຍເຫລືອລາວ 6,5 ລ້ານໂດລາສະຫະລັດເພື່ອປັບປຸງວຽກງານພາສີ ແລະ ການຄ້າ

        ທະນາຄານໂລກ (WB) ໄດ້ ສືບຕໍ່ໃຫ້ການຊ່ວຍເຫລືອລ້າ ສ ປປ ລາວ ຕື່ມອີກ 6,5 ລ້ານໂດລາ ສະຫະລັດ ເພື່ອປັບປຸງ ປະສິດທິ ພາບ ແລະ ການອຳ ນວຍຄວາມ ສະດວກຂອງວຽກງານພາສີ ແລະ ການ ຄ້າຢູ່ລາວໂດຍພິທີລົງ ນາມ ໃນສັນຍາຊ່ວຍເຫລືອຄັ້ງ ນີ້ມີຂຶ້ນໃນວັນທີ 14 ມີຖຸນານີ້ ຢູ່ກະຊວງການເງິນນະ ຄອນຫລວງວຽງຈັນລະຫວ່າງ ທ່ານ ສັນຕິພາບ ພົມວິຫານ ລັດຖະມົນຕີຊ່ວຍວ່າ ການກະຊວງການເງິນ ແລະ ທ່ານນາງ ເຄໂກະ ມິວະ ຜູ້ຕາງໜ້າຫ້ອງການທະນາ ຄານໂລກປະຈຳລາວ.

       ຜູ້ຕາງໜ້າຫ້ອງການທະນາຄານໂລກປະຈຳລາວ  ກ່າວວ່າ:ຈຸດປະສົງຂອງການອຳນວຍຄວາມສະ ດວກໃນວຽກງານພາສີ ແລະ ການຄ້າແມ່ນສະໜອງການຊ່ວຍເຫລືອໃຫ້ແກ່ບັນດາໜ້າວຽກສຳຄັນທີ່ໄດ້ ອອກແບບມາເພື່ອຮັບປະກັນການຈັດຕັ້ ງປະຕິບັດກົດໝາຍພາສີສະບັບປັບປຸງໃໝ່ໃຫ້ໄດ້ຮັບໝາກຜົນທັງ ຜັນຂະຫຍາຍສ້າງເປັນລະບຽບການ ແລະ ຫັນເປັນລະບົບ

ພາສີທີ່ທັນສະໄໝອຳນວຍໃຫ້ແກ່ພາກທຸລະ ກິດ. ນອກນັ້ນຍັງຈະໄດ້ສະໜັບສະໜູນການສ້າງຂໍ້ກຳນົດກົດລະບຽບ ແລະ ລະບຽບການໃໝ່ເພື່ອໃຫ້ ສອດຄ່ອງກັບມາດຕະຖານສາກົນ ແລະ ນຳໃຊ້ແບບແຜນວິທີເຮັດວຽກທີ່ມີຄຸນນະພາບ. ສະໜັບສະໜູນ ການຂະຫຍາຍຕິດຕັ້ງລະບົບການແຈ້ງພາສີທີ່ທັນ ສະໄໝແບບອັດຕະໂນມັດ ອາຊີກູດາ ຢູ່ດ່ານພາສີຂະ ໜາດນ້ອຍ ທີ່ຍັງເຫລືອໃນຂອບເຂດທົ່ວປະ ເທດ.ຄຽງຄູ່ກັນນັ້ນ ຕ້ອງສ້າງຄວາມເຂັ້ມແຂງໃຫ້ແກ່ກົມພ ສີ ລາວໃຫ້ມີ ຄວາມສາມາດໃນການ ບູລະນະ ແລະ ບຳລຸງຮັກສາບັນ ດາພື້ນຖານໂຄງລ່າງ ແລະ ລະບົບ ເຕັກໂນໂລຊີຂໍ້ມູນ ແລະ ການສື່ສານຕ່າງໆໃຫ້ມີປະສິດທິຜົນກວ່າເກົ່າ.

        ລັດຖະມົນຕີຊ່ວຍວ່າ ການກະຊວງການເງິນກ່າວວ່າ: ການຊ່ວຍສະໜອງທຶນຂອງທະນາຄານໂລກ ເທື່ອນີ້ແມ່ນການປະ ກອບສ່ວນທີ່ສຳຄັນໃນການ ປັບປຸງປະສິດທິພາບຂອງຂັ້ນຕອນວຽກງານພາສີຂອງ ລາວ, ພ້ອມນີ້ຍັງຈະຊ່ວຍສະໜັບສະໜູນ ບັນດາເປົ້າໝາຍຂອງລັດຖະບານ ໃນການບັນລຸລະດັບການຂະ ຫຍາຍຕົວຂອງເສດຖະກິດ ແລະ ຊ່ວຍຫລຸດຜ່ອນຄວາມທຸກ ຍາກຂອງປະຊາຊົນ, ຊ່ວຍປັບປຸງ ຄວາມ ປອດໃສ ແລະ ຍົກສູງ ຄວາມຮັບຜິດຊອບ ເຊິ່ງການປັບ ປຸງວຽກງານພາສີ-ການຄ້າ ແມ່ນ ມີຄວາມສຳຄັນ ຫລາຍສຳລັບ ລາວ ໃນການເຊື່ອມຕໍ່ກັບຕະ ຫລາດພາກພື້ນ ແລະຕະຫລາດ ໂລກໄດ້ຢ່າງເຕັມຮູບແບບ ແລະ ເຊື່ອແນ່ວ່າການຊ່ວຍເຫລືອຄັ້ງນີ້ ຈະຊ່ວຍພາສີລາວມີບົດບາດສຳ ຄັນໃນການປະຕິບັດບັນດາແຜນ ງານຂອງລັດຖະບານ ເພື່ອອຳ ນວຍຄວາມສະດວກດ້ານການ ຄ້າທັງເພ່ີມທະວີຄວາມສາມາດແຂ່ງຂັນ ກັບສາກົນ.