ໃນລະຫວ່າງວັນທີ່ 20-23 ກັນຍານີ້, ສາຍການບິນກຣຸງເທບ
( Bang kok airway ) ຮ່ວມກັບການທ່ອງທ່ຽວແຫ່ງປະເທດໄທ, ໄດ້ພາຄະນະຜູ້ແທນກະຊວງຖະແຫລ່ງຂ່າວ,
ວັດທະນະທຳ ແລະ ທ່ອງທ່ຽວ ພ້ອມດ້ວຍສື່ມວນຊົນຂະແໜ່ງຕ່າງໆຂອງລາວບິນໄປຢ້ຽມຢາມສະຖານທີ່ທ່ອງທ່ຽວອັນສວຍງາມຫລາຍ ແຫ່ງຂອງໄທ
ຄືເກາະສະຫມຸຍ, ເກາະນາງຢວນ, ເກາະເຕົ່າ ແລະ ສະຖານທີ່ທ່ອງ ທ່ຽວສຳຄັນຫລາຍແຫ່ງຢູ່ຈັງຫວັດສຸລາດທານີ
ເຊິ່ງເປັນເກາະທີ່ສວຍງາມ ແລະ ເປັນທີ່ນິຍົມຕິດອັນດັບໂລກ, ທັງເປັນການໂຄສະນາສົ່ງເສີມການທ່ອງທ່ຽວເຊື່ອມຕໍ່ກັນລະຫວ່າງສອງປະເທດລາວ-ໄທ,
ນຳໂດຍທ່ານ ຈະເລີນ ວາລິນທະລາສັກ ລັດຖະມົນຕີຊ່ວຍວ່າການກະຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວຕະຫລອດການຢ້ຽມຢາມ ແລະ ທ່ອງທ່ຽວແມ່ນໄດ້ຮັບການຕ້ອນຮັບຢ່າງອົບອຸ່ນຈາກຜູ້ອຳ ນວຍການສຳນັກງານການທ່ອງທ່ຽວແຫ່ງປະເທດໄທ
ພ້ອມດ້ວຍຫົວຫນ້າສູນປະສານງານການທ່ອງທ່ຽວເກາະສະຫມຸຍ ແລະ ພາກສ່ວນທີ່ກ່ຽວຂ້ອງຕ່າງໆ.
ທ່ານ ນາງ ສຸທາທິບ ຈາເລີນລາບ ຜູ້ອຳນວຍການ
ສຳນັກ ງານການທ່ອງທ່ຽວແຫ່ງປະເທດໄທ ປະຈຳໂຮ່ຈີ່ມິນໄດ້ກ່າວວ່າ: ການທ່ອງທ່ຽວແຫ່ງປະເທດໄທ
ສຳນັກງານໂຮ່ຈີ່ມິນຮັບຜິດຊອບ ໃນການປະສານງານ ແລະ ຮ່ວມ ມືໃນການສົ່ງເສີມການທ່ອງທ່ຽວ
ໃນ 3 ປະເທດ ຄື: ຫວຽດນາມ, ກຳປູເຈຍ ແລະ
ລາວ. ໃນໂອກາດອັນດີທີ່ການທ່ອງທ່ຽວແຫ່ງປະເທດໄທໄດ້ຮ່ວມກັບສາຍການບິນ
Bangkok Airways ເພື່ອນຳຄະນະຂອງສີ່ມວນຊົນຈາກປະເທດລາວມາທ່ຽວຊົມທັດສະນີຍະພາບ
ແລະ ແຫລ່ງທ່ອງທ່ຽວຕ່າງໆອັນງົດງາມຂອງປະເທດໄທ ທີ່ເກາະສະຫມຸຍແຫ່ງນີ້ ເພື່ອຊ່ວຍໂຄສະນາໃຫ້ປະຊາຊົນລາວ, ນັກທ່ອງທ່ຽວລາວໄດ້ຮັບຮູ້ສະຖານທີ່ທ່ອງທ່ຽວທີ່ມີຄວາມສວຍສົດງົດງາມແຫ່ງນີ້
ແລະ ເຂົ້າມາທ່ອງທ່ຽວທີ່ປະເທດໄທຫລາຍຂຶ້ນ ເຊິ່ງການຮ່ວມມື້ຄັ້ງນີ້ຖືວ່າເປັນກິດຈະກຳຫນຶ່ງທີ່ມີຄວາມຫມາຍສຳຄັນເພື່ອສົ່ງເສີມການທ່ອງ
ທ່ຽວລະຫວ່າງ 2 ປະເທດ ລາວ-ໄທ ໃຫ້ສະດວກສະບາຍຍິ່ງໆຂື້ນໃນການເຂົ້າສູ່ປະຊາຄົມອາຊຽນໃນປີ
2015 ທີ່ຈະເຖິງ.
No comments:
Post a Comment