ໃນໂອກາດວັນສື່ມວນຊົນແຫ່ງຊາດ
ຄົບຮອບ 63 ປີ (13 ສິງຫາ 1950 - 13 ສິງຫາ 2013) ໜັງສືພິມລາວພັດທະນາໄດ້ສຳ ພາດທ່ານ
ບຸນກັນ ກຸລະບຸດ ຜູ້ຊ່ວຍອຳນວຍການບໍລິສັດເບຍລາວ ໂດຍທ່ານໃຫ້ທັດສະນະວ່າ:
ໂດຍພາຍໃຕ້ການນຳພາຂອງພັກ ແລະ ລັດຖະບານ, ວຽກງານສື່ມີການເຄື່ອນໄຫວທີ່ສຳຄັນໃນການນຳສະເໜີສະພາບການປ່ຽນແປງຂອງເສດຖະກິດ
ແລະ ສັງຄົມ ເພື່ອເຜີຍແຜ່ ຫລື ສຶກສາອົບຮົມສັງຄົມ ລວມເຖິງການໃຫ້ບໍລິ ການ ແລະ
ການມີສ່ວນຮ່ວມຂອງສັງຄົມຕໍ່ວຽກງານສື່ມວນຊົນ. ສະນັ້ນ ເມື່ອສົມທຽບໃສ່ສິ່ງທ້າທາຍ
ແລະ ໂອກາດຂ້າງເທິງນັ້ນ, ໃນສາຍຕາຂອງຜູ້ປະກອບການເຫັນວ່າ: ດ້ານດີ ສື່ມວນຊົນແມ່ນໄດ້ມີການປະສານງານ
ແລະ ເຮັດວຽກກັບຂັ້ນເທິງໄດ້ດີ, ຜົນງານການເຄື່ອນໄຫວທີ່ເປັນຫລັກການຫລາຍອັນແມ່ນປະຕິບັດໄດ້ດີ,
ສ່ວນການປະຕິບັດກັບຂັ້ນລຸ່ມ ແລະ ການບໍລິການສັງຄົມສັງເກດຕີລາຄາໃນຫລາຍມຸມມອງຍັງເຮັດບໍ່ທັນສົມບົດບາດ
ອາດດ້ວຍສາເຫດໃນຕົວ ແລະ ນອກຕົວ ອັນເປັນສິ່ງທີ່ເຮັດໃຫ້ວຽກງານສື່ທີ່ເປັນກຳລັງແຮງຂອງເສດຖະກິດ,
ການເມືອງ ແລະ ສັງຄົມຍັງບໍ່ເຂັ້ມແຂງເທົ່າທີ່ຄວນ, ຖ້າທຽບໃສ່ຄວາມຮຽກ ຮ້ອງຕ້ອງການຂອງໄລຍະໃໝ່
ໂດຍສະເພາະການກຽມເຂົ້າເປັນປະຊາຄົມອາຊຽນ. ອີກຢ່າງໜຶ່ງ ການລົງທຶນໃສ່ດ້ານເຄື່ອງມືຮັບໃຊ້
ລວມທັງບຸກຄະລາກອນໃນການຂັບເຄື່ອນໃຫ້ສົມບົດບາດຍັງຂາດການເອົາໃຈໃສ່, ການເຮັດວຽກຕົວຈິງອາດຍັງບໍ່ທັນປະ
ສານແໜ້ນຢ່າງພຽງພໍກັບພາກ ສ່ວນກ່ຽວຂ້ອງໃນການພັດທະນາພາຍໃນຂອງອົງການສື່
ແລະ ການວາງພື້ນຖານເພື່ອການແຂ່ງ ຂັນໃນອະນາຄົດ.
ນອກຈາກນີ້ ການເຄື່ອນໄຫວຂອງສື່ໃນດ້ານໜຶ່ງມັນໄດ້ກະທົບໃສ່ການດຳເນີນທຸລະກິດ
ເພາະວ່າທຸລະກິດແມ່ນຂາດສື່ບໍ່ໄດ້. ສິ່ງນັ້ນແມ່ນການບໍລິການຂອງສື່ຕໍ່ພາກທຸລະກິດຢ່າງມີການຈັດການທີ່ດີ
ຫລື ການເປັນຄູ່ຮ່ວມທຸລະກິດທີ່ດີຂອງພາກທຸລະກິດ ກໍຄືພາກສ່ວນອື່ນໆ. ຜົນ
ສຳເລັດຂອງທຸລະກິດແມ່ນຕ້ອງມີອົງການສື່ປະກອບຢູ່ໃນການບໍລິ ຫານຈັດການຂອງພາກທຸລະກິດ
ຄຽງຄູ່ກັບສິ່ງອື່ນທີ່ພາກທຸລະກິດໄດ້ບໍລິຫານຈັດການ.
ທ່ານ ບຸນກັນ ກ່າວວ່າ: ໃນອະນາຄົດ, ສື່ຈະຕ້ອງໄດ້ປັບ
ປຸງບັນດາຫລັກການ ແລະ ນິຕິກຳຕ່າງໆທີ່ເປັນພື້ນ ຖານໃນການເຮັດວຽກຕົວຈິງ,
ການກຽມພ້ອມຂອງບັນດາສື່ທຸກຂະແໜງ ເພື່ອຮັບມືການປ່ຽນແປງຂອງສະພາບເສດ ຖະກິດ-ສັງຄົມ.
ການເປີດຮັບ ແລະ ການເຂົ້າຫາແຫລ່ງຂໍ້ມູນຕ່າງໆທີ່ບໍ່ຂັດກັບແນວທາງຂອງພັກ
ແລະ ລັດຖະບານ ເພື່ອມາປຸງແຕ່ງ ແລະ ນຳອອກເຜີຍແຜ່ ຫລື ເພື່ອການສຶກສາອົບຮົມ.
ການບໍລິການເພື່ອສັງຄົມ ແລະ ການມີສ່ວນຮ່ວມຂອງສັງຄົມຂອງສື່ມວນຊົນອື່ນໆ
ໂດຍສະເພາະໃນຍຸກຂອງການແຂ່ງຂັນ ສື່ບໍ່ພຽງແຕ່ຈະຮູ້ຕົນເອງ ຕ້ອງໄດ້ຮູ້ຈັກສື່ຂອງປະເທດໃນພາກພື້ນ
ແລະ ສາກົນ ຮູ້ກັບສະໜາມແຂ່ງຂັນກວ້າງອອກໄປ ຈາກພາຍໃນ ແລະ ພາຍນອກກໍຈະມາແຂ່ງກັບເຮົາຢ່າງພາວະວິໄສ.
ສະນັ້ນ ເພື່ອການເຕີບໃຫຍ່ທີ່ຍືນຍົງ ຕ້ອງໄດ້ມີການກະກຽມ ເປັນຕົ້ນການພັດທະ
ນາຄວາມເຂັ້ມແຂງຂອງອົງການສື່ ແລະ ການແຂ່ງຂັນໃນລະບົບເສດຖະກິດທີ່ມັນກະທົບໃສ່ລະບົບທຸລະກິດຢ່າງເປັນກາຍອິນຊີ,
ຖ້າມີສ່ວນໃດຂອງຮ່າງກາຍ ຫາກເປັນອຳມະພາດ ຫລື ພິການຈະເຮັດໃຫ້ຮ່າງກາຍບໍ່ສົມບູນ.
ຫາກສື່ບໍ່ແຂງແຮງ ພາກທຸລະກິດ ກໍຄືເສດຖະກິດໂດຍລວມກໍຈະບໍ່ສົມບູນ.
No comments:
Post a Comment