ລັດຖະມົນຕີວ່າການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຕ້ອນຮັບປະທານກຸ່ມ ບໍລິສັດ ຊີເອ ເອັມຈີ

          ໃນວັນທີ 13 ມິຖຸນາ 2013 ນີ້ ຢູ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທ່ານ ສຈ.ດຣ. ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ ໄດ້ຕ້ອນຮັບການ ເຂົ້າຢ້ຽມຂ່ຳຂອງທ່ານ ທອມ ມີ ຈຽງ (Tommy Jiang) ປະທານກຸ່ມບໍລິສັດ CAMG ທີ່ຮັບຜິດຊອບທຸລະກິດ ຂອງວິທະຍຸສາກົນ​ແຫ່ງ​ປະ​ເທດ​ຈີນ (CRI) ຢູ່ຕ່າງປະເທດພ້ອມດ້ວຍຄະນະໃນໂອ ກາດທີ່ເດີ່ນທາງມາຢ້ຽມຢາມ ແລະ ເຮັດວຽກຢູ່ ສ ປປ ລາວ ແຕ່ວັນທີ 1214 ມິຖຸນານີ້, ເພື່ອສົ່ງເສີມ ຄວາມໃຈລະຫວ່າງສື່ມວນຊົນທັງສອງປະເທດໂດຍສະເພາະວິທະຍຸສາກົນ ກັບສື່ມວນຊົນລາວ ແລະ ຊອກຫາໂອກາດການຮ່ວມ ມືໃນການດຳເນີນທຸລະກິດດ້ານສື່ມວນຊົນ.

       ໂອກາດນີ້, ທ່ານລັດຖະມົນຕີວ່າການກະຊວງຖະແຫລ່ງຂ່າວ,ວັດທະນາທຳ ແລະ ທ່ອງທ່ຽວ ໄດ້ສະແດງຄວາມຍິນດີຕ້ອນຮັບ ພ້ອມທັງຊົມເຊີຍຕໍ່ທ່ານປະທານກຸ່ມບໍລິສັດ CAMG ທີ່ຮັບຜິດຊອບທຸລະກິດຂອງ CRI ຢູ່ຕ່າງປະເທດ ແລະ ຄະນະ ຊຶ່ງ​ໃນ​ໄລຍະຜ່ານມາ CRI ໄດ້ ໃຫ້ການປະກອບສ່ວນຊ່ວຍເຫລືອແກ່ ສປປ ລາວໂດຍ ສະເພາະແມ່ນໄດ້ປະກອບສ່ວນຊ່ວຍ ເຫລືອໃນ ດ້ານການໂຄສະນາ ຜ່ານສື່ອັນໄດ້ເຮັດໃຫ້ປະຊາຊົນຈີນ ແລະ ໃນ ໂລກໄດ້ຮັບຮູ້ເຂົ້າໃຈຢ່າງເລິກເຊິ່ງກ່ຽວກັບປະຊາຊົນລາວ ຫລາຍຂຶ້ນກວ່າເກົ່າ.