ພາຍຫລັງ, ທະນາຄານຮ່ວມທຸລະກິດລາວ-ຫວຽດ,
ໄດ້ມີການຈັບລາງວັນຫາຜູ້ໂຊກດີເມື່ອວັນທີ 14 ກັນຍາຜ່ານມາໃນໂຄງການ “ ເງິນຝາກປະຢັດລຸ້ນຊັບຮັບໂຊກປີ
2013 ” ແລະ ມາໃນວັນທີ 28 ກັນຍາຜ່ານມາ, ທະນາຄານ ດັ່ງກ່າວ ໄດ້ມີພິທີມອບລາງວັນໃຫ້ລູກຄ້າຜູ້ໂຊກດີຫລາຍລາງວັນຄື:
ລາງວັນທີ1ລົດໂຕໂຍຕາແລນ ຄຣູເຊີ ປຣາໂດ 1 ລາງວັນ ຜູ້ໂຊກດີໄດ້ແກ່ທ່ານນາງ ວຽງສະຫວັນ
ມະໂນທຳມອບໂດຍທ່ານ ດວ່ານ ຫວຽດນາມ ອຳນວຍການທະນາ ຄານດັ່ງກ່າວ,ສ່ວນລາງວັນທີ 2 ລົດຈັກສະກູປີໄປມີ
5 ລາງວັນ, ລາງວັນທີ3 ຄອມພິວເຕີໂນດບຸກຍີຫໍ້ ແມ໋ກບຸກ 5 ລາງວັນ, ລາງວັນທີ4ມີ
ມິນິໄອແພດ 10 ລາງວັນ ແລະ ລາງວັນເງິນຝາກຈຳນວນ 2 ລ້ານກີບ 20 ລາງວັນ.
ທ່ານ ອຳນວຍການທະນາຄານ ດັ່ງກ່າວມີຄຳເຫັນວ່າ:
ທະນາຄານຮ່ວມທຸລະ ກິດລາວ-ຫວຽດນາມ ສ້າງຕັ້ງຂຶ້ນໃນປີ 1999 ພາຍ ໃຕ້ການຮ່ວມທຶນລະຫວ່າງທະນາຄານການຄ້າຕ່າງປະເທດລາວມະຫາຊົນ
(BCEL) ແລະ ທະນາຄານຫຸ້ນສ່ວນ ການຄ້າລົງທຶນ ແລະ ພັດທະນາຫວຽດນາມ (BIVD) ເພື່ອປະຕິບັດໜ້າທີ່ທີ່ລັດຖະ
ບານສອງປະເທດມອບໝາຍໃຫ້ຄື:
ເປັນ ຂົວຕໍ່ໃນການຊຳລະສະສາງ, ແລກປ່ຽນລະຫວ່າງເງິນກີບກັບເງິນດົງ, ຮັບໃຊ້ການພົວ ພັນເສດຖະກິດ,
ການຄ້າ ແລະການລົງ ທຶນລະຫວ່າງລັດຖະບານ, ວິສາຫະກິດ ແລະ ປະຊາຊົນສອງປະເທດ, ຕະຫລອດ ໄລຍະ
14 ປີ ຜ່ານມາ, ການເຄື່ອນໄຫວ ຂອງທະນາຄານໄດ້ມີບາດກ້າວຂະຫຍາຍຕົວຢ່າງຕໍ່ເນື່ອງແລະໄດ້ກາຍເປັນໜຶ່ງໃນບັນ ດາທະນາຄານທຸລະກິດທີ່ມີຂະໜາດການ
ເຄື່ອນໄຫວໃຫຍ່ໃນຕະຫລາດການເງິນຢູ່ລາວ, ກາຍເປັນແບບຢ່າງຂອງການ ພົວພັນຮ່ວມມືດ້ານເສດຖະກິດລະຫວ່າງສອງປະ
ເທດ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດນະໂຍບາຍການເງິນ, ເງິນຕາ, ຮັບໃຊ້ພາລະກິດພັດທະນາເສດຖະກິດ-ສັງຄົມຂອງສອງປະເທດລາວ
ແລະ ຫວຽດນາມ ໃຫ້ເຕີບໃຫຍ່ເຂັ້ມແຂງເປັນ ກ້າວໆມາ.
ໃນໂອກາດດັ່ງກ່າວ, ທ່ານອໍານວຍການທະນາຄານຮ່ວມທຸລະກິດລາວ-ຫວຽດ
ແລະ ທ່ານນາງ ວຽງສະຫວັນ ມະໂນທຳ ໄດ້ມອບເງິນໃຫ້ແກ່ມູນນິທິຊ່ວຍເຫລືອຄົນທຸກຍາກເມືອງຈັນທະບູລີ,
ນະຄອນຫລວງວຽງຈັນ ທ່ານລະ 15 ລ້ານກີບ ເຊິ່ງໃຫ້ ກຽດຮັບໂດຍທ່ານເຈົ້າເມືອງຈັນທະບູລີ.
No comments:
Post a Comment