ປະຊາຊົນປະສົບໄພນ້ຳຖ້ວມຢູ່ ເມືອງໂພນໄຊແຂວງຫລວງພະບາງຍັງລໍຖ້າກຳລັງໃຈຈາກທຸກພາກສ່ວນ

    ເມືອງໂພນໄຊ ແຂວງຫລວງພະບາງ ເປັນເຂດໜຶ່ງທີ່ປະສົບກັບໄພນ້ຳຖ້ວມໃນວັນທີ 19-20 ສິງຫາຜ່ານມາເຊິ່ງມີຜົນເສຍ ຫາຍຮ້າຍແຮງພໍສົມຄວນໃນນີ້ມີ 18 ບ້ານ, 986 ຄອບຄົວ ຖືກຜົນ ກະທົບ, ເຮືອນເປ່ເພ 102 ຫລັງ, ສັດລ້ຽງທຸກປະເພດ ເສຍຫາຍ 2.000 ກວ່າໂຕ, ລົດຈັກ 14 ຄັນ, ວິດຖ່າຍ 49 ແຫ່ງ, ເນື້ອທີ່ການຜະ ລິດ 299 ກວ່າເຮັກຕາ, ເສັ້ນທາງ ຫລວງ 1 ເສັ້ນ, ທາງຊົນນະບົດເພ 14 ເສັ້ນ, ຂົວ 1 ແຫ່ງ, ນ້ຳລິນ 6 ແຫ່ງ, ຄອງເໝືອງ 12 ແຫ່ງ, ໂຮງຮຽນ 1 ແຫ່ງ, ຕາໜ່າງໄຟຟ້າ ເປ່ເພ ເຊິ່ງລວມມູນຄ່າການ ເສຍຫາຍປະມານ 56 ຕື້ກວ່າກີບ.

    ທ່ານ ບຸນທຳ ແສນພັນສິຣິ ສະມາຊິກສະພາແຫ່ງຊາດເຂດ 6 ຫລວງພະບາງ, ຮອງອຳນວຍການລັດວິສາຫະກິດໄຟຟ້າລາວ ໄດ້ໃຫ້ສຳພາດວ່າ: ຜົນເສຍຫາຍເທື່ອນີ້, ພັກ-ລັດຖະບານ ແລະ ພີ່ນ້ອງຮ່ວມຊາດໃນທົ່ວປະເທດໄດ້ມີຄວາມເປັນຫ່ວງເປັນ ໄຍທີ່ສຸດລວມເຖິງບັນດາອົງການຈັດຕັ້ງທັງພາກລັດ ແລະ ເອກະຊົນຕ່າງກໍໄດ້ພ້ອມພຽງກັນຮີບຮ້ອນປຸກລະດົມປະກອບ ສ່ວນໃຫ້ການຊ່ວຍເຫລືອເພື່ອແກ້ໄຂຄວາມຫຍຸ້ງຍາກນັບທັງດ້ານກຳລັງໃຈ, ວັດຖຸສິ່ງຂອງ, ອາຫານ, ນ້ຳດື່ມ, ເງິນຄຳ ແລະ ດ້ານໆດ້ວຍຄວາມຕັ້ງໜ້າ ແລະ ໄວວາ. ສະເພາະລະບົບໄຟຟ້າກໍແມ່ນພາກສ່ວນໜຶ່ງທີ່ໄດ້ຮັບຜົນເສຍຫາຍຢ່າງໜັກໜ່ວງເຊິ່ງ ລັດວິສາຫະກິດໄຟຟ້າລາວກໍໄດ້ຮີບຮ້ອນລົງໄປສົມທົບ ກັບທ້ອງຖິ່ນ ເພື່ອດຳເນີນການ ແກ້ໄຂຢ່າງທັນການ ແລະ ຄາດວ່າຈະ ເຮັດໃຫ້ສະພາບການນຳໃຊ້ກະແສໄຟຟ້າຢູ່ເຂດທີ່ໄດ້ຮັບຜົນກະທົບເຂົ້າສູ່ສະພາບປົກກະຕິໃນມໍ່ໆນີ້.

    ທ່ານ ບຸນທຳ ກ່າວຕື່ມວ່າ: ເມືອງໂພນໄຊ ແມ່ນເມືອງທຸກຍາກຂອງແຂວງຫລວງພະບາງ, ເປັນເຂດພູດອຍຫ່າງໄກສອກ ຫລີກໂດຍຕັ້ງຢູ່ຫ່າງຈາກເທສະບານແຂວງຫລວງພະບາງປະ ມານ 45 ກິໂລແມັດ, ເປັນເມືອງທີ່ຫາກໍໄດ້ຮັບການສ້າງຕັ້ງຂຶ້ນ ມາບໍ່ ເຖິງ 10 ປີ (ສ້າງຕັ້ງປີ 2006). ສະນັ້ນ ພື້ນຖານໂຄງລ່າງຍັງອ່ອນນ້ອຍ, ປະຊາຊົນສ່ວນໃຫຍ່ແມ່ນເຜົ່າຂະມຸ ແລະ ເຜົ່າ ມົ້ງ. ໃນສະພາວະທີ່ປະສົບກັບໄພນ້ຳຖ້ວມທີ່ ມີລະດັບຮ້າຍແຮງ ແລະ ມີຜົນເສຍຫາຍຫລາຍ, ປະຊາຊົນບັນ ດາເຜົ່າພວມ ຜະເຊີນກັບຄວາມ ຫຍຸ້ງຍາກ, ເດືອນຮ້ອນ ແລະ ກໍບໍ່ມີຄວາມສາມາດທີ່ຈະກຸ້ມຕົນເອງເພື່ອການແກ້ໄຂ. ພ້ອມນີ້ ຄວາມສາ ມາດຂອງອົງການປົກຄອງທ້ອງຖິ່ນທີ່ຈະແກ້ໄຂກໍມີຄວາມຫຍຸ້ງຍາກ, ມີຂອບເຂດຈຳກັດຫລາຍທີ່ສຸດຈຶ່ງມີຄວາມຈຳເປັນ ແລະ ຂໍຮຽກຮ້ອງໃຫ້ທຸກພາກສ່ວນທັງພາກລັດ ແລະ ເອກະຊົນ, ບຸກຄົນໃນທຸກສາຂາອາຊີບ ຈົ່ງ ໄດ້ອວ່າຍໜ້າໄປສູ່ເຂດເມືອງໂພນ ໄຊ ເພື່ອໃຫ້ການຊ່ວຍເຫລືອປະກອບສ່ວນບັນເທົາທຸກໃນດ້ານຕ່າງໆເຊັ່ນ: ເງິນຄຳ, ວັດຖຸສິ່ງຂອງເພື່ອຊົມໃຊ້ໃນຊີວິດ ະຈຳ ວັນ, ເຂົ້າກິນ, ອາຫານແຫ້ງ, ນ້ຳດື່ມ, ຢາປົວພະຍາດ, ການບູລະນະ, ປົວແປງພື້ນຖານໂຄງລ່າງ, ການໃຫ້ກຳລັງໃຈ, ໃຫ້ຄວາມ ອົບອຸ່ນ, ໃຫ້ຄຳແນະນຳໃນການແກ້ໄຂຜົນເສຍຫາຍເພື່ອປັບປຸງການດຳລົງຊີວິດ, ການຜະລິດ ແລະ ອື່ນໆ.