laophatthananewspaper: ສື່ມວນຊົນເປັນພາຫະນະນຳຄວາມຍຸຕິທຳສູ່ສັງຄົມ

ຂະບວນການນຳເອົາກົດ ໝາຍລົງສູ່ປະຊາຊົນນັບມື້ກວ້າງ ຂວາງ, ເລິກເຊິ່ງໃນທົ່ວປະເທດ ສື່ມວນຊົນກໍເປັນໜຶ່ງໃນພາ ຫະນະທີ່ນອນໃນຂະບວນການດັ່ງກ່າວ ເຊິ່ງຜ່ານມາ, ຄະນະພັກ-ຄະນະນຳກະຊວງຍຸຕິທຳ ໄດ້ຖືສຳຄັນ ແລະ ໄດ້ຈັດຕັ້ງການໂຄສະ ນາເຜີຍແຜ່ວຽກງານຍຸຕິທຳຢ່າງຕັ້ງ ໜ້າ ແລະ ເປັນປົກກະຕິ ສາມາດຍາດໄດ້ຜົນສຳເລັດໃຫຍ່ຫລວງ ຫລາຍດ້ານ. ນີ້ຄືຄຳເຫັນຂອງທ່ານ ສາສະດາຈານ ດຣ. ຈະເລີນ ເຢຍປາວເຮີ້ ກຳມະການສູນກາງພັກ, ລັດຖະມົນຕີວ່າການກະຊວງຍຸຕິທຳ ກ່າວໃນພິທີແລກ ປ່ຽນບົດຮຽນວຽກງານສື່ມວນຊົນ ແລະ ການນຳສະເໜີໜັງສືພິມ ກົດໝາຍ ຢູ່ກະຊວງຍຸຕິທຳ ໃນວັນທີ 5 ທັນວານີ້.

ລັດຖະມົນຕີວ່າການກະຊວງຍຸຕິທຳ ໄດ້ເນັ້ນວ່າ: ການສ້າງລັດແຫ່ງກົດໝາຍຂອງປະ ຊາຊົນ ໂດຍປະຊາຊົນ ແລະ ເພື່ອປະຊາຊົນ, ກະຊວງຍຸຕິທຳໄດ້ມີຄວາມພະຍາຍາມ,ບາກບັ່ນບຸກ ບືນຮ່ວມກັບຂະແໜງ ແລະ ອົງ ການອ້ອມຂ້າງ ແລະ ທ້ອງຖິ່ນ, ດຳເນີນການສ້າງຮ່າງກົດໝາຍ ແລະ ນິຕິກຳໃຕ້ກົດໝາຍ ໂດຍຕິດພັນກັບການເອົາໃຈໃສ່ຈັດຕັ້ງໂຄ ສະນາລວມທັງໂຄສະນາຜ່ານສື່ມວນຊົນ ອັນພົ້ນເດັ່ນແມ່ນໄດ້ມີຂະບວນການນຳເອົາກົດໝາຍລົງສູ່ປະຊາຊົນນັບມື້ກວ້າງຂວາງ, ເລິກເຊິ່ງໃນທົ່ວປະເທດ ເຊິ່ງເອີ້ນ ວ່າ:ຂະບວນວຽກງານຍຸຕິທຳຮາກຖານ.ນອກນີ້,ກະຊວງຍຸຕິທຳຍັງມີຄວາມພະຍາຍາມອອກຈົດໝາຍ

ເຫດທາງລັດຖະການ ເຊິ່ງປັດ ຈຸບັນໄດ້ກາຍເປັນຈົດ ໝາຍເຫດທາງລັດຖະການ ໂດຍຜ່ານລະບົບເອເລັກໂຕຣນິກ, ອອກວາລະສານກົດໝາຍ-ຍຸຕິທຳ ແລະ ໄດ້ອອກໜັງສືພິມກົດໝາຍ ເປັນສະບັບທຳອິດ.ທັງນີ້ກໍເພື່ອແນໃສ່ໂຄສະນາເຜີຍແຜ່ແນວທາງປ່ຽນແປງໃໝ່ຮອບດ້ານທີ່ມີຫລັກການຂອງພັກ ເຊິ່ງໄດ້ຫັນເປັນລັດຖະ ທຳມະນູນ, ກົດໝາຍ ແລະນິຕິກຳ, ເຜີຍແຜ່ແບບຢ່າງທີ່ດີໃນການເຄົາ ລົບ ແລະ ປະຕິບັດລະ ບຽບ-ກົດ ໝາຍ,ຄວາມຍຸຕິທຳໃນສັງຄົມ. ພ້ອມກັນນັ້ນ ກໍປະກອບສ່ວນຕໍ່ສູ້ສະກັດກັ້ນ ແລະ ຕ້ານປາກົດການລະເມີດລະບຽບ-ກົດໝາຍ,ປົກປ້ອງ ແລະ ເສີມຂະຫຍາຍສິດເປັນເຈົ້າ, ສິດປະຊາທິປະໄຕຂອງປະ ຊາຊົນບັນດາເຜົ່າ.

ໃນການແລກປ່ຽນບົດຮຽນສື່ມວນຊົນຢູ່ກະຊວງຍຸຕິທຳເທື່ອນີ້ ເປັນຂີດໝາຍທີ່ດີທີ່ມີການເຂົ້າ ຮ່ວມຂອງການນຳຂັ້ນສູງຂອງພັກ,ຂອງລັດ ແລະ ຂອງສື່ມວນຊົນ ອັນເປັນການສະແດງອອກເຖິງທັດສະນະ, ຄຳເຫັນ ແລະ ບົດ ຮຽນອັນດີທີ່ສ້າງສັນພາຍໃຕ້ແນວ ທາງຂອງພັກ ແລະ ລະບຽບກົດ ໝາຍຂອງລັດ ເຊິ່ງຍາມໃດສື່ມວນຊົນລາວກໍຈົງຮັກພັກດີຕໍ່ພັກ, ຮັບໃຊ້ປະຊາຊົນ,ເປັນກະບອກສຽງ ແລະ ເປັນອາວຸດອັນແຫລມຄົມ ແລະ ເດັດຂາດເດີນຕາມເສັ້ນ ທາງສັງຄົມນິຍົມທີ່ພັກເຮົາໄດ້ກຳ ນົດໄວ້. ໃນດ້ານວິຊາສະເພາະສື່ມວນຊົນລາວໄດ້ເຕີບໃຫຍ່ຂະຫຍາຍໂຕທາງປະລິມານ ແລະ ຄຸນນະພາບໂດຍສະເພາະໃນຖັນແຖວຍຸຕິທຳ ສາ ມາດສ້າງໄດ້ກະບອກສຽງຂອງຕົນ ເຊິ່ງມີທັງວາ ລະສານ, ໂຄສະນາໃນສື່ເອເລັກໂຕຣນິກ ແລະ ໃນຕົ້ນເດືອນທັນວາຂອງປີນີ້ ກໍໄດ້ກຳເນີດໜັງສືພິມກົດໝາຍຂອງຕົນຢ່າງເປັນທາງການແນໃສ່ເພື່ອເຮັດໃຫ້ພະນັກງານ, ທະຫານ, ຕຳຫລວດ ແລະ ປະຊາຊົນໃນທົ່ວປະເທດ ລວມທັງອົງການຈັດຕັ້ງສາກົນ, ອົງການຈັດຕັ້ງທີ່ບໍ່ຂຶ້ນກັບລັດຖະ ບານ (NGO) ແລະ ຊາວຕ່າງດ້າວທີ່ອາໄສຢູ່ ສປປ ລາວ ຮັບຮູ້, ເຫັນແຈ້ງ ແລະ ປະຕິບັດລະບຽບກົດໝາຍຂອງ ສປປ ລາວ ຢ່າງເຂັ້ມງວດ.

ບັນດາຜູ້ເຂົ້າຮ່ວມຍັງຍົກໃຫ້ເຫັນບົດຮຽນຄວາມຮູ້ທາງວິຊາການ, ໂຄງປະກອບການຈັດ ຕັ້ງ ແລະ ບັນຫາອື່ນໆທີ່ຄວນໃສ່ໃຈ ໂດຍສະເພາະການໃຊ້ສັບພາ ສາ, ໄວຍາກອນ, ບັນຫາຂໍ້ມູນຕ່າງໆ ແລະ ອັນສຳຄັນແມ່ນບັນ ນາທິການ ຕ້ອງເປັນຜູ້ມີຄວາມຮູ້, ມີປະສົບການທີ່ແນ່ນອນ, ກຳແໜ້ນແນວທາງຂອງພັກ, ມີວິຊາສະເພາະ ແລະ ຮູ້ຫລີກເວັ້ນບໍ່ໃຫ້ເກີດໜັງສືພິມໃນລັກສະນະລາຍ ຕາມໃຈ, ລາຍຕາມເງິນ, ແຕ່ຕ້ອງສ້າງໃຫ້ເປັນລາຍປົກກະຕິ, ຈາກນ້ອຍຫາໃຫຍ່, ຕ່ຳຫາສູງ, ຈາກລາຍເດືອນເປັນລາຍປັກ ກ້າວສູ່ລາຍສັບປະດາ ແລະ ເປັນລາຍວັນ ໂດຍອີງໃສ່ເງື່ອນໄຂ ແລະ ຄວາມເປັນຈິງຂອງແຕ່ລະໄລຍະຂອງວຽກງານ.