ກອງປະຊຸມເຈົ້າໜ້າທີ່ອາວຸໂສກິລາອາຊຽນຄັ້ງທີ
III ໄດ້ໄຂຂຶ້ນຢ່າງເປັນທາງການລະຫວ່າງວັນທີ 3-4 ທັນວານີ້, ທີ່ໂຮງແຮມດອນຈັນພາເລດ,
ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານນາງ ແສງເດືອນ ຫລ້າຈັນທະບູນ ລັດຖະມົນຕີຊ່ວຍວ່າ
ການກະຊວງສຶກສາທິການ ແລະ ກິລາ,ມີບັນດາເຈົ້າໜ້າທີ່ອາວຸໂສຈາກ 10 ປະເທດອາຊຽນເຂົ້າຮ່ວມ.
ກອງປະຊຸມດັ່ງກ່າວ ແມ່ນເພື່ອກະກຽມໃຫ້ແກ່ກອງປະຊຸມລັດຖະມົນຕີຮັບພິຊອບວຽກງານ
ກິລາອາຊຽນ AMMS ຄັ້ງທີ II ຊຶ່ງຈະຈັດຂຶ້ນໃນວັນທີ 5 ທັນວາ ທີ່ຈະເຖິງນີ້ ຢູ່ນະຄອນຫລວງ
ວຽງຈັນ.ໃນກອງປະຊຸມໄດ້ປືກ ສາຫາລືແຜນການເຄື່ອນໄຫວ, ບັນດາຫົວຂໍ້ປືກສາຫາລື
ແລະ ແລກປ່ຽນຄຳຄິດຄຳເຫັນ,ບັນດາເອກະສານເພື່ອການຮ່ວມມື ແລະ ສົ່ງເສີມການພັດທະນາກິລາ,ຂະບວນການກິລາເພື່ອໄມຕິຈິດ,ມິດ
ຕະພາບ,ການສົ່ງເສີມຄວາມສະເໝີພາບ ແລະ ໃກ້ຊິດໃນປະຊາຄົມອາຊຽນ,ການພັດທະນາ
ແລະ ອະນຸລັກ ວັດທະນະທຳຂອງອາຊຽນຜ່ານຂະບວນ ການກິລາ, ການແຂ່ງຂັນແບບຍຸຕິທຳ
ແລະ ທຽບທັນກັບພາກພື້ນ ແລະ ສາກົນ. ພ້ອມນັ້ນໃນວາລະກອງປະ ຊຸມກໍໄດ້ມີການປຶກສາຫາລື
ໂດຍອິງໃສ່ຜົນຂອງກອງປະຊຸມເຈົ້າໜ້າທີ່ອາວຸໂສຄັ້ງທີ II ທີ່ຊຽງໃໝ່ປະເທດໄທ
ທີ່ຈັດຂຶ້ນໃນລະ ຫວ່າງວັນທີ 22 -26 ຕຸລາ 2012 ຜ່ານມາ,ທີ່ໄດ້ມີຂໍ້ລິເລີ່ມດ້ານການຮ່ວມມືດ້ານການກິລາ.
ສຳລັບເນື້ອໃນທີ່ຈະ ນຳສະເໜີໃນກອງປະຊຸມAMMS ຄັ້ງທີ II ໃນຖະແຫລງການວຽງຈັນວ່າດ້ວຍການຮ່ວມມື
ແລະ ພັດທະນາກິລາຂອງບັນດາປະເທດອາຊຽນ.ປະເທດອາຊຽນເຫັນດີຮັບຮອງເອົາການແຂ່ງ
ຂັນກິລາຕາເວັນອອກສຽງໃຕ້ (ຊິເກມ) ກິລາມະຫາວິທະຍາໄລອາຊຽນ ແລະ ກິລານັກຮຽນອາຊຽນ
ເປັນກິດຈະກຳການແຂ່ງຂັນກິລາຂອງອາຊຽນ,ອາຊຽນເຫັນດີຮັບຮອງເອົາຂະບວນການເຄື່ອນໄຫວກິລາກາຍະກຳເພື່ອການຮ່ວມມື,
ມິດຕະພາບ, ສັນຕິພາບ ແລະ ພັດທະນາໃນຂົງເຂດອະນຸພາກພື້ນ ແລະ ສາກົນ, ສ່ວນໃນພາກສະເໜີຂອງ
ສປປ ລາວ ທີ່ຈະນຳສະເໜີເຂົ້າໃນກອງປະຊຸມ AMMS ຄັ້ງທີ II ມີ: ການສ້າງຕັ້ງສຸູນພັດທະນາບຸກຄະລາກອນກິລາກາຍະກຳອາຊຽນ(ຄູເຝິກ,
ກຳມະການຕັດສິນ, ຜູ້ບໍລິຫານກິລາ ແລະ ນັກກິລາ)ຕາມຄວາມເໝາະສົມຂອງແຕ່ລະປະເທດສະ
ມາຊິກ,ອາຊຽນເພີ່ມທະວີ, ຊຸກຍູ້ສົ່ງເສີມການແຂ່ງຂັນກິລາເຍົາ ວະຊົນລຸ້ນອາຍຸປະເພດຕ່າງໆ
ເພື່ອສ້າງນັກກິລາສືບທອດໃນອະນາຄົດ ແລະ ເພີ່ມທະວີການແລກປ່ຽນຂໍ້ມູນຂ່າວສານທາງດ້ານກິລາພາຍໃນອາຊຍນໃຫ້ນັບມື້ກວ້າງຂວາງ
ແລະ ທັນສະໄໝ.
No comments:
Post a Comment