ເນື່ອງໃນໂອກາດວັນສ້າງຕັ້ງສະຖານີໂທລະພາບແຫ່ງຊາດ
ຄົບຮອບ 30 ປີ (1/12/1983 - 1/ 12/2013), ທ່ານ ດຣ. ບຸນຈອມ ວົງເພັດ ອຳນວຍການສະຖານີໂທລະພາບແຫ່ງຊາດ
ໄດ້ໃຫ້ສຳພາດຕໍ່ນັກຂ່າວໜັງສືພິມລາວພັດ ທະນາວ່າ: ໂດຍປະ ຕິບັດຕາມການຊີ້ນຳຂອງກົມການເມືອງສູນກາງພັກ
ກໍຄືລັດຖະບານ ແລະ ພາຍໃຕ້ການຊີ້ນຳໂດຍກົງຂອງກະຊວງຖະແຫລງ ຂ່າວ, ວັດທະນະທຳ
ແລະ ທ່ອງທ່ຽວ, ເລີ່ມແຕ່ປີ 1980, ຄະນະກະກຽມສ້າງຕັ້ງໂທລະພາບ ໄດ້ມີການກຽມ ຄວາມພ້ອມທາງດ້ານບຸກຄະລາກອນກໍຄືພື້ນຖານວັດຖຸເຕັກນິກໄດ້ມີທົດລອງກະຈາຍສັນຍານໂທ ລະພາບເທື່ອທຳອິດໃນວັນທີ
15 ເມ ສາ 1980 ໂດຍອາໄສພື້ນຖານທາງດ້ານເຕັກ ນິກເຄື່ອງສົ່ງ ຂອງໂຮງຮຽນເອເລັກໂຕຣນິ ຊັ້ນກາງວຽງຈັນ.
ນັ້ນໄດ້ເປັນຈຸດ ເລີ່ມຕົ້ນ ຂອງການກຳເນີດໂທລະພາບແຫ່ງຊາດລາວ ແລະ ຮອດວັນທີ 1 ທັນວາ
1983 ໂທລະພາບແຫ່ງລັດ ໄດ້ຖືກສ້າງ ຕັ້ງຂຶ້ນ ແລະ ເປີດການກະຈາຍເປັນທາງການ ຢູ່ນະຄອນຫລວງວຽງຈັນ
ເຊິ່ງໃນ ຕອນນັ້ນ ມີພະນັກງານວິ ຊາການພຽງແຕ່ 15 ຄົນ, ເບື້ອງ ຕົ້ນອອກອາກາດອາທິດລະ 3 ມື້
ຄືວັນຈັນ, ວັນພຸດ ແລະ ວັນສຸກ, ມື້ໜຶ່ງ 3 ຊົ່ວໂມງ, ແຕ່ກໍໄດ້ມີການ ຕອບຮັບຈາກຜູ້ຊົມ ເປັນຢ່າງດີ.
ລາຍການທີ່ອອກອາກາດປະກອບດ້ວຍຂ່າວພາຍໃນ, ຂ່າວຕ່າງປະເທດ, ຮູບເງົາ, ສາລະຄະດີ ແລະ ສິລະປະ.
ລາຍ ການມີລັກສະນະລຽບງ່າຍເນັ້ນເນື້ອໃນເປັນຫລັກ ແລະ ທາງດ້ານເຕັກນິກ, ເຄື່ອງສົ່ງທີ່ໃຊ້ໃນການກະຈາຍແມ່ນມີກຳລັງ
100 ວັດ, ສາມາດກະຈາຍສັນຍານຄວບຄຸມສ່ວນໜຶ່ງຂອງນະຄອນຫລວງວຽງຈັນ.
ພາຍຫລັງໄດ້ມີນະໂຍບາຍຈິນຕະນາການໃໝ່ຂອງພັກການພັດທະນາເສດຖະກິດບົນພື້ນຖານກົນ
ໄກຕະຫລາດຕາມ ທິດສັງຄົມນິຍົມ, ໂທລະພາບແຫ່ງລັດເລີ່ມມີການພັດທະນາຕົນເອງທາງດ້ານປະລິມານ
ແລະ ຄຸນນະພາບ, ຈຳນວນພະ ນັກງານກໍເພີ່ມຈາກ 40 ຄົນ ມາເປັນ 70 ກວ່າ ຄົນ. ການອອກອາກາດ 3
ມື້ຕໍ່ອາທິດ ກາຍມາເປັນ 5 ມື້ຕໍ່ອາທິດ, ຊົ່ວໂມງ ການອອກອາກາດໄດ້ເພີ່ມຂຶ້ນ 50%, ເຄື່ອງສົ່ງ
ໄດ້ ຖືກຍົກລະດັບຈາກ 100 ວັດ ມາເປັນ 1 ກິໂລວັດ. ໃນປີ 1992 ໂທ ລະພາບແຫ່ງລັດໄດ້ແຍກຕົວຈາກວິທະຍຸກະຈາຍສຽງ
ແລະ ໂທລະພາບແຫ່ງຊາດມາເປັນໂທລະພາບແຫ່ງຊາດ, ມີສາຍຕັ້ງຂຶ້ນ ກັບກະຊວງຖະແຫລງຂ່າວ ແລະ ວັດທະນະທຳ,
ປີ 1993 ໂດຍໄດ້ຮັບການຊ່ວຍເຫລືອຈາກລັດຖະບານຍີ່ປຸ່ນ, ໂທລະພາບ ແຫ່ງຊາດ ໄດ້ມີອາຄານຫລັງໃໝ່ທີ່ປະກອບມີອຸປະກອນເຕັກນິກຄົບຊຸດຄຽງຄູ່ກັບການປັບປຸງດ້ານເຕັກນິກ,
ຈຳນວນພະນັກ ງານເພີ່ມຂຶ້ນເຖິງ 104 ຄົນ, ຈຳນວນລາຍການກໍໄດ້ເພີ່ມຂຶ້ນ, ຊົ່ວໂມງອອກອາກາດກໍເພີ່ມຂຶ້ນ
ຈາກ 5 ມື້ຕໍ່ອາທິດມາເປັນ ທຸກໆມື້, ມື້ລະ 11 ຊົ່ວໂມງ.
ເລີ່ມແຕ່ປີ 1994 ໄດ້ມີການຖ່າຍທອດຜ່ານດາວທຽມ,
ຈາກນັ້ນ ສະຖານີທ້ອງຖິ່ນທີ່ເປັນສາຂາສະຖານີໂທລະພາບ ກໍໄດ້ຮັບການສ້າງຕັ້ງຂຶ້ນເກືອບທຸກແຂວງເພື່ອສົ່ງຕໍ່ລາຍການຂອງໂທລະພາບແຫ່ງຊາດ
ເຊິ່ງມາຮອດມື້ ນີ້ລວມມີ 30 ແຫ່ງ.
ປີ 1995 ໂທລະພາບແຫ່ງຊາດລາວ ໄດ້ເພີ່ມຊ່ອງອອກອາກາດເປັນ
2 ຊ່ອງ ຄື ສທລ 1 ແລະ ສທລ 3 ເຊິ່ງໃນເມື່ອ ກ່ອນ ສທລ 3 ເປັນຊ່ອງສະຖານີຮ່ວມມືກັບເອກະຊົນຕ່າງປະເທດ.
ນອກຈາກນັ້ນປີ 1998-2006 ໂທລະພາບແຫ່ງຊາດ ລາວ ຍັງໄດ້ຮ່ວມມືກັບຊ່ອງໂທລະພາບຝຣັ່ງສາກົນເພື່ອກະຈາຍລາຍການເປັນພາສາຝຣັ່ງທາງ
ຊ່ອງ 5 ແລະ ໃນປີ 2006 ໄດ້ປ່ຽນມາເປັນພະແນກຂ່າວພາສາຝຣັ່ງ.
ທ້າຍປີ 1999 ໄດ້ເຕົ້າໂຮມເອົາ ສທລ 1 ແລະ ສທລ
3 ເຂົ້າມາເປັນ ອຳນວຍການດຽວກັນ, ເປົ້າໝາຍ ເພື່ອເຕົ້າໂຮມບຸກ ຄະລາກອນ ແລະ ອຸປະກອນເຕັກນິກ
ໃຫ້ມີ ຄວາມ ເຂັ້ມແຂງ ສຸມໃສ່ພັດທະ ນາວຽກງານໂທລະ ພາບລາວ ໃຫ້ດີຂຶ້ນ ກວ່າ ເກົ່າ. ຕົກມາຮອດປີ
2000 ໂດຍໄດ້ຮັບການຊ່ວຍ ເຫລືອຈາກ ລັດຖະບານ ສສ ຫວຽດນາມ, ເຄື່ອງສົ່ງ ສທລ 1 ໄດ້ຮັບການ ປັບປຸງຈາກ
5 ກິໂລ ວັດ ເປັນ 10 ກິໂລ ວັດ, ປີ 2003 ໄດ້ມີພາກຂ່າວພາ ສາຝຣັ່ງ-ອັງ ກິດ, ປີ 2009 ໄດ້ມີ
ພາກຂ່າວພາ ສາຊົນເຜົ່າມົ້ງ ແລະ ກຶມມຸ ແລະ ພາຍຫລັງໄດ້ຮັບທຶນ ຊ່ວຍເຫລືອ ລ້າຈາກລັດຖະບານ
ສປ ຈີນ ໃນການປັບປຸງໂທລະພາບ ແຫ່ງຊາດລາວ ຊ່ອງ 3 ລວມມູນຄ່າ 10 ລ້ານໂດລາສະຫະລັດ ນັບແຕ່ປີ
2009 ເປັນຕົ້ນມາໂທລະພາບແຫ່ງຊາດລາວ ໄດ້ມີ ຄວາມເຂັ້ມແຂງຂຶ້ນກວ່າເກົ່າ, ທຊລ 1 ອອກອາກາດມື້ລະ
18 ຊົ່ວໂມງ, ສ່ວນ ທຊລ 3 ອອກ ອາກາດມື້ລະ 24 ຊົ່ວໂມງ, ໃນນັ້ນລາຍການທີ່ຜະລິດເອງຫລາຍ ກວ່າ
60 ລາຍການ, ລາຍການ ທາງນອກ 18 ລາຍການ ແລະ ລາຍການສຳປະທານເວ ລາ 6 ລາຍການ.
ທ່ານ
ດຣ. ບຸນຈອມ ກ່າວວ່າ: ໂທລະພາບແຫ່ງຊາດລາວໄດ້ ເຮັດສຳເລັດໜ້າທີ່ຂອງຕົນໃນ ການ ຮັບ ໃຊ້ໜ້າທີ່ການເມືອງ
ຂອງພັກ-ລັດ, ສັງຄົມເປັນຢ່າງດີ ໃນຫລາຍດ້ານ ທັງໃນລະດັບ ຊາດ, ພາກພື້ນ ແລະ ສາກົນເຊັ່ນ:
ບັ້ນຮັບໃຊ້ກອງປະຊຸມ ໃຫຍ່ຂອງພັກຄັ້ງຕ່າງໆ, ກອງປະຊຸມສຸດ ຍອດອາຊຽນ ຄັ້ງທີ 10, ງານມະ ຫະກຳກິລາອາຊຽນເກມ
ຄັ້ງທີ 25, ກິລາມະຫາວິ ທະຍາໄລອາ ຊຽນ ຄັ້ງທີ XVI, ກອງ ປະຊຸມລັດຖະສະພາອາຊີ-ປາຊີຟິກ
ຄັ້ງທີ XVII, ກອງປະຊຸມລັດຖະສະພາເອີຣົບ-ອາຊີ ຄັ້ງທີ VII, ກອງ ປະຊຸມສຸດຍອດອາຊີ-ເອີຣົບ
ຄັ້ງທີ IX, ກອງປະຊຸມຝັ່ງໂກໂຟນີ ແລະ ງານອື່ນໆ ທີ່ລາວເຮົາໄດ້ຮັບກຽດ ເປັນເຈົ້າພາບຈັດຂຶ້ນ.
ນອກຈາກນັ້ນ ຍັງໄດ້ຮັບໃຊ້ເຄື່ອນໄຫວລາຍງານຂ່າວ, ຖ່າຍທອດສົດ, ບັນທຶກ ເຫດການສຳຄັນຕ່າງໆທີ່ຈັດຂຶ້ນໃນແຕ່ລະປີເຊັ່ນ:
ງານມະຫະກຳກິລາແຫ່ງຊາດ, ງານບຸນປະເພນີ ແລະ ງານອື່ນໆຂອງສັງຄົມໄດ້ເປັນຢ່າງດີ.
ນັບແຕ່ມື້ສ້າງ ຕັ້ງຈົນເຖິງປັດຈຸບັນນີ້, ໂທລະພາບແຫ່ງຊາດລາວໄດ້ ມີການເຄື່ອນໄຫວ
ແລະ ຮ່ວມກັບໂທລະພາບຕ່າງໆໃນໂລກໄດ້ດີສົມ ຄວນ ໂດຍສະເພາະໄດ້ມີການ ຮ່ວມມືກັບໂທລະ
ພາບບັນດາປະເທດອາຊີ ແລະ ເອີ ຣົບເຊັ່ນ: VTV ສສ ຫວຽດນາມ, CCTV, GTV, YTV ແຫ່ງ
ສປ ຈີນ, NHK ຍີ່ປຸ່ນ, KBS, SBS, MBC, KTV ແລະ Arirang ສ.ເກົາຫລີ, CFI ຝຣັ່ງ, DW
TV ເຢຍລະມັນ, ອົງການ ABU ແລະ ອົງການ AIBD ເປັນຕົ້ນ. ບັນດາໂທລະພາບຂອງປະເທດ
ເພື່ອນມິດ ແລະ ອົງການຕ່າງໆທີ່ກ່າວມານັ້ນ ລ້ວນແຕ່ໄດ້ໃຫ້ການຊ່ວຍເຫລືອແກ່ໂທລະພາບແຫ່ງຊາດ
ໂດຍສະເພາະໂທລະພາບຫວຽດ ນາມໄດ້ໃຫ້ການຊ່ວຍເຫລືອໃນການສ້າງຕັ້ງໂທລະພາບນັບແຕ່ມື້ທຳ
ອິດຂອງການກະຈາຍ ໂດຍໄດ້ຮັບເອົາພະນັກງານໄປເຝິກອົບ ຮົມດ້ານບັນນາທິການ ແລະ
ເຕັກ ນິກ ເປັນມູນຄ່າຈຳນວນຫລວງ ຫລາຍ. ພ້ອມດຽວກັນນັ້ນ ກໍໄດ້ໃຫ້ການຊ່ວຍເຫລືອທາງດ້ານລາຍການຕ່າງໆໃນແຕ່ລະປີ
ທັງສອງຝ່າຍໄດ້ມີການແລກປ່ຽນຢ້ຽມຢາມຂອງຄະນະນຳຂັ້ນສູງ ແລະ ພະນັກງານວິຊາການເປັນປະຈຳ.
ໂທລະພາບ CCTV ສປ ຈີນ ກໍຄືລັດຖະບານ ແລະ ປະຊາຊົນຈີນ
ກໍໄດ້ໃຫ້ການຊ່ວຍເຫລືອຢ່າງໃຫຍ່ຫລວງ ເປັນຕົ້ນໄດ້ຊ່ວຍເຫລືອກໍ່ສ້າງສະຖານີໂທລະພາບຊ່ອງ
ທຊລ 3 ເປັນມູນຄ່າ 79 ລ້ານຢວນ ສ້າງສຳເລັດປີ 2009.
ໃນປີ 1993 ລັດຖະບານຍີ່ປຸ່ນ ໄດ້ໃຫ້ການຊ່ວຍເຫລືອລ້າໃນການກໍ່ສ້າງໂທລະພາບແຫ່ງຊາດ
ໃນມູນຄ່າ 7,5 ລ້ານໂດລາສະຫະ ລັດ. NHK ຂອງຍີ່ປຸ່ນ ໄດ້ຊ່ວຍເຫລືອເຝິກອົບຮົມທາງດ້ານບັນ
ນາທິການ ແລະ ເຕັກນິກ.
ອົງການ ABU ກໍໄດ້ໃຫ້ການຊ່ວຍເຫລືອທາງດ້ານເຕັກນິກ
ແລະ ລາຍການຕະຫລອດມາ ໄດ້ໃຫ້ລິຂະສິດໃນການຖ່າຍທອດສົດງານກິລາລະດັບສາກົນຫລາຍເທື່ອ.
ອົງການ AIBD ແມ່ນໄດ້ຮັບເອົາພະນັກງານຂອງພວກເຮົາໄປເຝິກອົບຮົມໄລຍະສັ້ນຢູ່ປະເທດມາເລເຊຍ
ແລະ ປະເທດທີສາມເປັນປະຈຳທຸກໆປີ.
ຕະຫລອດ 30 ປີຜ່ານມາ, ໂທ ລະພາບແຫ່ງຊາດໄດ້ເປັນກະ
ບອກສຽງຂອງພັກ ແລະ ລັດ, ຍາມໃດກໍໄດ້ມີຄວາມບຸກ ບືນສ້າງຕົນເອງໃຫ້ສົມກັບຄຳວ່າ:
“ແຫລ່ງຂ່າວສານຄວາມຮູ້ສາລະບັນເທີງສຳລັບທ່ານ”. ພ້ອມດຽວກັນ ນັ້ນກໍໃຫ້ເປັນສື່ທີ່ມີຄວາມວ່ອງໄວ
ຊັດເຈນ ແຫລມຄົມ ໂດຍສະເພາະທາງດ້ານຂ່າວສານສະຖານະການ.
ໃນຖານະທີ່ເປັນສະມາຊິກອາ ຊຽນ, ໂທລະພາບແຫ່ງຊາດລາວພວມມີຄວາມບຸກບືນໃນການຫັນຈາກລະບົບອານາລົກໄປສູ່ດີຈີຕອນ
ໂດຍພື້ນຖານໃນປີ 2015 ນີ້ ຕາມການຕົກລົງກັນໃນບັນດາປະເທດສະມາຊິກອາຊຽນ ແລະ
ຈະສືບຕໍ່ເພີ່ມທະວີການຮ່ວມມືກັບໂທ ລະພາບຂອງບັນດາປະເທດ ເພື່ອນມິດ, ພ້ອມທັງອົງການຈັດ
ຕັ້ງສາກົນທີ່ກ່ຽວຂ້ອງ ເພື່ອຍາດແຍ່ງການຊ່ວຍເຫລືອ ແລະ ຮ່ວມມືກັນພັດທະນາວຽກງານໂທລະ
ພາບໃຫ້ກ້າວໜ້າໄປຢ່າງບໍ່ຢຸດຢັ້ງ.
No comments:
Post a Comment