ຈະແກ້ໄຂສະພາບລົດແອອັດໃນຕົວເມືອງແນວໃດ ?

       ປັດຈຸບັນ ຢູ່ນະຄອນຫລວງ ວຽງຈັນມີພົນລະເມືອງປະມານ 8 ແສນກວ່າຄົນ ແລະ ມີພາຫະນະ ຫລາຍກວ່າ 6 ແສນຄັນ.ຈາກບັນ ຫາດັ່ງກ່າວຈຶ່ງເຮັດໃຫ້ເກີດມີສະ ພາບຄວາມ ແອອັດຂອງພາຫະ ນະ ນັບມື້ເພີ່ມ ຂຶ້ນ ແລະ ຫາວິທີ ແກ້ໄຂ ຍາກສົມຄວນ.

         ບັນຫາລົດຕິດແມ່ນບັນຫາ ໜຶ່ງທີ່ສ້າງຄວາມສັບສົນໃຫ້ສັງ ຄົມ ແລະ ເປັນບັນທີ່ແກ້ໄຂຍາກ, ຖ້າບໍ່ ຮີບຮ້ອນແກ້ໄຂ ແບບເດັດ ຂາດແຕ່ຫົວທີສະພາບຫຍໍ້ທໍ້ນີ້ ກໍຍິ່ງເພີ່ມທະວີຄວາມສັບສົນຫລາຍ ຂຶ້ນໃນທີ່ສຸດ ຄວາມບໍ່ເປັນລະບຽບ ຮຽບຮ້ອຍ ຂອງສັງຄົມກໍເກີດຂຶ້ນໂດຍສະເພາະແມ່ນບັນຫາອຸປະຕິເຫດ ແລະ ສິ່ງຫຍໍ້ ທໍ້ອື່ນໆ.

         ອີງຕາມໂຕເລກຈາກກອງ ຄຸ້ມຄອງພາຫະນະ ແລະ ການຂັບ ຂີ່ນະຄອນຫລວງວຽງຈັນ ໃຫ້ຮູ້ ວ່າ: ສະເພາະເດືອນພຶດ ສະພາ 2013 ມີລົດໃໝ່ມາຂຶ້ນທະບຽນ ຈຳນວນ 5.697 ຄັນ ໃນນີ້ ລົດຈັກ 3 ພັນກວ່າ ຄັນ, ເປັນໂຕເລກສະຖິຕິສູງສຸດຂອງ ລົດໃໝ່ທີ່ມາຂຶ້ນທະ ບຽນນັບແຕ່ໃດມາ ແລະ ໂຕເລກ ຂອງ ພາຫະນະ ຢູ່ນະຄອນຫລວງ ໃນປັດຈຸບັນມີປະມານ 6 ແສນ ກວ່າຄັນ (ສະເພາະລົດທີ່ຂຶ້ນທະບຽນ).

       ທີ່ຜ່ານມາໄດ້ມີຫລາຍຄຳຄິດ ເຫັນຂອງປະຊາຊົນ ກໍຄືສັງຄົມທີ່ ສະແດງອອກຜ່ານສື່ສານມວນຊົນ ກ່ຽວກັບການແກ້ໄຂບັນຫາລົດຕິດໃນຕົວ ເມືອງ ມີທັງສະເໜີ ໃຫ້ມີການຂະຫຍາຍເສັ້ນທາງໃຫ້ ຫລາຍກວ່າເກົ່າ, ການຍົກຍ້າຍສຳນັກງານອົງການ ຂອງລັດຈຳ ນວນໜຶ່ງອອກສູ່ຊານເມືອງ ລວມ ໄປເຖິງການຈຳກັດໂກຕາລົດ ແລະ ບັນດາຮ້ານຂາຍລົດທີ່ປົ່ງຂຶ້ນຫລາຍ ແລະ ຜ່ານມາພາກ ສ່ວນກ່ຽວຂ້ອງກໍໄດ້ນຳໃຊ້ຫລາຍວິທີເພື່ອ ໃຫ້ບັນ ຫາດັ່ງກ່າວຫລຸດ ຜ່ອນລົງເຊັ່ນ: ການກຳນົດໃຫ້ລົດບັນທຸກ ໜັກບໍ່ແລ່ນເຂົ້າເສັ້ນທາງ ຕົວເມືອງໃນໂມງເຂົ້າການ-ເລີກການ, ແຕ່ກໍບໍ່ມີທ່າທີຫລຸດລົງໄດ້. ສະນັ້ນ ບນຫາລົດຕິດອັ່ງອໍນີ້ ມັນ ກາຍເປັນບັນຫາລະດັບເຄັ່ງຮ້ອນແລ້ວ ແລະ ຖ້າປ່ອຍໃຫ້ແຕ່ພາກສ່ວນກ່ຽວຂ້ອງຮັບຜິດຊອບພຽງຝ່າຍດຽວຄື ຊິແກ້ໄຂໄດ້ຍາກ. ດັ່ງນັ້ນ, ທຸກພາກສ່ວນໃນສັງຄົມຕ້ອງໄດ້ມີສ່ວນຮ່ວມນຳກັນ.