ເຂົ້າໃຈພະນັກງານໃຫ້ຖືກຕ້ອງວຽກງານຈຶ່ງຈະມີຄວາມສຳເລັດ ( ຄໍລຳ ແລກປ່ຽນຄຳເຫັນ )

ໂດຍ : ຄຳກອງ ທຳມະເທວາ

           ພະນັກງານແມ່ນຜູ້ນຳເອົາ ແນວທາງນະໂຍບາຍຂອງພັກ- ລັດຖະບານ ໄປຊີ້ແຈງອະທິບາຍໃຫ້ປະຊາຊົນໄດ້ຮັບຮູ້ເຂົ້າ ໃຈ ແລະ ເປັນເຈົ້າການຈັດຕັ້ງປະຕິບັດພ້ອມກັນນັ້ນ ຍັງເປັນຜູ້ນຳເອົາສະພາບແນວຄິດຈິດໃຈ ແລະ ຄວາມມຸ້ງມາດປາດຖະ ໜາຂອງປະຊາຊົນມາສ່ອງແສງໃຫ້ພັກ ແລະ ລັດຖະບານຮັບຮູ້ ແລະ ເຂົ້າໃຈເພື່ອເຮັດໃຫ້ການຄົ້ນຄວ້າວາງແຜນນະໂຍບາຍ ອອກແຕ່ລະໄລຍະໃຫ້ຖືກຕ້ອງກັບສະພາບຄວາມເປັນຈິງ ແລະ ຄວາມຢາກ ໄດ້ຂອງປະຊາຊົນສະນັ້ນຈິ່ງເຂົ້າໃຈວ່າພະນັກງ ານເປັນຫບັນຫາກົກຂອງທຸກວຽກງານ, ວຽກງານຈະປະສົບຄວາມສຳເລັດ ຫລື ປະລາໄຊ ກໍມາຈາກພະນັກງານດີ ຫລື ອ່ອນ ເປັນຜູ້ຕັດສີນ.

           ການເຂົ້າໃຈພະນັກງານໃຫ້ຖືກຕ້ອງແມ່ນສິ່ງທີ່ຈຳເປັນຂອງຜູ້ບັນຊາ, ຫົວໜ້າຕ້ອງໄດ້ເຮັດຢ່າງພາວະວິໄສຖ້າຢາກ ໃຫ້  ວຽກງານມີຜົນສຳເລັດສູງແຕ່ການທີ່ຈະເຂົ້າໃຈຜູ້ອື່ນ (ພະນັກງານ) ມັນບໍ່ແມ່ນເລື່ອງທີ່ງ່າຍດາຍປານໃດ ເພາະວ່າເຮົາ ເຂົ້າໃຈ ໂຕເອງກໍຍັງຍາກຢູ່ແລ້ວຢາກ ຮູ້ສິ່ງທີ່ຖືກຜິດຢູ່ນຳຄົນອື່ນກໍຕ້ອງຮູ້ສິ່ງທີ່ຖືກຜິດຢູ່ນຳຕົວເອງເສຍກ່ອນ, ຄົນຜູ້ໜຶ່ງຖ້າບໍ່ ຮູ້ສິ່ງທີ່ຖືກຜິດຂອງຕົວເອງແລ້ວກໍບໍ່ສາມາດເຂົ້າໃຈຜູ້ອື່ນວ່າອັນໃດດີ, ໃນໄລຍະຜ່ານມາພວກເຮົາສູນເສຍພະນັກງານຍ້ອນ ການຈັດ ຕັ້ງ ຫລື ຜູ້ທີ່ມີໜ້າທີ່ສັງກັດຕີລາຄາພະນັກງານຍັງບໍ່ຖືກຕ້ອງ, ຍ້ອນຕິດພະຍາດອວດອົ່ງທະນົງຕົວ,

ມັກໃຫ້ຜູ້ອື່ນຈອບອອຍຕົນເອງມັກເຮັດນຳຄົນທີ່ຕົນເອງມັກ, ມີແນວຄິດອັດຕະວິໄສ ຄັບແຄບຂອງຕົນໄປວາງໃສ່ໝົດທຸກຄົນທີ່ມີລັກສະນະແຕກ ຕ່າງກັນໃນທີ່ສຸດກໍເຮັດໃຫ້ການເຂົ້າໃຈຕໍ່ຜູ້ອື່ນ(ພະນັກງານ) ບໍ່ຊັດເຈນ ແລະ ຂາດພາວະວິໄສ. ໃນຄວາມເປັນຈິງແລ້ວ, ການ ສ້າງຄວາມດີຄວາມຊອບເຮັດໄດ້ຍາກ ແລະ ຕ້ອງໄດ້ໃຊ້ເວລາ, ແຕ່ການເຮັດໃຫ້ສູນເສຍຄວາມດີຄວາມຊອບນັ້ນຊ້ຳພັດໄວທີ ສຸດ.ໃນພຶດຕິກຳຕົວຈິງຄົນເຮົາມັກຈະເຫັນຄວາມຜິດຂອງຄົນອື່ນໄດ້ໄວ ແລະ ງ່າຍກວ່າຄວາມຖືກຕ້ອງ (ຄວາມດີ) ເພາະ ວ່າຄວາມຜິດມັນນອນຢູ່ເບື້ອງນອກຈຶ່ງສັງເກດເຫັນໄດ້ງ່າຍ, ສ່ວນຄວາມຖືກຕ້ອງນັ້ນມັນຕອນຢູ່ເບື້ອງໃນ ແລະ ບໍ່ແມ່ນໝົດ ທຸກຄົນຈະເບິ່ງເຫັນໄດ້, ສະນັ້ນຢາກເຂົ້າໃຈຄົນອື່ນໄດ້ດີຕ້ອງມີທັດສະນະພາວະວິໄສ, ຕົວຈິງ ແລະ ຮອບດ້ານ ເພາະວ່າ ທຸກສິ່ງວັດຖຸ ແລະ ປະກົດການຕ່າງໆໃນໂລກນີ້ ມີການເຄື່ອນເໜັງ, ຄົງຕົວ ແລະ ຂະຫຍາຍຕົວຕາມກາລະ, ເທສະຂອງ ມັນ,ດັ່ງນັ້ນຖ້າການຈັດຕັ້ງທີ່ກ່ຽວຂ້ອງ ຫລື ພະນັກງານຜູ້ມີສິດຫາກບໍ່ຮູ້ເບິ່ງກວ້າງເຫັນໄກ ແລະ ທ່ຽງທຳແລ້ວບໍ່ພຽງແຕ່ຈະ ເຮັດໃຫ້ຄວາມເຂົ້າໃຈຕໍ່ພະນັກງານຜິດພາດເທົ່ານັ້ນແຕ່ເປັນການກົດໜ່ວງທ່ວງດຶງຄວາມກ້າວໜ້າຂອງພະນັກງານດ້ວຍກັນ ອີກດ້ວຍ.

        ສະນັ້ນ ການເຂົ້າໃຈພະນັກງານ(ຕີລາຄາພະນັກງານ) ຕ້ອງມີລັກສະນະຮອບດ້ານຕົວຈິງ ແລະ ພາວະວິໄສ, ໝາຍ ຄວາມວ່າ ຊອກໃຫ້ເຫັນຈຸດກີ, ຈຸດອ່ອນ ແລະ ຄວາມເປັນຈິງຂອງມັນການເຂົ້າໃຈພະນັກງານບໍ່ແມ່ນແຕ່ເຂົ້າໃຈພາຍ ນອກ, ຕ້ອງເຂົ້າໃຈເຖິງທາດແທ້ ແລະ ທຸກການເຄື່ອນໄຫວຂອງເຂົາເຈົ້າ, ມີພະນັກງານບາງຄົນມີແນວຄິດສວຍໂອກາດ, ປະຈົບປະ ແຈງເພື່ອຂະບວນວຽກງານໃດໜຶ່ງໃກ້ສຳເລັດຈຶ່ງຟ້າວເຮັດທຸກສິ່ງທຸກຢ່າງເອົາຈິງເອົາຈັງ, ອອກໜ້າ, ອອກຕາເພື່ອໃຫ້ ນາຍຍ້ອງ ຍໍ, ກົງກັນຂ້າມເມື່ອເກີດມີບັນຫາຜູ້ກ່ຽວບໍ່ມີຄວາມຮັບພິຊອບ, ສະນັ້ນ ຖ້າເບິ່ງພະນັກງານບໍ່ຮອບຄອບກໍຈະເຂົ້າໃຈວ່າພະນັກ ງານຜູ້ນັ້ນບໍ່ຊັດເຈນດັ່ງ ຄຳເວົ້າຂອງປະທານ ໂຮ່ຈີມີນ ທີ່ເວົ້າວ່າ: “ ມັກອວດອ້າງວຽກງານຂອງຕົນ, ມັກຖະແຫລ່ງອວດອ້າງ, ຊອກເຮັດແຕ່ວຽກນ້ອຍໆເບົາໆ, ຕໍ່ນ້າເຮັດຕາມຄຳສັ່ງ, ລັບຫລັງມັກຜິດຖຽງກັບຜູ້ອື່ນ, ມັກຍົກຍ້ອງຕົວເອງສູງກວ່າຜູ້ອື່ນ, ຄົນ ຜູ້ນັ້ນເຖິງແມ່ນຈະເຮັດວຍກໄດ້ກໍບໍ່ແມ່ນພະນັກງານທີ່ດີ, ຜູ້ໃດມີແຕ່ກົ້ມໜ້າໃສ່ວຽກບໍ່ມັກອວດອ້າງ, ປາກເວົ້າຊື່ກົງ, ບໍ່ເຊື່ອງ ອຳຂໍ້ບົກຜ່ອງຂອງຕົນ, ບໍ່ເລືອກວຽກວ່າຈະງ່າຍຫລື ຍາກ, ຍາມໃດກໍເດັດດ່ຽວເຮັດວຽກຕາມຄຳສັ່ງຂອງຂັ້ນເທິງ, ບໍ່ວ່າໃນສະ ພາບການໃດຈິດໃຈກໍບໍ່ປ່ຽນແປງ, ຄົນ ຜູ້ນັ້ນ ເຖິງວ່າວຽກງານຈະຂາດຕົກບົກຜ່ອງແຕ່ກໍຍັງເປັນກະນັກງານທີ່ດີ.