ພິທີເຊັນສັນຍາຮັບການບໍລິການບັດນັກສຶກສາເປັນບັດ
ATM ລະຫວ່າງທ່ານ ຄຳສິງ ແສງແກ້ວ ມະຫາວົງ ຜູ້ອຳນວຍ ການທະນາຄານພັດທະນາລາວ ແລະ
ທ່ານ ອຸໄທ ບັນາວົງ ຜູ້ອຳນວຍການໂຮງຮຽນວິຊາຊີບວຽງຈັນ-ຮ່າໂນ້ຍ ໄດ້ມີຂື້ນໃນວັນທີ
25 ກັນຍານີ້ ຢູ່ໂຮງຮຽນດັ່ງກ່າວໂດຍການເຂົ້າຮ່ວມຂອງຄູ-ອາຈານ ແລະ ພະນັງການກ່ຽວຂ້ອງສອງຝ່າຍ.
ທ່ານ ຄຳສິງ ແສງແກ້ວມະຫາວົງ ຮອງຜູ້ອຳນວຍການທະນາຄານພັດທະນາລາວ
ກ່າວວ່າ: ປັດຈຸບັນສະພາບເສດຖະ ກິດມີການຂະຫຍາຍຕົວ ແລະ ຄວາມທັນສະໃໝທາງດ້ານເຕັກໂນໂລຊີ
ທະນາຄານພວກເຮົາຈຶ່ງໄດ້ພັດ ທະນາຮູບ ແບບການບໍລິການທີ່ທັນສະໃໝ ມາຮັບໃຊ້ສັງຄົມ,
ໃນນັ້ນກໍແມ່ນການພັດທະນາບັດນັກສຶກສາປັນບັດດຽວກັນກັບບັດ ATM ເພື່ອເປັນການອຳນວຍຄວາມສະດວກໃຫ້ແກ່ສະຖາບັນການສຶກສາ
ໃນການຄຸ້ມຄອງນັກສຶກສາ, ສ້າງຄວາມທັນສະໃໝໃນການຊຳລະສະສາງດ້ວຍຫຼາຍ ຊ່ອງທາງໃຫ້ແກ່ນັກສຶກສາບໍ່ວ່າຈະເປັນຄ່າຮຽນ,
ຄ່າຕຳລາ, ຄ່າສິນຄ້າ, ນອກນັ້ນຍັງເປັນການສ້າງຄວາມປະ ຢັດເກັບຮັກສາເງິນ ແລະ ຄວາມສະດວກຕ່າງໆທະນາຄານພັດທະນາລາວ
ເປັນທະນາຄານແຫ່ງທຳອິດໃນ ສປປ ລາວ ທີ່ສາ ມາດພັດທະນາລະບົບໂມບາຍແບງຄິງແບບ
M- Commerce ສຳເລັດ ຊຶ່ງມີຮູບແບບການບໍລິການເຊັ່ນ: ຊຳລະຄ່າໄຟຟ້າ, ຊຳ ລະຄ່າໂທລະສັບແລະ
ອື່ນໆ.
ທ່ານ ຮອງຜູ້ອຳນວຍການທະນາຄານ ດັ່ງກ່າວໃຫ້ຮູ້ວ່າ:
ໃນປີຜ່ານມາ ທະນາຄານຕົນໄດ້ມີການເຊັນສັນຍາຮ່ວມມືກັບ ສະຖາບັນການສຶກສາຂັ້ນຕ່າງໆທົ່ວປະເທດ
ເພື່ອອອກບັດນັກສຶກສາ ແລະ ບັດ ATM ເປັນບັດດຽວ ໂດຍຮູບແບບບັດນັກສຶກສາແມ່ນເປັນການປະສົມປະສານດ້ານເຕັກໂນໂລຊີ
ທີ່ ທພລ ມີຢູ່ແລ້ວ ໃຫ້ເຂົ້າກັບລັກສະນະ ຂອງບັດນັກສຶກສາ ແຕ່ລະ ສະຖາບັນການສຶກສາຕ່າງໆ
ແລະ ສາມາດໃຊ້ບັດດັ່ງກ່າວເຂົ້າເຖີງການບໍລິການຂອງທະນາຄານພັດທະນາລາວໄດ້ທຸກຈຸດບໍລິ
ການໃນທົ່ວປະເທດ. ໃນຕໍ່ໜ້າທະນາຄານກໍຍັງສືບຕໍ່ພັດທະນາຮ່ວມມືກັບຫຼາຍສະຖາບັນການສຶກສາ
ແລະ ຂົງເຂດອື່ນໆ ເພື່ອພ້ອມກັນພັດທະນາຂົງເຂດການສຶກສາຂອງລາວໃຫ້ກ້າວໄປສູ່ຄວາມທັນສະໃໝທຽບທັນກັບສາກົນ.
No comments:
Post a Comment