ສະຖາບັນການຕ່າງປະເທດ ຮ່ວມກັບສະຖາບັນຄົ້ນຄວ້າ
ລະບົບຂໍ້ມູນຂ່າວສານສຳລັບປະເທດພວມພັດທະນາອິນເດຍ ຈັດກອງປະຊຸມໂຕະມົນເຄືອຂ່າຍຄັງປັນຍາອາຊຽນ-ອິນເດຍຄັ້ງທີ
II ຂຶ້ນ ໃນວັນທີ 10 ກັນຍາ 2013 ຢູ່ທີ່ໂຮງແຮມດອນຈັນພາເລດ ນະຄອນຫລວງວຽງຈັນ
ເຊິ່ງກອງປະຊຸມດັ່ງກ່າວແມ່ນກອງປະຊຸມເຄືອຂ່າຍຄັງປັນຍາອາຊຽນ ກໍຄື ການເຄື່ອນໄຫວໃນຂອບການທູດຊ່ອງທາງທີ
2 ໃຫ້ກຽດເປັນປະ ທານຂອງທ່ານ ທອງລຸນ ສີສຸລິດ ຮອງນາຍົກລັດຖະມົນຕີ,ລັດ ຖະ ມົນຕີວ່າການກະຊວງການຕ່າງ
ປະເທດ ແຫ່ງ ສປປ ລາວ ແລະ ທ່ານ ຊາລມານ ເຄຣິຊິດ ລັດຖະ ມົນຕີວ່າການກະຊວງການຕ່າງ
ປະເທດ ແຫ່ງ ສາທາລະນະລັດອິນເດຍໂດຍມີທ່ານ ໄຊຍະການ ສີສຸວົງ ຫົວໜ້າຫ້ອງການກະຊວງການຕ່າງປະເທດ
ແລະ ທ່ານ ດຣ. ບິດວາກິດດາ ຫົວໜ້າສະຖາບັນຄົ້ນຄວ້າລະບົບຂໍ້ມູນຂ່າວສານ ສຳລັບປະເທດພວມພັດທະນາຂອງອິນເດຍ
ແລະ ທ່ານ ດຣ Achmad Kurnia Prawirra MOCHTA ຜູ້ຕາງໜ້າກອງເລຂາອາຊຽນ ແລະ ບັນດາຜູ້ຊ່ຽວຊານ,
ຜູ້ຊົງຄຸນວຸດທິສະຖາບັນຄົ້ນຄວ້າຍຸດທະສາດອາຊຽນພ້ອມດ້ວຍພະນັກງານທີ່ກ່ຽວຂ້ອງ
10 ປະເທດໃນອາຊຽນ ແລະ ອິນເດຍເຂົ້າຮ່ວມ.
ກອງປະຊຸມໂຕະມົນເຄືອຂ່າຍຄັງປັນຍາອາຊຽນ-ອິນເດຍ
ຄັ້ງນີ້ໄດ້ປຶກສາຫາລືບັນຫາສຳ ຄັນກ່ຽວກັບຄູ່ຮ່ວມຍຸດທະສາດອາຊຽນ-ອິນເດຍທີ່ໄດ້ສຸມໃສ່ບັນຫາຕ່າງໆຄື
ການຮ່ວມມືທາງເສດຖະກິດທີ່ໄດ້ປຶກສາຫາລືຄົ້ນຄວ້າສະຖາປັດຕະຍະ ກຳການຄ້າພາກພື້ນ,
ເຄືອຂ່າຍການຜະລິດການລົງທຶນ, ການຮ່ວມມືທາງການເງິນ ແລະ ບັນຫາອື່ນໆກ່ຽວກັບການເຊື່ອມໂຍງ,
ການເຊື່ອມຈອດທີ່ໄດ້ສຸມໃສ່ປຶກສາຫາລືບັນຫາສິ່ງທ້າຍທາຍ ແລະ ຄວາມຄາດຫວັງຂອງການເຊື່ອມຈອດອາຊຽນ-ອິນເດຍ,
ການຮ່ວມມືດ້ານວັດທະນະທຳ- ສັງຄົມ ແລະ ການພັດທະນາທີ່ໄດ້ປຶກສາຫາລືບັນຫາສິ່ງທ້າທາຍ
ແລະ ກຳນົດກາລະໂອກາດໃນຂົງເຂດທີ່ພົວພັນເຖິງການຮ່ວມມືດ້ານວັດທະນະທຳ-ສັງຄົມ
ແລະ ການພັດທະນາ.
ກອງປະຊຸມໂຕະມົນເຄືອຂ່າຍຄັງປັນຍາອາຊຽນ-ອິນເດຍ
ໄດ້ລິເລີ່ມຈາກຄວາມຄິດຂອງຄະນະຜູ້ແທນໃນກອງປະ ຊຸມສຸດຍອດຜູ້ນຳອາຊຽນ-ອິນເດຍໃນປີ
2009 ໂດຍມີຈຸດປະສົງເພື່ອເຊື່ອມໂຍງຂໍ້ມູນຂ່າວສານດ້ວຍການຈັດກອງປະຊຸມເພື່ອຄົ້ນຄວ້າປະກອບຄວາມຄິດຄວາມເຫັນ,
ທັດສະນະຕ່າງໆ ແນໃສ່ສະໜອງຂໍ້ມູນໃຫ້ແກ່ລັດຖະບານຂອງບັນດາປະເທດໃນອາຊຽນ
ແລະ ອິນເດຍນຳໄປເປັນຂໍ້ມູນການວາງນະໂຍບາຍການຮ່ວມມືໃນຂົງເຂດຕ່າງໆ ເພື່ອສົ່ງເສີມການຮ່ວມມືລະ
ຫວ່າງອາຊຽນ- ອິນເດຍໃນອະນາຄົດ.ດັ່ງນັ້ນ ຈຶ່ງເວົ້າໄດ້ວ່າການຈັດກອງປະຊຸມດັ່ງກ່າວຂຶ້ນແມ່ນເວທີສຳຄັນອັນໜຶ່ງທີ່ປະ
ກອບສ່ວນໃຫ້ແກ່ການຮ່ວມມືລະຫວ່າງສອງຝ່າຍອາຊຽນ ແລະ ອິນເດຍ.ກອງປະຊຸມຄັ້ງທຳອິດໄດ້ຈັດຂຶ້ນໃນວັນທີ
7-8 ສິງຫາ 2012 ຢູ່ນີວເດລີ ອິນເດຍ ຊຶ່ງໄດ້ປຶກສາຫາລືຫລາຍບັນຫາເຊັ່ນ: ການຄ້າ-ການລົງທຶນ,
ການຊອກຫາກາລະໂອກາດຜ່ານການເຊື່ອມໂຍງການບໍລິຫານ ແລະ ການລົງທຶນ, ການເຊື່ອມໂຍງທາງເສດຖະກິດລະຫວ່າງອາຊຽນ
ແລະ ອິນເດຍ,ຍຸດທະສາດການແກ້ໄຂສິ່ງທີ່ທ້າທາຍຕໍ່ຄວາມໝັ້ນຄົງດ້ານສະບຽງອາຫານ,
ການປ່ຽນແປງສະພາບດິນຟ້າອາກາດ, ການຮ່ວມມືການປົກປ້ອງດ້ານຊີວະນາໆພັນ ແລະ
ການຜະລິດຢາພື້ນເມືອງ .
No comments:
Post a Comment